[COLOR="rgb(255, 0, 255)"]السلام عليكم ورحمه الله وبركاته
بنات انا متضااااااااااااااااااااااااااااايقه والله
بنات انا صار لي سنين وانا اشل شعري واجرب اجهزه ..
يمكن ايام الناس بعدها ما تعرف شو يعني ليزر ولا البس ولا الكتروليسيز (الكهرباء) لازاله الشعر
وانا جربتهم كلهم
ما ادري كم جلسه في حياتي سويت لليزر..
بخبركم قصتي
اول شي
انا كان ويهي صااااااااافي مافي شعر اللهم بس كم شعره في ذقني سود
و الشنب شوي
وبسسسسسسسسسسسسسسسسسس!!!!!!!
فاول ما طلع جهاز الليزر في العيادات انا سرت وقلت يا اسووومه شلي :
الشنب + شعريات الذقن + الابط + الساق
اوكي
حلو
بديت اشل هالاماكن و عادي الامور طبيعيه
بعدين ..مره من المرات الاخت الفلبينيه الي تشل بالموس قالت تبين اشل لج رقبتج ومنطقه اللحيه كلها ؟ احسن وعادي بيفيد و ما ادري كيف
انا ع نياتي قلتلها اوكي!
من هاك اليوم يا بنات وانا شعري في هالمنطقه غلييييييظظظظظظظظظظظظ و كانه لحيه!!
وانا اصلا مافيني شعر هناك!!
المهم
كملت معاهم يمكن 5 جلسات بعدين غيرت المركز………..لاني ما شفت نتيجه بالعكس زاد شعري وصار لحيه
ورحت اسوي ILPS او السوفت لايت
في مكان ثاني ..
قمت اشل هالمنطقه وانا متضايقه
هالمكان بعد كملت عندهم 5 جلسات سوفت لايت!
وكانت صراحه نتيجته احسن .. خف الشعر ..بس نفس الشي!! ما راح!!
وبعدين انتقلت مركز ثاني بعد
وسوفت لايت …وقريب الخمس جلسات!!!!!!!!!!!!!!
ومركز ثالث ………..سويت عنده 4 جلسات
ومركز رابع سويت عنده يمكن 3 جلسات
المجموع ؟ 17 جلسه تقريبا …هذا ان ما كان اكثر!!!!!!!!!!!!!
بنات انا تعبت !!
صراحه مافي فايده لي
الشي الوحيد الي شفت منه فايده هو الالكتروليسز ( الكهرباء)
صح انه ياخذ وقت
بس هو الي يخفف الشعر ..
بس وين عاد؟؟؟ في بوظبي الاماكن الي عندهم الكهرباء يقولون لي سوي سوفت لايت
وانا خلاااااااااااااص تشبعت من السوفت لايت!!
شو اسوي خبروني
لان منهااااااااااااااااااره من هالشعر
والله استحي صرت منه الكل يشوووفه [/COLOR]
المشاركة الأصلية كتبت بواسطة اهلين و سهلين 