السلام عليكم و رحمة الله و بركاته
.
.
.
أنا خاطري أسير كوريااااا
رووووووووووووووووووعه
خاطري أسير كوريا
رووووووووووووووووووووووووووعة ..
تسلميييين غااااااتي ع الموضوع الحلووووووو
وانا خاطري اسير كوريا
ان شاالله بعد العيد
بس شو الجو الحين؟؟
خاطري أسير كوريا
يـــــــــــــاي روعة الصور
تسلمين
كوريا حلوة
كيف الحاااااااااال صباياااااااا؟
بنااااااااااات بغيت فزعتكم..
اللي عندها أي معلومات عن اليابان .. الصين .. كوريا الجنوبية..
تسدحها في هالموضوع خخخخ
مقررين نسافر في الصيف إذا الله راد..
ومحتارين بين هالثلاث دول..
علماً.. إن سايرين ( كشتة) بالدرجة الأولى.. وللمناظر والبعد عن حر الصيف.. وآخر شي الشوبينج..
والميزانية تقريباً.. 30-35 ألف ..!!
بغيت أسماء المدن والأماكن اللي تستحق الزيارة .. الفنادق.. كيفية التنقل.. معلومات عن معاملة الشعب.. العملة.. الأكل. الخ ..
واللي بتسااعدني يزاها الله كل خير .. وماتقصر..
ملاحظة:: اللي تعرف بلاد ثانية بهالمتطلبات… تقترح عليناا.. مب شرط بس هالثلاث دول..
عليكم السلام ورحمة الله وبركاته
فخاطري أزور هالبلدان ^__^
ان شاءالله الخوات يفيدونج
ماسرت والله هالدول
يمدحون هونغ كونغ ، وفيها ديييزنييي لااااند ^^
بس ماعرف شو جوها ،
ان شاء الله البنات يساعدونج
هالدول الطبيعه فيهم مب لين هناك يعني اكثر الناس يسيرولهم عشان الشوبينغ لانه اسعارهم رخيصه وبضاعتهم وايد اوكييي
اذا صدق تبين الطبيعه والمكان الحلو الي يرد الروح
مالج الا اوروبا وبالتحديد النمسا والمانيا و سويسرا
شي وايد مناطق حلوه مثل زيلامسي وسالسبورغ
واحلى شي فيها انج تاجرين سياره وتتنقلين فيها وتقدرون تسيرون صوب ايطاليا او صوب فرنسا وين ما تبون
وتقدرين تستفيدين اكثر من تقارير العضوات وخاصه الغر الحشيم
في الصين الجو يكون تقريبا حار مب هاك الزود تقريبا درجة الحراره 35
والصين كبيره وايد فيها مناطق للطبيعه وفيها شوبينج ..
اختي معالي الامارات
منو قالج دول شرق آسيا مافيها طبيعه
بلعكس وايد فيها طبيعه بس المشكله ناس وايد مايعرفولها
فيها طبيعة و شوبينغ ومواقع ترفيهية اكثر بوايد عن اوروبا انا يوم اسافر اوروبا ما ارتاح كثر شرق آسيا
اوروبا بس فيها طبيعة واسواقها الي في بلادنا احلى عنهم بوايد
بس شرق آسياااااااااااااااا بصراحه تحطيم فالاسواق و الطبيعة بس يبالها ناس تعرف الاماكن عدل
انا ان شاء الله مخططه بين الصين و اليابان
اذا رتبت جدول جذي حلو بطرش لج اياه
بس بعدنا ماقررنا
اختتتتتتتتتتتكم
بون بون
السلام عليكم
أنا حابة أعرف عن كوريا لو بس نبذة عنها
وشكر لكم لو رديتوا لاني صدق محتاجة المعلومات
ان شاء الله يفيدونج البنات
uuuuuuuuuuuuuup
شو تبين تعرفين عنها عن مدينه عن طبايع الناس ؟؟؟
شنو تبغي تعرفين عنها انا اسال لك اخي واختي لانهم مقيمين هناك
روووووووووووووووووووووووعه انا سايرتلها 3 مرات
حياتي دشي منتدى العرب المسافرون وكل شي بتحصلينه هناك
