الوسم: الخوف

الخوف الشديد من الفحص والولادة

شحالكم
انا حامل في الشهر التاسع يعني مطوفة اسبوعين من التاسع قبل لا ادخل التاسع بيوم تعبت ونزل علي ماي
وسوولي فحص دخلو صبوعهم واايد يعور وعصبو علي
اونه كيف بتربين طبيعي وانتي جي انا ماكنت اخليهم موول وعقب طلع هالماي افرازات زايدة ومب طلق وعقب رديت البيت واحين مر اسبوعين بس مااعرف كيف بربي وهم كل شوي يدخلون شي واايد يعور مرة صبعهم ومرة مثل اله صغيرة مااعرف شو اسمه مااعندي فكرة الولادة كيف بالظبط لأني بجر احس اللي يخوف التجييك
ادعولي*

بالتوفيق ان شاء الله

أختي لا تحاتين ما في شي يخوف

‏?بَس انتي خليج ريلكس واستعفري وأيـد وريحي بالج وكل شي بيكون بخير
وعن الفحص هذا طبيعي يوم هم بيسون لج الفحص خذي نفس عميق وخليج مرتاحه وركزي علـى كلام الدكتوره
وماراح تحسين بشيء

لأن انتي تحطين في بالج خايفه فتتوترين

والله يسهل عليج حبوبه

والله انا شراتج وايد خايفه من هالفحص
الله يسهل علينا يارب ……………………………………

صح كلامج هالفحص مزعج بس لازم يسوونه عشان يقيسون الرحم
انتي لا تشدين وخلج ريلاكس لان التوتر والشد يخلي الشي مؤلم اكثر

لا تحاتين ما في شي يخوف
الله يسهلج ولادتج ان شاء الله و تقومين بالسلامه بتنسين ساعتها كل التعب

دايماااا تذكري انج موو اول وحده ولا اخر وحده تسوي هالفحص حياتي انا لما عطووني طلق صناعي في يوم واحد 5 او 6 دكتوورات دخلن صبووعهن تخيلي صدق تعبت حتى من كثر مايدخلن ايديهن دااخل تم يطلع دم يعني شوفي كيييف الم ولوعه جبد بس و الحمدلله رب العالمين ربيت و ارتحت و مااانصح اي وحده تااخذ طلق صنااعي الا للضرووووووووووووورة فقط فقط

الحمل ونسبة الهرمون والخوف من الاجهاض


بنات انا سويت عملية اطفال انابيب ترجيع اجنه مجمده وبعد اسبوعين سويت فحص وطلع حمل ونسبة الهرمون 13.43 وكان يوم الخميس بعدين اتصلت بالدكتور اليوم وخبرته وقالي عيدي الفحص وسويته اليوم الفحص وانخفظت نسبه الهرمون 8.94 ورديت اتصل بالدكتور وتفاجأ وزعل مثل ماانا زعلت وشبعت صياح اخر شي قال الدكتور ودري الحبوب والمثبتات لان احتمال اكثر شي تجهضي لان النسبه هاي ماتبشر بخير وانا وايد زعلت مصره اني اكمل علاجي بالادويه انتوا شورايكم وانا متأمله انه نسبه الهرمون ترتفع مره ثانيه من استوالها نفسي
الحمدلله ع كل حال الله يعوضني خير
بنات دعواتكم يثبت اجنتي ويرتفع الهرمون مره ثانيه

أكثري من الاستغفار وإن شاء الله خير

الحمدلله ما انسى التسبيح ولاالاستغفار
ان شاءالله الله يسمع منج

الله يرزقج حبيبتي بالحمل السليم وبالذريه الصالحه

امين الله يسمع منج اختي

الله يرزقج ولا يحرمج ان شا الله

اسأل الله لكِ الحمل السليم والذرية الصالحة

الله يرزقج يارب ومايروح تعبج

حلم الخوف من العاصفة ليلا

عاصفة ع الفجر ساعه 3
اخوي وايح الدوام لابس عسكري

عيال اعمامي من البنات والشباب في فيلا وحدة
وقفت امام الزجاج اطالع برع اشوف الشارع الريسي و انحراف شاحنات كبيرة على اطراف الشارع
واشوف من بعيد شاحنات اتطيح
اشوف اعمدة الانارة تروح يمين ويسار
واسمع صوت الهوا دنيا برع ظلام لكن في اضاءة كل شي واضح

