مرحبا خواتي
انا حرمة متزوجة وعندي بنات الله يحفظهم
وادرس ف جامغة زايد
بس بصراحة ادرس عشان الشهاده وما افهم وايد بالتخصصات وشو المطلوب ف سوق العمل
سوالي هو
(((( برايكم شو اسهل تخصص ممكن امشي فيه بدون ما احتاج كراف وايد))؟
وجزاها الله خير الي بترد علي
الله يحفظ لج عيالج . . ايوة الشهاده مهمه
والله يا اختي كل شي سهل اذا بتدرسين اما اذا بتراكمينه بيستوي صعب
وبعدين يعتمد علي قدرتج انتي تحبين ماث ولا انجليزي ولا تصميم ؟
من التخصصات المطلوبة محاسبه انا ادرسه وهندسه مطلوب
وبعد اختي دارسه ابله مال الروضه المهم توها متخرجه وتوظفت بالمره هي وربعاتها بس في جامعة الامارات
بس هاللي اعرفه اتمني افدتج بشي
تسلمين ع الرد فديتج
لما بتاخذي المواد اختاري عند دكاترة يعرفون يشرحون
واشتغلي مع قروبات تشتغل
خلصي شغلج وواجباتج في الجامعه وقت البريكات ولما بترجعي البيت اذا عندج كويز او امتحان ذاكري نظمي وقتج وبتتيسر امورج
تسلمين عالنصيحه اختي
مااعرف اختي حسب ميولك يعني مثل ماقالت الاخت تناهيد بس الحين احس مطلوب وايد الشهادات الكمبيوتر واللغه الانجليزيه
ممكن في الاول تاخذين دوره مالت ICDL بعدين IELS وبعد بعض الدورات الاداريه بعدين حددي توجهك وييييييين
انا كنت زمان احب انجليزي كثير بس دخلت نظم معلومات حاسب لاني احب التحدي والاشياء فيها تكنولوجيا بس الرياضيات تعبني
فنصيحه دوري شي سهل عليكي عشان بعدين ماتتعبين ويقولون عنك ماتفهمين وهذا الكلام يوم تدورين شغل
خذي دورات في كل شي وبعدين شوفي شو الميول مالك
تسلمين الغلا