السلام عليكم
حبيت اسال اللي بيسافر لكوريا يحتاج انسوي فيزا ؟
انا وريلي ولدي عمره سنتين
وخدامتي لازم فيزا لانها فلبينية
اذا تبين 30 يوم موب لازم فيزا
اذا رحلة علاجي نصيحتي خذي فيزا
عشان لو اضطريتي تمددين بيكون سهل باذن الله
خذي خطاب من مكتب العلاج في الخارج في ابوظبي
عشان تطلعين فيزا بدون مايطللبون بحجوزات فنادق وغيره
وجوازاتكم وصورة شخصيه لكل واحد وميلغ اقل من 200 درهم لكل جواز اتوقع 165 ناسيه
الخدامه انا حجزت لها فندق حجز وهمي من ماي بوكنج
واشتريت التذكرة
وقدمتها للسفاره مع شهاده لمن يهمه الامر من دوامي بالانجليزي فيعا الراتب مذكور
وايضا كشف البنك لثلاث شهور وخطاب لمن يهمه الامر ان اننا مسؤله عن اي شئ يصدر من الخدامه
وبس
لا اله الا الله
هي خدامتج لازم لها فيزااا
ونصيحه لاتاخذين خدامة فليبينية لكوريا
انا خذيت خدامتي الفلبينية لكوريا قبل 3 شهور وراحت عني وفي قبل وحده صار معاها جي فانتبهي
انا بعد حاليا في كوريا
وشردت يخرب بيتها
خذي بشكارة هنديه سيلانيه
مابيشردون باذن الله
ههههههه يا حبهن الفلبينيات لكوريا .. حتى الأندونيسيات .. االله يعينكن خواتي ..
أظهرت دراسة أجريت في كوريا الجنوبية
أن مقابض عربات التسوق في المتاجر هي الأكثر تلوثا بالبكتيريا من بين الأشياء التي يكثر تداولها بين الناس وان مقابض المراحيض العامة ليست بالسوء المتوقع.
وأجرت منظمة حماية المستهلك الكورية اختبارات على ستة أشياء يستخدمها عامة الشعب لمعرفة حجم البكتيريا العالقة بها .
وقال كون يونج ايل وهو مسئول في المنظمة خلال اتصال هاتفي سبب وجود كل هذه البكتيريا على مقابض عربات التسوق
هو أن بها مساحة تفوق الأشياء الأخرى التي يضع عليها الناس أيديهم.
فأرة الكمبيوتر في مقاهي الانترنت وكان بها 690 مستعمرة
علاّقات الأيدي في الحافلات وبها 380 مستعمرة من البكتيريا
مقابض المراحيض وبها 340 مستعمرة
أزرار الطوابق في المصاعد ووجد عليها 130 مستعمرة بكتيريا
علاقات الأيدي في قطارات الأنفاق و بها 86 مستعمرة
نرجو الحذر ثم الحذر
up up up
انا من متى خاطري ارووح كوريا يوم اقول لريلي يضحك عليه خخخ مادري ليش
للرفع
رحلة سعيده مقدما =)
الله ودي اسيرلهااااااااااااااا
الاسعار ما تقل عن ال5الاف ابد
UP UP
ادخلي موقع الطيران اللي تبين اتسافرين عليه وحطي التاريخ الافتراضي اللي تبين اتروحين له وبتظهرلج الاسعار الغاليه ،،
خاطري اسيرلها بس اتذاكرها غالية اعتقد
بالتوفيق
السلام عليكم
انا وصلت كوريا والحمدالله امس وسكنا في شقة فندقية اسمه lexvill بس ابا اعرف شو الاماكن الجريبه مني انا بمنطقة songnam
حبيبتي ودي أساعدج بس ما أعرف في كوريا
لكن لقيت لج في tripadvisor اهم المعالم السياحية
http://www.tripadvisor.com/Attractio…ies-Seoul.html
وبعد بخصوص المطاعم الغربية والعربية
في شارع في سيؤول نسيت اسمه 
فيه كللللللل المطاعم الايطالية والتركية والهندية والعربية الخ جنب بعض
