الوسم: الحمريه

مستشفى دبي يلي في الحمريه

السلام عليكم ورحمة الله وبركاته

بغيت أسالكم عن مستشفى دبي يلي في الحمريه شو الولادة فيه؟؟؟؟؟
يعني في المعاملة والجراحة إذا حد جرب الولاده فيه يخبرنا ؟؟؟
وشو رايكم بغرف ال vip أوكيه يعني يخلونج فيها يوم فيج الطلق وبعدين يودونج غرفة الولادة وكم الليله؟؟

لأني قبل ولدت فيه وبغرفه عاديه وكان أوكيه بس يلي ما عيبني إنه يوم فيج الطلق يخلونج في غرفه مع حريم ثانيين فيهم طلق يعني كافي يلي فيج وبعد اتشوفي غيرج يتويعون جدامج وغير جي بعد يعني ريلج ما يقدر يقعد معاج بس يخلونه يدخل عندج على فترات…..

مادري والله ياختي

بس ان شاءالله الخوات المجربات يفيدونج

للرفع

تسلمون خواتي على مروركم

اتريا تجاربكم يا بنات فلا تبخلوا علينا بالرد

والله الطاقم في مستشفى دبي وايد زينين ويهتمون في الوحده

تسلمين إختي
انزين وشو عن غرف الـ vip حد جرب فيهم؟؟

وينكم يا بنات دبي خبرونا تجاربكم ….

للرفع

صالونات سوق الحمريه

خواني بنات دبي بغيت انشدكم عن احسن الصالونات الي ينقشون حنه في سوق الحمريه
ابغي اغير شوي من الصالونات الي متعوده عليهم ابا شي يديد

عندج صالون البادية حناهم غاوي
وبعد صالون بثينة

انا قبل كنت اسير عند جميله في صالون رزان ،، يعيبني حناها ..

مشكورين خواتي على المساعده

اتمنى بنات دبي مايقصرون معاج..
لان ماعندي فكره..
موفقه اختي..

جربى صالون حفصه

للرفــــــــــــــــــــــــــــــع

فلل الحضيبه السكنيه في الحمريه

السلام عليكم ورحمة الله وبركاته عزيزاتي حبيت حد من الخوات يخبري عن فلل الحضيبه اللي في دبي الحمريه
لاني بسكن جريب فحبيت حد يعطيني فكرو تأثيت البيت

اتريا ردودكم حبايبي

سوق الحمريه في دبي

السلاااااام عليكم شحالكم بنات وحريم
انشاءالله طيبين

اليوم حبيت أسألكم بس ياليت تردون علي

اي وحده ادش لازم اسمع تعليقها لو ماتعرف

شرط ههههههههه

المهم بغيت اسألكم عن الصوالين الي في سوق الحمريه شو رايكم في
حناااااهم

رزاان وبثينه وووووووووو….. يالله خبروني عندهم منو احسن
صالون واحلي حنه

اتريا ردووودكم

الله يخليكم اي وحده ادش ترد علي الموضوع

الصراحة فلورا روووعة وأتمنى أكون افدتج بشي

روحي صالون بثينة عند وحده اسمها سلطانه فنانه

ما عندي فكرة

حبوبه عندج صالون رشناا روووعه واحلى عن لي فالحمريه

ما عندي فكرة

انشاء الله البنات بيفدونج

مرحبا
عندج صالون هيفاء و بثينه اللي في سوق الحمريه
روعه احلى عن فلورا

نادي سيدات الحمريه

السلام عليكم

بغيت اعرف منو منكن بتفيدني اباا عرف متى يبدا دواام نادي سيداات الحمريه ومتى يخلص

لاني اتصل لهم ماايردوون يعني الفتره الصباحيه من الساعه كم الي كم

والفتره المساائيه من كم الي كم

ويزااكم الله خيير

اب اب اب
ان شاء الله حد يفيدج

(اللهم اني أسألك رزقا ليس لأحد علي منه منة وليس لك في الآخرة منه تبعة برحمتك يا أرحم الراحمين )

؟؟؟؟؟؟؟؟؟؟؟؟

؟؟؟؟؟؟؟؟؟؟؟؟

اذا انت من الشارجة او عيمان مري عليهم العصر واسالي عن المواعيد العصرعندهم مهرجان الربيع الحمرية

الي تربي في مستشفى الحمريه عندي سوال

انا اول ولاده لي كانت في هدا المستشفى والحين اناا حامل في الخامس وحابه اني ابدا اراجع عندهم بس مب عارفه كيف يعني لازم اروح عياده القصيص اول شي او سيده اسير المستشفى للعلمك اني من راك
ردو علي ضروووووري

