الوسم: الحلووو

بنات أنا شاريه فستان حق عرس أخوي من أسبوعين ماخذتنه ..
و ماباجي عن العرس شي ..
و الحين قايسته مرة ثانية و طلعت ضعفانه و الفستان طالع وسيع و متبهدل علي ..
كل الخياييط ماحد طايع يضبطه حقي بيوم أو يومين .

ماباجي شي عن العرس ..

ساعدوني بخياط يقدر يضبط لي الفستان و مايخربه حقي ..

الله يفرج هم كل وحده تساعدني ..

روعه الاجواء للشوي

ماشاء الله

بعد شوية نحن بنظهر بنروح نشوي ع البحر

طبعا عاطيني موعد 107 بس ربيت 136 ..

المهم بتاريخ 10 6 يوم الخميس .. حسيت بويع خفيف تحت بطني قلت حق ريلي برووح العياده بطمن ع البيبي .. و سرنا اول ما دخلت ع الدكتوره قلت الها انا يايه اطمن ع البيبي و حاسه بويع خفيف .. كشفت علي قالتلي البيبي وزنه 2.700 وكل شي اوك .. و كشفت لي تحت قالتلي موعد ولاده فاتح 3 ..
استغربت قلت الها ليش انا دشييت التاسع قالتلي انتي تاريخ 7 داشه التاسع كيييف و المستشفى يقولولي تاريخ 19 .. المهم قالتلي سيري اخذي دش دافي و اخذي شنطتج و سيري المستشفى و على الفير انتي ان شااء الله مربيه .. المهم طلعت من عندها و سرت عند ريلي .. شووو قالت الدكتوره قالت جيي و جيي .. استغرب ريلي .. المهم سرنا البيت طبعا اختكم مستحييل اترووح لان ما فيها شي اونه خخخ المهم ع الساعه 8 بالليل سرنا البحر اوني بمشي و عذبني بو الشباب مشي .. و عادي ردييت و الحمدلله الويع خفيف .. طبعا بالليل الاخت ما رقدت و ريلي بعد ما رقدت يحليله عذبته .. و قمت امشي و امشي لين الساعه 1 زاد الويع و زاااد سرت المستشفى و كشفووو علي اونه بعده 3 .. انقهرت المهم ردييت البيت و قرييت قرآىن و رقدت لين الساعه 5 طبعااا طاار الرقااد من الويع .. اترييت لين الساعه 10 و سرت المستشفى و كشفووو عذبووني المهم بعده 3 و رديييت ..

قلت برقد شوي منو قااال من الويع الواحد يقدر يرقد يتني عمتي و قالت لي سيري بيت اهلج يمكن تنسيين الويع و عقب ياااني ريلي :: قومي بودييج بيت اهلج .. و سرت طبعا الجمعه و عدى و الحمدلله الويع خف .. المهم يوم السبت نشييت الصبح طبعا ما رقدت عدل .. و الويع كل شوي يزييد و عقب نص ساعه يخف .. و عدى يوم السبت و يااا يوم الاحد 136 ..

الاحد :
ناشه الساعه 10 الصبح بمووت من الويع ظهري بينكسر خلاااص قلت خلني اسبح يمكن ارتااح .. المهم سبت و الويع كل مره يزييد .. الله يخلي حرييم اخواني فدييتهم يهوووسووون ع ظهري و يقرووون وصل ريلي وقت الغدى و غداني و كان يبا يسير دبي معزووم قلت له سيير ما فيني شي .. و سااار يحليله ..

ع الساعه 3ونص الويع ما ينطااق اتصلت امي باختي و سرنا انا و مرت اخوووي وياها المستشفى و كشفووو علي الحمدلله فاتح 6 و ريلي يتصل و يتصل آخر شي قالت له اختي فاتح 6 طبعا حليله رد من نص الطريييج .. و انا من قادره ايلس من ظهري و اختكم فيها الربووو حطوولي اكسجيين من الويع فريته وصل ريلي و عمتي و انا تعبااانه عقب وصلت امي .ز المهم ريلي واقف ع راسي و انا اصارخ من الويع يحليله حط ايده بحلجي عسب ما احشر الدنيا قمت و عضييته ههههههه فديته … ومن الويع اتعلقت فيييه و كل اللي عندي يضحكووون علي .. عقب ساعتين يت الدكتوره تكشف علي 7 قالت لازم ابط المااي طبعا ما رضيييت غبيه تراني .. خلوووني و عقب ساعه يت و بطت الماي زااااد طبعا الويع من الخااطر عقب ساعتين يت تكشف قالت 8ونص بعد نص ساعه بنودييج غرفه الولاده اتريينا النص ساعه وو ودووني غرفه الولاده و الحمدلله ع الساعه 9 ونص وصل حبيب امه …

السموحه طولت عليكم …