السلام عليكم معلمات … عساكن بخير يا رب ..
اكيد وصلكم تعميم اليوم من مجلس ابوظبي و منطقة ابوظبي للي يبي يقوم بتدريب زملاءه المدرسين مادة المهارات الحياتية..
بيكون في يوم في الاسبوع يفرغون فيها المدرس و يعطونه دورات (اظن للي بيدربون) و لازم ما تقل فترة التدريب عن 5 سنوات … و بيختارون 20 معلم و معلمة بس..
يبن لغة انجليزية و يفضل دورات معينة في ماعرف شو لوول…
ابا اعرف شو هي المهارات الحياتية؟؟ هل يقصدون فيها علوم الاسرة؟؟؟ و إلا شي ثاني..
و الا عندها معلومات ثانية ما انذكرت يا ليت تخبرنا …
في التعميم طالبين مدرسين ومدرسات مواطنين
يدرسون مادة المهارات الحياتية اللي بيطبقونها لجميع المراحل
يعني ممكن اتغيرين تخصصج مثلا من العلوم أو التاريخ الى مهارات حياتية
بتكون هناك دورات لازم تجتازينها و مقابله
وبعدين بيختارون 20 مدرس ومدرسه
هالمدرسين بيدربون باقي المدرسين اللي بيدرسون نفس الماده
وشرط انج ادرسين المهارات لمدة 5 سنين …….. يعني مو يختارونج بعدين اتقولين ما عيبني برد لمادتي 
او تتقاعدين او تستقيلين ما شي لازم ادرسين 5 سنين
ومن الاشياء اللي يفضلونها انه اتكون عندج لغه انجليزيه بس مو شرط
هذا اللي اذكره من التعميم
بس بغيت اسال معلمات المهارات الحياتية شو المواد اللي كانوا يدرسونها ؟؟؟؟؟؟وشو طبيعه هالماده ؟؟؟