الوسم: الحشيشة

بنات في حد جرب ها الزيت لاني اسمع وايد مديح عنه وابا اشتريه بس قلت اول اتاكد من حد جربه قبل ما اشتريه
الله يخليكم انصحوني

جربته ومانفعني

اختي منوين اشتريتيه هالزيت

انا بعد جربته ممتاز بس لازم اصفي على قد الي بحط لشعري لانه كثير العشب فيه بس رووووووووووووووووعه

!!!!!!
ماعندي فكرة عنه

انا بصراحة قبل سمعت عنه وايد وقلت الا واشتريه بعدين خذيته من كنوز الطبيعة في دبي… واستخدمته 4 مرات وشوه خلا شعري مافي مثله.. اصلا تحسين الفرق من اول مرة بـــــــــــــــــــــس حسبي الله عليهم اكتشفت ان اول ماتوقفينه تظهر النتايج العكسية والله ورب الكعبة اني انهرت يوم شفت شعري يطيح بالالاف يوميا وهذا كله عشان وقفته يعني مثل الدرقز(drugs) خطير مرة وتميت 6 شهور لين مارد لطبيعته وحرمت من بعدها مااستخدمه لان شعري وشعر بناتي راح…
فنصيحت اخت مجربه لاتستخدمينه… وعفكره انا سامعه ان هالزيت مانعينه في السعودية….جربي الخروع وزيت الجرجيروغيرها من الزيوت الطبيعية الموثوقة والمعروفة..والله يوفقج…

كل هذي مشاهدات ولا رد واحد

والله اول مررره اسمع عنه ان شاء الله احد يفيدك

سمعت انه زين للشعر بس يسبب الصدع ولازم تتاكدي ان اللي خديتها اصلي

مشكورات خواتيه على الرد
الحرمه ألي خذته من عندها قالت اصلي و في ذمتها

شوفي حبوبة بقولج عن تجربتي بشكل عام مع الزيوت و الحمدلله ما شاء الله تعطيني مفعول
و السر في الطريقة و الإستمرار قبل لا تكون في الزيت نفسه
قبل لا تحطين الزيت على راسج قسمي شعرج أربع أقسام ابدي فيهم واحد واحد من الجذور لين الأطراف
و دلكي الجذور بأطراف أصابعج مب أظافرج و بعدين أمسح لين الجذور و روحي للثاني و الثالث إلخ
جي يكون اتوزع الزيت على كل الراس و بعدين اتعقصي أو حتى أحياناً إذا ما تفيجت سيدة أدش أتسبح

ماعندي فكرة

موووفقه يا الغلا

هلا بنات ..
بغيت اسألكم عن زيت الحشيشة ..
نتايجه مضمونه ولا ؟؟؟

ماعرف الصراحة

وبالتوفيق حبيبتي

هوحلو برأى البنات اللى استخدموه بس اتأكدى من المصدر عشان يكون اصلى

مشكورات خواتي ..
ياليت نسمع البنات اللي جربوه …

غناتي … أنا استخدمته صراحه ممتاز يطول الشعر ..
بس أول ما توقفينه شعرج بيطيح .. !

عشان جيه … أتمنى إنج تفكرين قبل تستخدمينه أو تستشيرين حد غيري يمكن تجربتهم أفضل عن تجربتي .. أو ما تساقط شعرهم ..

انا اشتريته مااستفد ابداااا… في وحده هنديه تسوي زيت رهيب …. فاد زوجت اخوي وبناتها … ويدون ريحه …كبر الغرشه مسافي …وانا الحين بشتري منها ..لان النتيجه شفتها بعيني ….والله يشهد

موفقه

السلام عليكم

ماعندي فكره .. ان شاء الله البنات يساعدنج

انا خواتي يستعملنه وقاللي انه اوكي بس فبداية الاستعمال يتساقط الشعر اكثر ومع الاستعمال الدايم بيعطيج النتيجه .. ويمكن على حسب الشعر يتقبله بسرعه ولا ..سلام

مشكورات وايد خواتي

بانتظار الباقيات

يمدحونه بس اهم شي يكون اصلي

مشكورة الغالية

ربي ايوفقج

شحالكم يا عرب ؟؟
حبيت أسألكم عن زيت الحشيشة الخضراء.. استوالي كم من شهر استخدمه مع الشاميو ( الحشيشة )..بس ربيعتي نبهتني وقالتلي إنه مب زين .. فياريت للي عندها خلفية .. تقوللي ..
ودمتــــــــــــــــــــــــــــم بود ..

