الوسم: الخطبه

بنات عرايس شحالكم علومكم ان شاء الله خطبة الحريم قريبه باذن الله والله يرزقك كل بنت تتمنى ها اليوم وتكتمل فرحتها باذن الله والحمد الله صبرت وبها العمر ولله الحمد لاكنها بنسبه لي اول مره

وحبيت اعرف كيف نضيفهم الحريم .. الريايل ضيافتهم معروفه لاكن الحريم يباله رزه يعني الضيافه لها عادات مثلا وقت العصراو وقت المغرب او وقت العشا بغيت اعرف كل وقت شو الضيافه المناسبه

صح الشي معروف عند الاغلبيه مثل القهوه وشاي مع شاي كرك و حلوى عمانيه او كيك … ممممم وشو غيره

والله يرزقك كل بنت بها الشهر المبارك بالزوج الصالح وحين 10 الاواخر كثروا من الدعاء مع انه صح مقصره لاكن ( ربي اعني على ذكرك وشكرك وحسن عبادتك)

وشو رايكم ألبس بها اليوم وشو اسوي شعري هل اقدر البس عدسه او البس نظاره ومكياج اسويه بروحي او اسويه في صالون مع اني ابي يكون شكلي طبيعي عشان ما يقولون والله كانت غير واحين شكلها غير .,؟

زين الاهم طبعي هادي ما ارمس الا اذا حد رمسني وها طبع مب شي فيني مع اني وايد مزاجيه ونفسيات الله يستر بس ان شاء الله ها اليوم يعدي على خير

فديتكن ساعدوني عشان ما اتوتر وابي ها اليوم يكون كل شي مرتب قبل لا يدشون البيت باذن الله

كَفَّارَةُ المَجْلِسِ
سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

اغلب الناس للخطبه ايون عقب المغرب
يعني حزه عشا، اول شي العصير عقب القهوه ممكن فواله خفيفه عقب العشا او العكس، عشا عقب فواله
لبسي مغربيه افضل شي ونصيحه لا تحطين وايد مكياج والبسي عدسه
لو شعرج قصير خليه مفتوح ولو طويل ارفعيه بطريقه ناعمه

امي بعد تقولي اللبس مغربيه مع اني كنت ناويه البس دريس خفيف وحلو وعليه دانتيل وحرير منقش .. ان شاء الله بشوف مغربي حلو عندي بلبسه

المشاركة الأصلية كتبت بواسطة شما الهاجري

البسي مغربية وتعطري وادخني وحطي ميك اب خفيف
اما بخصوص الفوالة المعروفة (عصاير فرش+ شاي قهوة)
سويتات كب كيك صينية جوكليت وبتي فور
موالح مشكلة + فواكة

ان شاء الله ها اللي بسويه … بطلب ان شاء الله كاب كيك من الانستقرام اسمها suger talks فنانه الصراحه وقلت باخذ لي صحنين فوق بعض اللي للكاب كيك لقيته في فحل و قلت بطلب بعد بثيثه من بثيث ليشيوس في الانستقرام

قهوه + شاي + كرك+ حلوى عمانيه +وفاله اكلات متعدده .

الحمد الله ارتاح بالي احين دامي خذت رايكم للانه في امور نسيتها وذكرتوني اطلبها

شحالكم خواتي ..عساكم على القوه يارب يسعدكم كلكم

والله يحقق بالكم ويرضى عليكم ربي ويوفقكم كلكم دنيا واخره قولو امين …

حبيت استفسر منكم يعني …

لم انخطبتي وكذا يجي فبالك يعني مثال تخافين انك تكوني مطلقه ارمله يعرس عليك شي

مثل هالتفكير ….

انا اخاف اصير مطلقه ولاشي ….وماتحمل ابد ابد ابد ….

هدوني قولو شي … ابي اطمن قلبي …

وايام كنتو مخطوبات شي شو يجي بالكم من التفكير ..؟؟؟؟

حاولي انج ما تفكري فيها

لانج لو تميتي تفكري فيها بتمي توسوسي عقب الزواج

و ما بترتاحي ابد

لو جسمج يساعد خذيلج فستان سمبل وناعم .. كفالي وديور عندهم فساتين نعوووومة وايد تصلح لحفلة خطبة او اذا ميزانيتج ما تسمح جوفي محلات الفساتين ف الميغا مول اذا حصلتي شي سمبل ومحل أفتر شوك بعد عندهم بدل كيوت

اما لو تحسين عمرج جسمج ما يساعد البسي بدلة راقية مسترة أو او ممكن جلابية راقية كويتية مثلا أو بحرينية

لان الاغلب بيلبس بدل وجلابيات ولازم انتي تكونين مميزه ..

اذا قصدج حفلة عقد القرآن .. طبعا الفستان احلى ..

