الثقافة الأرشيف - امارتيات الخليج

مدخل التراث والثقافة ومدخل الحكومة والسياسات

السلام عليكم
بنات صراحه انامب عارفه ادرس هل المدخلين ياليت تساعدوني وتعطوني طريقه ادرس فيها المدخل لان اول مره اخذ مداخل

ماعرف

ما أدري شو تقصدين الغاليه؟؟

دورات الثقافة الزوجية ،، استفسار

السلام عليكم ،،

ممكن سؤال ،،، منو منكم جربت تحضر دورات في الثقافة الزوجية ،،،..

سمعت عنها وايد وودي أسجل لدورة بس حبيت اعرف راي اللي مجربين ،،، هل استفدتي منها ؟؟
قدرتي تطبقين اللي تعلمتيه ؟؟؟

انشالله بنات يفدونج
فوووووووووق

ماا جربت00 فووووووق

مشكورين

^^^^

يا خالق الأكوان يا ربـــــــاه.. يا واحدًا لا نرتجي الا هو
يا من تريح القلب ان نداك.. اللـــــــــــــــــه يا الله اللهُ

أنت العظيم المستعان العالي.. وأنا الفقير اليك من اعمالـــي
فأغفر ذنوبا كان لي يا مـــــــن.. لا يعفو عن تلك ذنوب سواه

انا بعد كان خاطري اسجل !!
بس ماحصلت او ماعرفت وين اسير !!
بس اكيد بتستفيدي !!
لان المحاضره الوحده تأثر فيج !!
فما بالج بدوره كامله اكيد انج بتستفيدين منها !!
روحي عزيزتي

انصح كل وحدة تدخل هاي الدورات لانها مفيييييييدة جدا وبتعرفين زوجك كيف يفكر وليش يتصرف معاج ولكل ردة فعل ما تحبينه بتلاقينه في الدورات ليش الرجل يفكر بهاي الطريقة وليش اتصرف بهاي الطريقة

راحت تفهمين زوجك عدل وبتعذريله لان طريقة تفكير الرجل وردات فعله غير عن طريقة تفكير المراة

انصحج اختي لانه مفيدة وبتتغير حياتج للافضل واي سؤ تفاهم مستقبلية مع الزوج راح اتزول لانج بتعرفين الاساليب عن طريق هاي الدورات

زوجي و الثقافة الغربية!!

اخواتي حبيباتي في المنتدى انا اعاني من مشكله مع ريلي و ابدا مو قادره اتفاهم معاه المشكلة انه ريلي درس في امريكا ووايد متاثر بثقافتهم يوم كنت مالجة حسيت بهالشي بس قاللي انه يصلي فقلت خلاص مب مشكله المهم الصلاة والباقي انا بغيره لكن لسه متاثر بالعادات الغربية وما احس عنده مانع انه وحدة من بناتي تروح بيت زميلها في المدرسة تلعب معاه علما انه عندي بنتين 7سنوات و4سنوات و ريلي دخلهم مدرسه اجنبيه يعني اغلبية الصف مب عرب انا في البداية ما عارضت قلت احسن يتعلمون انجليزي و بالنسبة للعربي انا درستهم في البيت و كنت ناوية ادخلهم تحفيظ قران بس ريلي يقوللي بعدهم صغار انتظريهم لين يكبرون ! و انا ابدا مو مصدقة انه هذا السبب لانه صراحة مب منطقي ابدا تصدقون مره بنتي العوده كانت راده من المدرسة ويالسة تسولفلنا في السيارة عن المدرسة وواحد طفل اجنبي باسها علة شفايفها انا صراحة ما اعرف شو صار فيه لمن سمعت هالشي جسمي رجف و خلاص كنت ما اريد بنتي تروح هالمدرسة مره ثانية اما ريلي يلس يضحك و مب هامه الموضوع ابدا و يوم ردينا البيت يلست احن عليه ابا انقل بنتي قاللي :شو عشان هالسالفة؟؟ تراهم اطفال بعدهم خليها تعيش حياتها! , بنات الله يخليكم شوروا علي اذا بهالعمر بوسة طيب في المراهقة كيف !!