شفت طفلة صغيرة لا اعلم لمن خفت عليها عمرها اقل من 6 شهور تقريبا لابسه لون عنابي ثوب مغطي جيمها بالكامل ولكن جميلة لون بشرتها بيضا. شعرها ناعم اسود و كثيف حملتها بين ذراعي و ذهبت لكي البس حذاءي واخرج خوفا من سقوط الفيلا فلبست حذاي المعتاد ع لبسه حاولت الخروج

رايت 4 من عيال عمي
اكبر واحد من عيال عمي صم بكم فالحقيقة و متزوج ولديه 3 ابناء منعني من الخروج فالحلم

و رايت اخاه الصغير و ياشر عليه يقول اتركها تذهب معاها طفلة واخوه ايضا متزوج ولديه ابناء

و رايت ابن عمي الذي يصغرني يريد ان يتهرب مني من راني مع الطفلة
و رايت ابنه عمي التي تكبرني خافت من المنظر خارج البيت فاختفت

توقيت الحلم فليل قبل صلاة العشا

عمري 30
انا موظفة
متزوجة
ليس لدي اطفال
علاقة زوجي و اهله غير جيدة
طلبت الطلاق
متدينة واصلي الحمدلله

تمت الموافقه
خيرا نتلقاه و شرا نتوقاه
ان صدقت الرؤيا
انت تعاني من مشاحنات و هموم و مشاكل في حياتك و دوما قلقه
وتتمني ان تبتعدي عن هذه المشاكل و لكن هناك اشخاص قربين منك لا يرغبون بذلك و ربما
انت سوف تصري علي موفقك و لن تبالي و الله اعلم

الخوف بيدمرني

السلام عليكم ورحمة الله
بختصر الموضوع انا اعرف واحد من اربع سنين ونحب بعض صار له سنه يترجاني عسب يخطبني بس انا خايفه من ردت فعل امي و ابوي و اخواني لان اخوي كان يبي وحده من اماره ثانيه ابوي رفض والسبب اونه الورث و الناس بترمس فلان كيف عرف فلانه و ألخ انا احبه و ابيه و اهو مو ناقصه شي صار لي سنه اخاف اقوله تعال اخطبني و اهلي يرفضونه ويمنعوني عنه لدرجه ان احس فيني اكتئاب كل يوم اصيح قبل لا انام من غير سبب بس الى احسه اخاف يرفضونه و يحرموني منه بغيت منكم خواتي كيف اقنع اهلي فيه كيف افهمهم ان مستحيل اتزوج حد غيره لان اهو كل شي بحياتي والله مو بس كلام اهو كل شي بحياتي

تمت الموافقة
الكلمة الطيبة صـــــــــــدقة

اذا تدرسين او تشتغلين تعرفي ع اخته وقولي لهلج انج تعرفين اخته و تباج لاخوها مافي الا جي

وخليه يخطب وقولي انج موافقه لانج استخرتي وارتحتي بس ابدا لا تقولين يا بتزوجه هو او مابا الزواج لانه اكييييييد بيشكون فيج

الله يجمعكم ب الحلال فديتج 💗

انتي موقفج يختلف لانك بنت والاخ شي ثاني بالمرة لا تحاتي ولا تخافي
اذا نصيبك والله كتبه اكيد الله حيسهل عليج

لا تحزني ولا تضايقي الدنيا ما تسوى ابد
توكلي على الله ودعي دائما الله يسخره لج ويكون من نصيبك
كل شي بالهوء والحكمة تنحل

تعرفي على اخواته وامه
وخبري اهلك وحدة اخوها ناوي يتقدم لي

الله يهديج

قولي انج ربيعه اخته و تعرفي على اخته ورتبو الموضوع انتي وياها

او حد من خالاته عساس مديرتج ورتبي وياها

المشاركة الأصلية كتبت بواسطة dxb_love
قولي انج ربيعه اخته و تعرفي على اخته ورتبو الموضوع انتي وياها

او حد من خالاته عساس مديرتج ورتبي وياها

كلامها صح ماعندج غير هالحل

بموت من القلق والخوف !!

السلام عليكم ورحمة الله تعالى وبركاته ……..

اخواتي العزيزات ياريت لو تشيرن علي بشور انا محتاره وبموت من القلق والخوف

انا الله يسلمكم اشتغلت صارلي سنه وتسلفت عشان ادرس اخواني اثنين ونفس الوقت طلعت سياره عائليه للبيت مب لي

المهم ………….