اسألي الكونسيرج في الفندق بيخبرج لأنه معروف وايد عندهم
وخبرينا عن كوريا نبا نعرف 
عيبتج والا لأ ؟
مرحبا اختي ام طلال
اول شي الحمدلله ع السلامة ومبروك عليج الشهر
هذا الموقع في اغلب الاشياء الي تحتاجين تعرفينها عن كوريا
http://www.elakorea.com/portal/45813…f4ec4e345.aspx
انا بصراحة ماعرف المنطقة الي ذكرتيها
بس بالنسبة للأكل الحلال واغراض الطبخ في عندج شارع بتحصلين فيه الاكل الحلال من المطاعم الهندية والعربية
بس تقولين للتكسي منطقة ايتوان وراح يوصلج لان الشارع معروف عندهم
الخوات ما قصروا 
السلام عليكم
شحـــــــــــــالكم … و شحال بلادي الإمارات
أنا مراسلتكم …. ميثاني العيناوية … أحييكم من العاصمة الكورية (( سيؤول ))
و بحفظ الله و رعايته و صلنا كوريا الساعة 4 العصر بتوقيت كوريا .. و بتوقيت الإمارات الساعة 11 الظهر من يوم الجمعة 9-7- م
و مدة الرحلة 8 ساعات … على طيران الإمارات و الدرجة هي : درجة رجال الأعمال ^_^
و أحلى مافي رحلتنا بالطائرة انها كانت على طائرة الايرباص اليديدة ( الطابقين ) ^_^ لا تستعيلون أنا مصووورة كل شيء هههههه
مدة البقاء في كوريا ( شهرين ) و العودة باذن الله للوطن في عيد الفطر السعيد
و سبب طول البقاء في كوريا … ( شغل ريلي … دبلوماسي إماراتي في سفارة الإمارات بسيؤول ) ربي يحفظه لي و لبناته و يبعد عنه العين …. ^_^
و على فكرة كوريا و اهل كوريا يسلمووووووووووون عليكم
و الله يسلمكم الأوضاع في كوريا رووووووووووووووووعة و المناااااااخ يجنن …الجو ممطر و بارد و درجة الحرارة بالظهر هي : 23 درجة ( و طبعا هم يعتبرون هالحرارة مرتفعة جدا و الشعب كله لابس تيشرت و هاف ) ههههههههههههه عيل لو جربوا لهيبنا شو بيقولون لووول ^_^
و بصفة عامة ماشيء عرب وايد … الا عدد بسيط جدا !! يا انهم ( دبلوماسيين أو رجال أعمال )
و الحمدلله الأمن و الأمان متوفر …
و شعب كوريا راقي و متعاون و الإبتسامة دوم في ويهم .. مع العلم انه عدد كبير منهم بعمره ما سمع عن الإمارات أو بوظبي أو دبي … هههههههههه وايد عليهم انهم يعرفون ان نحن عرب ^_^
الحكومة الكورية وايد ظلمت بلادها … لانه ما نشوف اعلانات عنها … بس البلاد تجنن صراحة ^_^ و الصور اللي بحطها في رسالتي الثانية … بتكون أبلغ من الكلام ^_^
و بخصوص المطاعم في كوريا فهناك : المطاعم العربية و الهندية و الايطالية …. و فيه العالمية مثل تشيليز و ماك و هارديز و ربعهم
و بخصوص الأسوااق و هذا عوق الحريم … سوووووووووقهم رووووووووووووووووعة و الماركات على كيف كيفكم … بس البلاد وااااااااااااايد غالية !!!!
انا ع كل حال بحط تقرير مصور ( الرسالة الثانية ) لرحلتي شبه اسبوعي …. و بحط لكم صورة كل مكان سرناه …
طبعا السموحة هالتقرير الأول بلا صور … لاني للحين ما فضيت ابطل جناطي خخخخخخ وايد عليه ازهب نفسي و ازهب بناتي للطلعات …. و بصراحة راح تنصدمون بجمال كوريا شرات ما انصدمت انا …..