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ما عليه .. بعذركم يمكن ما عندكم علم …

والله مادري
حبيبتي أنا نفسج في قالولي واااايد أوكي وفي ينصحوني ماستخدمه يعني ماعرف
بس ماحبيت أدخل موضوعج وماأرد عليج

بنت خالتي تمدحه بس انا عن نفسي ما جربته ..

ربي يسعدج ^_^

زيت الحشيشة الخضراء فية منه الرخيص والغالي والي 300 درهم هو الي انصحج تستخدمينة أنا إستخدمتة واايد أوكي طبعا لازم يكون مع شامبوه الخاص وبلسمة وما بتحتاجين إتسحين شعرج ولا إترطيبنة لأنه يخلي الشعر عجيب وناعم طبعا بعد شهر تطلع النتيجة
أما الي فالصيدلية تقريبا يكون ب 100 درهم مب أوكي أنا كنت أستخدمة قبل ومب زين ما أنصحج فية

مرحبا..
امي كانت طالبة هالزيت من الوسيط واستعملته أنا بدالها خخخ.. عطتني ياه.. مادري حسيت إنه مفيد لوول وكنت أحطه دوم..بس يوم خلص عني حنت وحصلت واحد منه في سوبرماركت توب توب بس مادري حسيت إنه غير.. استعمله ساعات.. بس هو غليظ شويه.. فأخلطه ويا زيت فاتيكا لوول.. آني وييييز أنصحج تسوين حمام زيت في الصالون وتفكين عمرج ها أحسن شي..

اصراح انا استخدمته وما استفدت…والشامبو الي اوياه صح اينعم بس ماينظف الشعر زين….وهاذا الي عندي….وعندي حد من الاهل يستخدمه….بسالهم وبرد عليج اذا حابه..

يا بنات
من جرب زيت دهن الحوت
ومن جرب زيت الدهبي بخلاصة الحشيشة
الله يوفق اللي ترد ويحقق لها اللي تتمنى
لاني محتارة بينهن
انا دقيت على الاثنين
وكلهم يمدحوهن لي كل واحد يبي يروج سلعته بس ابي اقرر شو اشتري من خلال تجاربكم
في انتظاركم

يارب البنات يفيدونج

انا قبل جربت الحشيش بس ماكان على ايامه مطور للذهبي
بس ما حسيت نفعني
كل شي يبيله استمرار
والزيوت احس ما تناسب كل شعر

ماجربته اختي

upppp

جربت الحشيشة الخضراء قبل لا يصير ذهبي لمدة سنة مع الشامبو خساير ع الفاضي

الله يوفقكم واشكر كل اللي رد
انزين محد جرب دهن الحوت

انا نعرف زيت كبد الحوت، لكن ريحته تلقب الراس وما تتنحاش.

اما زيت الحشيشة كلام فارغ … اسأليني انا

مرحبا ..
حد منكم يعرف وين يبيعون زيت الحشيشة الأصلي؟ أو وحدة تروم توفره لي..
وشكرا

ماعرف هو اصلي او لا عند بو عزوز فبوظبي

مشكورة اختي..
بس لو حد يعرف وين يبيعونه في دبي؟؟ استخدمته بس خلص عني

سيري بوهيل
بتحصلين وحده تبيع زيت الحشيشه يطول الشعر وينعم الشعرو أنا مجربتنه
اسمها سلوى