انا الحين اعاني تازم مادي كبير ما بين البنك والسياره والجامعه … وما يبقى شي عندي غير قليل

وتزوجت وريلي نفس شي مديون وما حيلته شي …. كل الل اريد ه منكن خواتي انكن تفكروا معاااااااااي كيف اقدر اساعد نفسي واوقف من جديد ع ريلي لاني محب اعتمد ع حد ابد ولا اطلب من حد شي (الله الغني ) بس رجواي والله بشوية تخطيط منكن وتفكير معاي عشان احس انه حد يشيل معي همي مع العلم اني الحين بمشاكل كثيره مع زرجي والسبب الماديه ويقول اني انا السبب في اللي احنا فيه
عشان كيه ما ريد اوضحله اني ضعيفه واني مثلما غرقت نفسي اقدر اطلع نفسي بعد ارجوكن ساعدني ارجوكن

ودمتن خير خوات لي ………

اختى اول شي هلا بج اخت عزيزه وغاليه
وواعتبرينا هنا خواااتج
اول شي اكثري من الاستغفاار بكل لحظه وكل وقت فالله هو المنجد من كل هالديووون
اول شي حاااولي توقفين قررض من البنك
وحااولي تسددين ديوونج اول باول لاتفكرين فالشراء الا للجاحه حتى تتعدل ظروفج
وربي ييسر لك امورج ويرزقج

السلام عليكم و رحمة الله و بركاته

اختى اول شي مثل ماذكرت الاخت الفاضله بالاعلي اكثري من الاستغفار و التقرب الى الله و المداومة على قراءة القرآن

الصفا النفسي يلعب دور كبيييييييير في حل المشاكل و تسوية الخلافات
الامور بين الزوجين احيانا تكون سيئه لكن الوحده لازم تتصبر

كونج متزوجه و عندج قروض بنكيه هذا لالااااااااااااااااااااااا يعني باي حال من الاحوال ان زوجج مايصرف عليج

انتي صح تشتغلين لكن هذا شي و قروض و ديون زوجش شي ثاني
يعني سواء تزوجك او تزوج غيرك راح يستدين من البنك ان كانت ظروفه ماتساعده على الزواج

اختي بقولج شي ثاني .. لا تفكرين ابدا ان دخلج من الراتب الشهري هو راح يكون مصدر قوة عندج .. قد يستغل الرجل هذا الشي كنقطة ضعف لو انتي وايد تكلمتي عن هالموضوع او عطيتيه اهميه

انصحج اختى تخففين من التبذير و الصرف على اشياء الضروريه الخاصه فيج لكن الباقي اتركي لريلج انه يصرف عليج و على احتياجاتج العامه .. و طبعا التعاون بينج و بين حلو ( الريل اذا حس انه هو صاحب الكلمة الاولى في البيت يستانس و يحس بثقه في النفس ) اعطيه ثقه بالنفس و حسسيه انج محتاجه لوجوده و لقربه لج
و الاهم يكون احساسج نابع من قلبج .. و تسوين هالشي لانج فعلا تحبينه مش تصنع و العياذ بالله

اسفه ع الاطاله لكن حبيت اقول اللي اشوفه صح

عروستكم خلصت كل شي لكن الخوف ذابحنها من اول ليلة :(( وينكم يالمتزوجات؟؟

[SIZE=6]مساااااااء الخير

شحااااااااااااااااااااالكم فديتكم؟؟

بدش فالموضوع عطووووول وان شاء الله الاقي مساعدة واللي عندها كلام راسلوني عالخااااااااااااص

عروستكم خلصت كل شي لكن الخوف ذابحنها من اول ليلة ( ماااعرف من كثثثر مااسمع من اللي حولي من ربيعاتي المعرسات

احاول اكون مرتاااحة بس مب قادرة ابداااا مب عارفة اتصرف بأول ليلة وشو أسوي

ما عندي حد يقولي شو اللي لازم أسويه

الف مبرووووك وربي يتمملك على خير ان شاء الله

ألف مبروووووك الغالية

الله يسعدج حبيبتي ^^

الف مبرووووك واله يتمم عليكي بالخير

،

يالله ،، دقيتي على الوتر الحساس =(

وأنا بعد ،، والعرس باقي له أقل من شهرين

كنت اسمع العروس تكون متوترة وجيه قبل العرس بس ما تخيلته هالكثر

أنا صرت الرقاد ما أرقده وكله قلبي قابضني وخوف ،، والحمد لله مافيه أي ضغط من ناحية التجهيزات المادية

بس التجهيزات النفسية هاي ما عرفنالها

والله يتمم لج على خير أختي ويبارك لج في حياتج ويسعدج يارب

،

عادي
اعتبريه يوم وبيمر بسرعه
حتى بتتذكرينه عقب يتندمين عاللحظات اللي ضيعتيها