الوسم: الحلف

السلام عليكم
خواتي ابغى وحدة تساعدني وتتصل على مركز دار الافتاء المجاني 8002422 لاني برا البلاد حاليا
مشكلتي حبيباتي اني حاليا اسكن في بيت اهلي لانه زوجي مسافر والمشاكل مع عيال اخوي وعيالي ماتنتهي ماادخل بالتفاصيل
وامي صار سوء فهم بيني وبينها وماكنا نتكلم مع بعض واغلب المشاكل بسبة العيال يتضاربون وماينصفون عيالي لانه ولد اخوي لو يكسر البيت ماحد يقوله شي حتى لو يضرب عيالي مايتكلمون ويقولوا عيال صغاريه وهو عمره خمسة وشوي
ويضرب عيالي بدون سبب وعيالي مايدافعوا عن نفسهم لانه مو متعودين حد يضربهم من العيال
وحتى يضرب اخوي الصغير الله يصلحهم
طلبت قبل كم يوم اساعدها بصنع الغدا وهي رفضت لانه هالاكلة ماتحب الا هي تعملها
وبعدها بيومين طلبت زوجة اخوي اعمل الغداء ورحت اعمله واذن الظهر وتركت الغدا ورحت اصلي ويوم رديت لقيت امي بتشتغل قلت لها اتركيه انا بكمله قالت لا انا ماعندي شغل اني بكمله طلبت مرة ثانية ورفضت
تركتها ورحت ابكي
ودخلت زوجة اخوي وشافتني ابكي قلتلها الاسباب وقلت لها طالما ماترضى اساعدها انا ايضا ماباكل
وخبرت امي وامي قالت لها خبريها تكمل الغدا ويوم جات تخبرني انه امي تقول تعالي كملي الغدا قلت لها مالي شغل بشي ويحرم عليه آكل
طبعا بعدها امي حلفت لي انها اول مرة ماقبلت لانه هالاكلة الا هي تعملها وثاني مرة كانت متضايقة المهم تراضينا وكلشي تمام
انا في هذا اليوم مااكلت اي شي من البيت
لاني حلفت وثاني يوم اكلت لانه امي صارت تبكي لو مااكلت
المهم طلبي الله يرضى عليكم
حد من الخوات تتصل بدار الافتاء وتسئل هل عليه كفارة حلف لاني قلت يحرم عليه اكل

تمت الموافقة

مثل هذه الامور لابد ان تتصلي بنفسك لأن دار الافتاء
قد يسألك أمور لانعلمها
يُغلــــــــــــــق

السلام عليكم خواتي شخباركم
حبيت اخبركم ابسالفة استوت مع ريلي البارحة
نش ريلي الصبح وظهر من البيت عسب ايخلص شغله
وهو في الطريج راد البيت في الدوار ريلي يبي يلف يمين لف عله مصري ودعم سيارته
ويت الشرطة والمصري تم يحلف انه كان ساير يمين وهو اصلا كان ساير يساااار والشرطي حط الغلط على ريلي مع ان امبين ان الريال غلطان
المهم ريلي ماحب يكبر السالفة ويحلف عسب مايحط شي في ذمته لان يمكن صح هو اللي غلطان
والحين السالفة اللي تقهر صج
بعد ماسار الشرطي عنهم وطبعا ريلي اللي بيصلح سيارة الريال
سار ريلي عند الريال وقاله قول الصج انت وين كنت بتسير يمين ولى يسار قالة تبا الصج كنت بسير يساااااااااااار وغيرت رايي ولفيت مرة وحدة ومانتبهتلك
تعرفون شو كانت ردت فعل ريلي
قاله حسبي الله عليك تحلف جذب يعلك ماتوصل البيت وانت في الطريج اتسوي حادث والسيارة اتكنسل قبل لا اصلحها ووتقعد معاق طول عمرك عسب اتحس ابغلطتك

أختي دعوة المظلوم مستجابه

عفان الله يعني الواحد يستهين باسم الله عشان كمن بيزه

دعوة المظلوم مستجابة

الواحد يقول حسبي يالله ونعم الوكيل واذا له حق ربه بيرد له حقه

والله عيمانية شو اقولج ا نقهرت يوم ريلي يخبرني السالفة
يلا في ذمته المهم سلامة ريلي

ام بدر الواحد اذا بكل استهزاء يقول جدامج والله انا حلفت جذب عسب ما اصلح سيارتك
شو بتكون ردت فعلج وانتي معصبة

لا حول ولا قوة الا بالله

حسبي الله وتعم الوكيل بس اختي دعاء ريلج ما اقول الا الله يهدي الجميع

مرحبا ..

والله ماعندي فكره يااختي

اسمحيليي

مشكوووره عالمرور ولوووف .. و ان شاء الله غيرج يفييد

مشكووووره اختي الغاليه .. عالرد ..

يعني نفس المصريين يحلفون جي

بس اللي اعرفه انه فالمحاكم وقت القضايا الكبيره يستخدمون هالشي !!

والواجب أن لا يحلف إلا بالله سبحانه وتعالى، أو بصفة من صفاته، أو باسم من أسمائه عز وجل، والقرآن من كلام الله، فالقرآن من صفات الله، فإذا قال: والقرآن، أو وحياة القرآن، فهذا لا بأس به؛ لأن القرآن كلام الله سبحانه وتعالى، فإذا حلف بالقرآن، أو قال: بعزة الله، أو بعلم الله، أو بحياة الله، فلا بأس، فصفات الله يقسم بها، لكن المخلوقين لا يقسم بهم، فلا يقسم بالنبي صلى الله عليه وسلم، وهو أشرف الخلق، ولا بحياة فلان، ولا بالكعبة ولا بالأمانة، ولا بشرف فلان؛ لأن الرسول صلى الله عليه وسلم نهى عن ذلك، وحذر من هذا صلى الله عليه وسلم.

أختي الأحسن تتصلي بالأوقاف وتعرفين الحكم منهم