السلام عليكم حبايبي وخواتي في المنتدى بس ابى مشورتكن في شي ,بنت خالتي ماشاء الله عليها يتها فرصة الدراسة في كندا لكنها متخوفة شوي علما بانها بتكون مع اخوانها و في نفس الوقت خطبها واحد بس هي موعارفة تكمل دراستها وبعدين تتزوج ولا تتزوج و تكمل الدراسة في جامعة زايد؟ ماشاء الله عليها وايد طموحة لكن شوي محتارة
هلا اختي الغالية ..مافيه كــلام تستخير رب البرية وان شاء الله الله يكتب لها اللي فيه الخير يارب
مووفقة باذن الله
وتستشير أهلها ^^
اممممممممم مادري ..!
خلها تشل اخوها ابوها اي حد ..
لاسمح الله اذا صارلهاشي باجر بتستعين بمنو؟
تدرس هنا افضل
وتتزوج وتعيش حيااتهاا
وبالاول والاخير تستخير
والله يوفقها
السلام عليكم ..
لا إله إلا الله ..
حفظ الله بنت خالتج ويسر مسعـــاها للعلم وهذا بفضل من الرحمن الرحيم ..
غـــاليتي بادري عليها بالنصيحه والاسراع بالإستخــــاره ..
ولكــــــــن في نظري لو تدرس في الدول أفضل حفاظا لها وشعورها بالامن والامان ..
الله يسر أمورهــــــــــا بما يرضي الله تعالى ..
حفظج وحفظها ربي ..
انا اشوف انها تستخير قبل كل شي واللي الله كاتبه بيصير ان شاء الله
والصراحه اشوف انها تكمل دراستها فالبلاد اظمن لها واستر لها لا اهلها بيخافون عليها حتى لو هم معاها فالسفر ولا هي بتخاف على عمرها لان بلادنا ولله الحمدلله امنه
والله يوفقها يارب