و السموحة جان طولت … و تابعوني بالرسالة الثانية ( المصورة )
الله يحفظج يا ربي
وموفقين وننتظر الصوروتقاريرج الحلوه
عاد هالله ه الله في عماركم
موفقييييييييييين
يحيج والله ،، خاطري اسير سيؤوول
بإنتظار التقرير المصور عزيزتي ^^
الله يحفظكم
موفقة الغالية ..ونحن بانتظار تقاريرج
روووووووووووعة ماشاء الله نتريا التقرير ع احر من جمر
وان شاء الله يوم من الايام اسير اليابان .. واذا عيبتني كوريا ليش لا …؟؟؟!!!!!!!!!!!
السلام عليكم ورحمة الله وبركاته
عندي أسئلة عن العلاج في كوريا الجنوبية
وهل حد منكم يعرف حد سافر
اهم الاسئلة
هل فيه شقق مفروشة فيها 3 غرف وصالة وكم اسعارهن ووين
نظرتهم وتعاملهم مع الحريم المنقبات
هذا اهم سؤالين
وشكرا لكم
هلا أختي
انا سافرت مرافقة للعلاج في كوريا الجنوبية
بخصوص السكن يعتمد عالمنطقة الي انتي بتكونين فيها ، نحن كنا في فندق أسمة كلاسك 500 للشقق الفندقية مكان راقي وحلو وفي فريزر للشقق الفندقية ، بخصوص نظرتهم للنقاب فنصيحه لا تلبسينه واكتفي بحجابج لأنهم بيخزونج بعين وما بتحسين براحه ، انا كنت متحجبة وكانو يطالعوني باستغراب فمابالج بالنقاب ! بس طبعا في فئة تخز وفئة ولا كانج موجودة
وبعد بنصحج نصيحة ، العلاج اكيد بياخذ فترة مش اقل عن اسبوعين لذلك خذو معاكم معلبات والبهارات لانه نحن توهقنا ، والمنطقة المسلمة الي ناخذ منها الاغراض تبعد حوالي ساعة عنا لذلك الاحتياط واجب
وانشالله تروحون وتردون بالسلامة
غاليتي ام فارس
اقدر لج هالرد والمشاركة عشان تريدن
انا اتريا رد من مستشفى كوريا وطالعين باذن الله
طلعات امريكا واوربا نعرف شو ناخذ وشو ماناخذ الا كوريا
تكتم محد كاتب شئ
ماعرف شو الوضع شو اشيل
المستشفى في سيوول اسمه سيفرانس
ويارب يشفي ابوي
احتاج 3 غرفه احتاج شقه انا اطبخ
احتاج 3 غرف الوقت ضيق تعبت ابحث
الله يشفي ابوج
ولد جيرانا راح سوا عمليه لكن ماعرف الاسعار او المستشفى
هم راحو ع حساب الحكومة
احتاج لسكن
موب الاسعار
ابا سكن قريب من المستشفى
اعرف العلاج بيطول
احتاج شقه ع الاقل 3 غرف وصاله او غرفتين وصاله
لانه ابا حجرة بروحي انحرج انام ويا ابوي او اخواني
يارب ييسر
وعد بنات باذن الله ان ربي ييسر لي الامر راح اكتب موضوع اساعد البنات فيه
الحكومة ماراح تدبر الا فندق مابتدبر شقق
يارب ييسر
هلا
لاتحاتين اذا انتو. مسافرين من الحكومه فالسفارة راح تتواصل معاكم وبتعطيكم اسماء الفناق او الشقق الفندقية الاقرب عالمستشفى
السفارة هم الي عطونا اسم الفندق ورحناله عطول وهو عبارة عن شقق فندقية مثل ماقلت ونحن كنا نطبخ والحمدلله
الله بشافيه ويعافيه باذن الله وتردين اطمنينا ع حالته