بنات عندي سؤال ‏‏?‏
الاسبوع الي طاف يؤ عندنا ناس
عشان يخطبوني
وعطو قبول مبدأي ‏

بس هالي يو عندنا كانؤ بنات
عم أم الريال
مادري كيف حسيتها مب خطبه
بما إن اهله الاساسين مايو

منو منكن صارلها شراتي
يعني اقارب الريال من بعيد
هم الي خطبوها ‏‏?‏
وسؤالي الثاني هل زيادة
وزن البنت يكون سبب في
عدم قبولها للزواج ‏‏?‏

بيانات اختي متزوجة حامل موظفة
بياناتي متزوجة لي ذرية عاطلة على رقية

بنات حبيت اتخبركم عن شو احسن شي البنت تلبسه يوم خطوبتها اقصد يو ايون الحريم يخطبون ؟ يعني شي يبينها انها كشييخه خخخ… بدله ولا جلابية ؟

هيه نسيت وبرايكن شو الاماكن الغاويه حق اللبس خاصه لهاليوم

البسي جلابيه فخمه و بتحصلين من عند رنا الجوري

عندها اشياء حلوة

او البسي مخور احسن من البدلة

تكون حلوة .. وااذاا اتستوا نصيب عقبها تكشخي وغيره ^_^

بنات اذا عرب يايينكم يخطبونكن
يعني وحده وناس يايينج يخطبونج ويشوفونج
في نظرة الاهل مب الولد
شو تلبسين ماتلبسين
تفجين شعرج ولا تلمينه وتتحجبين
وتكشخين اكثر ماعندج وطلعين عمرج حليوه
ولا تكونين وايد عاديه
وعادي تلبسين عدسات ولا ؟
واذا فيج عيب تحاولين تخبينه ولا تظهرينه ؟؟
وتكونين ساكته طول الوقت ولا شو تسوين
خذوني على قد عقلي وجاوبني
وادعوالي الله يوفقني ويجملني في عيونهم
خايييفه

نعرفهم من زمااان .. بس لما صار الموضوع جد ..

لبست عباة سادة وشيلة .. ولأن النظرة الشرعية كانت نفس الوقت ..

ما يلست عند الحريم غير خمس دقايق .. سلمت يلست شوية هادية وعقب رديت غرقتي …

بس بوجه عام .. خواتي قالوا لي عيب تيلسين وايد وتسولفين وتضحكين ..

هي خمس دقايق وانسحبي .. وهذااللي سويته ..

وبالنسبة للكشخه مثل ما قلت لج .. ما سويت شيء لأننا اهل ..

ولن النظرة الشرعية كانت نفس الوقت .. فما كان له داعي اي شيء يغيرني …

سنه 1930

الأب : الضيف إلي جاي عندي خطبك الحين وانا اعطيته كلمه ، يالله تجهزي علشان عرسك قريب.

البنت : إن شاء الله أبوي .

سنه 1950

الأم : الاسبووع الجاي عرسك ‘ مبروووك ‘.

البنت : إلي تشوفيه يمه ، وعلامات الرضى على الوجه (^_^)

سنه 1960

الأم : ولد عمش حاجر عليش والعرس بعد شهر ، ألف مبروك

البنت : سكوووووووت ووجه مملوء بالخجل (^_^) والفرحة

سنه 1970

الام : ابن فلان تقدملك موافقة ولا لا ؟

البنت : صارت تدلع

تقول : ‘ لا لسا صغيره ‘ ( سبحان مغير الاحواااال)

سنه 1980

هوب هوب هوب البنت صارت تسأل وش اصله وفصله وش يشتغل

و عن حالته الماديه …. وبعد كل هذه الاسئله والكل ينتظر الجواب

ترد عليهم : الرجال كبير ، يعني مو حلووو بالعربي افهموااا

سنه 1990

إنعكست الآيه والبنت تتشرط وتقول : ابي اجلس معه

وأتعرف عليه اكثر عااادي موغلط وبالأخر موموافقه

سنه

البنت : شوفي يمه ، حبيبي جاي يخطبني اليوم موافقين ولا مو موافقين ؟

وحتى إذا مش موافقين راح أتزوجه غصبن عنكم .

سنه

البنت : انااحبك ومستعده أتزوجك !! أنا موافقة وإذا ما تتزوجني راح أنتحرررر

سنه

البنت : اليوم خطبتي يا بابا ….. لا تطلع من البيت اوكي ,

الاب : كويس اللي قلتيلي قبل بكم ساعه

سنه 2024

البنت : بابا بابا الاسبووع الجاي عرسي وانت معزوووم

لا تنسا تكلم عمامي وخوالي واللي تبي تعزمهم بس حدك 50 شخص !!!

سنه 2030

البنت : بابا أعرفك بـ فادي ولدي…

منقوله

الأب : ليش أنتي تزوجتي؟؟

البنت : بصراحة ما كان عندي وقت أخبرك

يعطيج العافيه غناتي

حلوه هههههههههه

وأخييييرا تحددت الخطبة الرسمية

باجر 08/01/ يوم الجمعه

بتكون خطبتي الرسمية،، وبتكون حفلة صغيرووووونه بين العائلتين

اباكم تدعوولي بنات عشان ايتم كل شي على خير

انا فرحاااانه وااايد واااايد وعسى الله يتممم فرحتي ويرزق كل بنت ياااارب عاجلا غير آجل

ويوم الاحد بخبركم النتيجه