السلام عليكم
خواتي انا جدا تعبت
زوجي من بعد زواجه علي له الحين سنه
واحنا في مشاكل أقصى مره بقينا فيها مرتاحين أسبوع
كل مره يجيني باتهام
وأحيانا يدخل علي و ارحب بيه وألقاه يطالع لي
بنص عين زي اللي يقول وراك شي
مرته بهذلتني وجديدها أني أرسل لها كل شي عن بيتي
لو تهاوشنا او حصلت مصيبه توصلها
ويقول ان يجيها رسايل كلها سب و قذف مني
وانا حتى رقمها ما اعرفه
زوجي لمن يجي البيت و انا ماني موجوده يفتش دواليب الملابس
وانا عارفه لأَنِّي القاها معفوسه بس تاركاه بشوف ايش يدور
عندي
الحرمه ذي مشككته فيا بعد 16سنه عشره
حسبي الله عليهم
وغير كذا يجيني جسمه و رقبته كلها مص وانا حتى حقوقي في الفراش
ما يعطيني هيا
اما يجي تعبان او يتمارض او يتهاوش معاي علشان لايقرب مني
ايش الحل معاه جاب لي المرض و القهر
انا الحمدلله ماني مقصره البس و اكشخ و احلى العطور استخدم
بس اظاهر يوفر قوته لها
مع العلم ان عمرها قريب مني وأخذها سبق لها الزواج
انا عندي منه 4 اولاد كاسرين ظهري
بس كمان انا زوجة ابغا احس ب زوج جمبي يلاعبني و يمازحني زي زمان
زوجته حاولت قبل كذا تفرق بيننا مو اول مره
المره الاولى تطلقت بسبب ظلمها لي
بس المره ذي هيا و هو بعد ظالميني
اهلي حاولو يشوفون الرسايل اللي يقول عليها بس هو رفض
وانا متاكده أني عمري ما أرسلت لها شي
اللهم انت حسبي ونعم الوكيل فيمن ظلمني و كاد لي
كلمي ريلج واشرحيله هالكلام كله!
معقوله 16 سنة ومب عارفة مفتاح ريلج وكيف توصلين له
تناقشي معاه وخليج واضحة وقوية
ترا الريال مرات يوم يجوف الحرمه طيبه بزيادة يستغل هالشي فيها
وانتي المفروض يجدمج ع الثانية ف كل شي لأنج أم عياله والأساس
وهالشي لازم توضحينه بصرامه له!
الله يكون في عونج غاليتي مثل ماقالت دانة بعد عشرة ١٦ سنة المفروض تعرفين كيف تجذبين زوجج لج لازم تقعدون مع بعض وتتكلمون وتناقشون هالوضع وتعرفين منه اسباب هالتغير وخلج قوية وواثقة من نفسج ترا الريال مايحب الحرمة الضعيفة اللي مالها شخصية ولو ناقشج في شي يخص زوجته الثانية قوليله لو عندك دليل يبه غير جذي لا تناقشني في اي شي يخصها وعليج حبيبتي بالدعاء والاذكار وسورة البقرة والله يسخرلج زوجج ويرده لج ردا جميلا
الغالية الرجاء نقل مشكلتك للقسم المتخصص بالمشاكل اسمه مشكلتي
يغلق