الصراحة الله يعينج ..
للرفع

انا رايي انج لازم تجلسين مع ريلج و تتكلمين ويآآه,’
طيب هو مب خآآيف على بنآآته, تذكري انه الله سبحانه و تعالى محاسبنكم على ابناءكم!
أنآآ عن نفسي بملج على بريطاني مسلم بعد 3 شهور —
الله يعينج اختيه..

الله المستعاان .. حبيبتي ريلج غلطاان مثل مااقلتي ^^

والمفروض الصغير يتعود ع الحيااء والحشمه والدين من صغرة .. ومن شب على سيء شاااب عليه

انتي انصحيه ولااازم يسمع ويحضر محاضراات عن تربيه الابنااء بالاسلام فديتج

واذا ماا قدرتي عليه خلي حد وااعي من أهله يسااعدج بهالمهمه

وبنااتج لا تسكتين عنهم دوم وجههيم واسسيهم على اسس اسلاااميه ولا تنسين ان الطفل اسااس تربيه البيت مب المدرسه حبوبة

استغفري بنيه صلاااح حااله وأدعيله بالهداايه

الله يسخره لدينه ياارب

><" لو مارضى انتي علمي بناتج الدين .. علميهم شو الكبائر شو الصغائر
علميهم عذاب القبر و النار
خليهم يخافون .. شو يعني لو خافوو ترى هالصدق! علميهم ان الله فووق و مايرضى!! =]

الله يـــــعينج الصــــرآآآآحـــــة

لاآآآآزم تـــحطين حــــد لتصـــرفات ريـــلج و أفــــكاره من ألحــــين

قـــعـــدي ويــآآآآه وتـــفاهمي مـــعااااه بـــالهـــدااااوة

من رمـــسج قـــعدة أتـــخيل حــياتكم لما يـــكبرون بناتكم ,,, و أســـلوب ريـــلج وآآآيد بيـــأثر ع تفـــكير بناتج و تـــحررهن لما يـــكبرووون

تبين الـــصج ,,, حـــزت في خـــاطـــري رفض ريـــلج تعـــليم بنااااته القـــرآآآآن و حسيت من كـــلامج أنه قــــاعد يتــهرب

خليهم يحفظون القرءان من هم صغار احسن
الله يعينج

مساقات الثقافة للجميع وخاصة بنات الزراعة و بنات العلوم

السلام عليكم خواتي ,,
اشحالكن ؟؟ وشو الصيام وياااكم ؟؟

انا كتبت هالموضوع عسب استفيد من خبراتكم وآرائكم في بعض مساقات الثقافة في جامعة الامارات,,
مثل ما تعرفون اغلب الثقافات تغيرت وكلها يديده وانا احين مبتلشة ما اعرف شو اسجل لقيت 3 ثقافات من اليداد هي اللي تناسبني بس ما عرفت شو اسجل لان الدكاتره مختلفين ,, وغير كل هذا انا خريجة تخصص هندسة كهربا وهذا الكورس بيكون فيه مشروع التخرج ,, وانا صدق خايفة يعني ما ابى دكتور يكرفني يسد دكاتره التخصص فياليت تساعدوني وتخبروني عن الدكتور والتخصص بالتفصيل ,,وانصحوني الله يخليكم وخبروني تجاركم عند الدكتور ,,

المساق الاول:Introd. to Fish&Animal Scienc واللي يطرح المساق Salih A. Al Shorepy

المساق الثاني : Natural Resources واللي يطرح المساق Mohammed A. Aly

المساق الثالث :Contemporary Food Sci& Nutrit. واللي يطرحون المساق

1) Carine M. Platat & Abdul Kader A. Wasesa

2)Sidiga A. Washi & Baboucarr Jobe

وشي عد دكاتره حق هالمساق بس هاذيلة الانسب ,,

بليييز بنات اتمني انكم تساعدوني ,,

وجزاكن الله خير ,,

..,,؟؟؟؟؟؟؟؟

ابببببببببببببببببببببببببب

جرح الثــآني ..

صالح الشرنوبي وايد فنآن ربيعتي خذت عنده وحط لها A

موفقاات خواتيييه ..

يسعدلي يومج ختيه

المساق الثاني : Natural Resources
واللي يطرح المساق Mohammed A. Aly

هالمساق وااايد حلوو وسهل والدكتور سوالف وطيب

اذا تقصدين المصري محمد علي بس يباج ترمسين
وتشاركين وانتي والخير رباعه =)

بعد يا صبايا خبروني بعد ,,

up up