التوطين الأرشيف - امارتيات الخليج

مديره التوطين

مرحبا اشحالكم

ممكن اتساعدوني

اولا باركولي اترقيت وصرت مديره التوطين من اسبوع الحين بس ابا خبرتكم في هالمجال اذا ممكن ابا اطور من نفسي واباكم تعطوني من افكاركم هههههههه ماابا اسرق بس اذا حابين اتعلموني ..

من كل قلبي شكرا على المساعدة ..

افكاركم وايد حلوه بس اباكم اتساعدوني من وين اقدر ايب المواطنين يعني مثل مواقع ولا شركات يساعدوني واطور مشغلي …

مرحبا أختي اشحالج…. اول شي احب اهنيج على الترقيه وان شالله الله يوفقج… نصيحتي لج اختي بما انج صرتي مديره التوطين انج تحاولين تحافظين على المواطنين اللي عندج وجوفي مشاكلهم عسب تقللين نسب استقالات المواطنين عندج وحاولي ترفعين نسبه التوطين في بنكج وادعمي موظفينج ودربيهم وبالذات في التخصصات البنكيه شرات الترجيري والرسك والكريدت مب بس كله في خدمه العملاء والموارد البشريه…. والله يوفقج اختي ان شالله وان شالله نتلاقى قريب!!

المشاركة الأصلية كتبت بواسطة Om Maryoma

مرحبا أختي اشحالج…. اول شي احب اهنيج على الترقيه وان شالله الله يوفقج… نصيحتي لج اختي بما انج صرتي مديره التوطين انج تحاولين تحافظين على المواطنين اللي عندج وجوفي مشاكلهم عسب تقللين نسب استقالات المواطنين عندج وحاولي ترفعين نسبه التوطين في بنكج وادعمي موظفينج ودربيهم وبالذات في التخصصات البنكيه شرات الترجيري والرسك والكريدت مب بس كله في خدمه العملاء والموارد البشريه…. والله يوفقج اختي ان شالله وان شالله نتلاقى قريب!!

مشكوره يالغاليه ماتقصرين

الله يوفقج اختي ويبعد عنج الحسااد

المشاركة الأصلية كتبت بواسطة ام دانه777

مرحبا اشحالكم

ممكن اتساعدوني

اولا باركولي اترقيت وصرت مديره التوطين من اسبوع الحين بس ابا خبرتكم في هالمجال اذا ممكن ابا اطور من نفسي واباكم تعطوني من افكاركم هههههههه ماابا اسرق بس اذا حابين اتعلموني ..

من كل قلبي شكرا على المساعدة ..

بالبركة اختي ان شاء الله ..
بس نحنا الي نبى مساعدة منج نباج توظفينا بما انج صرتي مديرة التوطين ..

مبرووك ع الترقيه والله يوفقج في شغلج

الله يبارك فيكم ماتقصرون …..

بس محد ساعدني …

بنات التوطين ابغي مساعدة ضروري الله يخليكم

بنات التوطين ابغي مساعدة ضروري الله يخليكم

وابغي مساعدتكم في البحث عن دول غير عربية

الصور المرفقة

proj.jpg‏ (40.9 كيلوبايت, 20 مشاهدات)

وحي أي معهد وبيسويلج إياه

الصور المرفقة

proj.jpg‏ (40.9 كيلوبايت, 20 مشاهدات)

منو تدرس عن طريق التوطين اوالديوان فكلية العين؟؟؟

مرحبا الي تدرس عن طريق التوطين اوالديوان فكلية العين ترمسني عالخاص

>>>>>>>>>>>>>>>>>>

للرفع

التوطين والمجال الصحي

هلا حبوبات
شحالكم
اليوم اتصلو فيني توطين سالتني اذا اشتغل او ادرس طبعا جوابي كان لا
فقالت لي انه شي كليه صحيه الدراسه فيها سنتين وعقب اتوظف يا ممرضه او فني مختبر وشي بعد 11 وظيفه
الصراحه انا محتاره اسير او لا
موعدي الاثنين لازم اكون ف توظين قبل 11
فيه وحده اتصلو فيها وقالو لها نفس الشي؟؟
خبرووووني يمكن اتشجع
وربي يوفقنا