الغالية أول شي تسيرين القصيص..ولازم تكون عندج بطاقة المستشفى…

وتفتحين ملف في القصيص…ويعطونج موعد حق مستشفى الحمرية..حاليا يعطون عقب شهرين…

وإذا تبين أجدمين الموعد تراجعين مستشفى الحمرية وهم يجدمولج إياها…

ررررررفع

مستشفي الحمريه ؟؟

السلام عليكم شحالكن خواتي

انا بعد ايام بدش التاسع ، وبربي ان شاء الله ف مستشفى دبي الحمرية ،وبغيت اسالكن عنه ؟؟
المسافه تقريبا ساعه من منطقتنا الين المستشفى ؟؟ متى اسير المستشفى من احس بالويع ولا أتاخر احسن ؟؟
واول ما اوصل الطوارى؟؟ شو بيسولي ؟؟ اللي مجربة مربية ف مستشفى دبي تعطيني التفاصيل ؟؟ من اوصل الطوارئ والخ …. ،متى لأغير ملابسي قبل الولاده ولا في غرفه الولاده وانا روحي معاهن هم بيعطونى البس ولا ايب من عندي، البيبي يلبسونه هم ولا من الملابس اللي عندي ؟؟ شو الاغراض اللى اخذها ؟
واللي عندها معلومه تضيفها ؟
ومشكوراااااااات فديتكن

الله يسهل عليج ان شاءالله اختي

روحي يوم تحسي ان بين كل ويع والثاني،ثلث لربع ساعه
هناك بالطواري بيفحصونج كم فاتح وبيسوولج تخطيط عشان يشوفون كل كم دقيقه اتييج الالام
اذا بعدج بيحطوج بغرغه ماقبل الولاده اما اذا ماباقيلج شي بيدخلونج غرفه كبيره فيها كم من سرير،بينهم ستاير حق اللي ع وشك الولاده وبيتمو عندج لين يحسون انج خلاص بتربين بيدخلونج الغرفه مال،الولاده وعقب بيلبسو الياهل لبس عادي مفتوح من ورا بس ينربط وقماط بس انا احسه بارد لان مكيفاتهم بارده وهم مابيسبحوه من اول يوم انتي احسن شلي لج لبس ولبسيه عشان يتدفى وهم بعد،بيعطوج جلابيه مريحه اذا بغيتي تشيلي عشان الضيوف شيلي جلابيات

الي مجربه ماراح تقصر ان شاء الله

Upppp

تقومين بالسلامه ان شاء الله

ان شاء الله البنات يفيدونج

للرفع

مشكورات خواتى اللى ردوا علي

صالون بثينه في الحمريه

السلام عليكم ورحمة الله وبركاته

هلااا خواتيييييييي

اللي اتعرف الرقم اطرشه لي ع الخاااااااص

وتسلمون

ان شااء الله البنات اللي يعرفونه ما يقصرن ..
ليش ما تتصلين البداله

تسلمين …

اتفضلي الرقم : 042626744

الولادة فمستشفى دبي الحمريه

السلام عليكم
بنات انا حامل فالشهر السادس
وأبي افتح ملف بمستشفى دبي (الحمريه )
بس بنات عندي استفسارات يأريت حد يجاوبني للي مجرب الولادة هناك

1- متى لازم أسير الهم عشان افتح ملف ؟
2- وكيف معاملتهم وقت الولادة ؟
3- اذا ابي خياطه داخليه عادي ولا ما يسون ؟

ياريييييييييت تجاوبوني

ماعندي خلفيه عنها ..وانشاءالله البنات مايقصرون وياج ..
تربين بالسلامه ياآرب ..

الحين روحي فتحي الملف لانهم بيعطونج موعد متاخر يعني عقب شهر تقريبا
ولازم يسون لج سونار + فحص السكر

عن الولاده وايد اوكي انا لي معاهم تجربتين والحمدلله
الاستفسار الاخير ماعندي فكره

مرت اخوي مربيه عندهم
ماعرف التفاصيل لانى بجر وحامل وهم ما يبون يخوفونى
بس اشوفها تمدح المعامله وااايد وبترد تربي عندهم لثانى مره مع انه هي تقدر تربي في لطيفه بس شكلها ارتاحت من مستشفي دبي

وشو عن الخياطة الداخليه يسون ولا

موفقه

وينكم بنات دبي

منو الحرمه اللي في الحمريه تبيع عود معطر اسمه المها

مساء الخير عل الجميع

من زمان كنت شاريه عود معطر اسمه المها من حرمه من منطقه الحمريه في دبي ضيعت رقمها حد يعرفها ؟؟؟

موفقه واذا لقيتي الرقم انا بعد اباة ابا اجرب العود مالها اذا ممكن

للرفع

لللرفع

——————————————————————————–
•°o.O ( اللهم إن كان رزقنا في السماء فأنزله) O.o°•
•°o.O ( وإن كان في الأرض فأخرجه) O.o°•
•°o.O ( وإن كان بعيدا فقربه ) O.o°•
•°o.O ( وإن كان قريبا فيسره ) O.o°•
•°o.O ( وإن كان قليلا فكثره) O.o°•
•°o.O ( وإن كان كثيرا فبارك لنا فيه) O.o

اب

اب

للرفـــــــع