هلا عزيزتي برايي سيري احسن لج بدل يلسة البيت والملل ع الاقل تقضين وقت فراغج بالراسة وبعدين تراج ظامنه الوظيفة حبيبتي انت من وين

مشكوره الغلا
انا من بوظبي
ان شا الله
بس يعني انا عمري ما فكرت ف المجال الصحي او اكون ممرضه او فني مختبر احس هالاشياء مب شوي يبالها قلب قوي

للرفع

بنات التوطين

حبيباتي انا حابه اسجل في التوطين اللي عندها تجربه وياهم ياليت تطرحها وتفيدني بها لاني وايد محتاره

للحين ماكملت اجرآت التسجيل بس
من ظمن الشروط اني اروح عندهم وايب اوراقي الخاصه ومنها شهادات الدورات
وانا موب ماخذه اي دوره

هل هالشي بيضيع عليه فرصة التسجيل والا شو ؟؟

وياليت تساعدوني شوي بخصوص السيره الذاتيه بما اني هوب ماخذه اي دورات وماعندي اي خبره بس عندي مهارات وايده منها اللغه والكمبيوتر والطباعه

للرفع

اللهّم اغننا برحمتك عن رحمة من سواك ،

وبحلالـــــك عـــــن حرامـــــك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

قصدج تفتحين ملف عشان التوظيف عادي سجلي باللي عندج و بعدين تقدرين تحدثين بياناتج بروحج عن طريق الموقع، عادي أنا سجلت و أنا ما عندي لا دورة و لا خبرة باستثناء تدريب ثلاثة أشهر و بالنسبة للسيرة الذاتية دوري عن نماذج و رقعي مني و مناك دراستج مهاراتج الخريج اليديد ما يتوقعون منه سيرة ذاتية بمستوى عالي و الله يفتح لج، بس نصيحة لا تعتمدين على التوطين و توقفين عن تقديم الوظايف لأن أحياناً تقدمين بروحج و يطلبون رقمج في توطين سواء في نص الإجراءات أو بعد التعيين ..يعتمد على المكان ..

اللي قدمت بالتوطين

بنات منوو قدم بالتوووطيين

وهل صدق يووظفون في ابوظبي ؟؟

شو الاوراق الازمه

اتصلي الهم وبيفيدونج بالاوراق والله حبيبتي ما اذكر الي اذكره السي في بس وهم يدورن لج وعد ما يحصلون لج وظيفه يخبرونج شو من الاوراق الي تيبنها معاج والله يوفقج الغاليه

مشكوره حبيبتي
بس هل صدق هم يضفونج ولا يآخذون الاورآق وما يعبررون ><؟؟؟
هل ف حد توظف من عندهم

انا قدمت ف التوطييين اللي ف العين
يقوولون يدورون لج وظييييفه جربي حظج لان صج يقوولون فيه وظااايف بس ف بوظبي
يبووون كل شي الاصلي مثل الشهااايد الجواز خلاصة القيد وماا اذكر الباااقي

الحمدلله الذي بنعمته تتم الصالحاات ..

وانا مقدمه عندهم من سنتين وكل مره أراجع يردون نفس الكلام ما في شواغر…..إلا كلام في الجرايد ..

انا مقدمه في التوطين .. الاوراق اتصلي بهم احسن ..

والسالفة يبالها صبر .. انا اتصلوبي وقالولي شي وظيفة في بنك بس ما وافقت .. ومن يومين اتصلوبي ان شي في الاتحاد للطيران وظايف .. ووبسير وبشوف

منو تدرس عن طريق التوطين اوالديوان فكلية العين؟؟؟

مرحبا الي تدرس عن طريق التوطين اوالديوان فكلية العين ترمسني عالخاص

>>>>>>>>>>>>>>>>>>

للرفع

التوطين وين

التوطين وين ياخواتي بنسبه ليه انا ماأعرف ازيد عن النطقة التي اسكن فيها والله العظيم و اي وزاره يتبع من الوزاراة

لحقني بسرعه

ماعندي فكره …للرفــــــع

بنات محتارة بين التوطين والكلية ممكن تنصحوني شو الاحسن والي يضمن مستقبلي الله يأجركم

السلام عليكم ورحمة الله وبركاتة

حبيايبي حبيت منتداكم وروحكم الوحده

فحبيت اعرض لكم مشكلتي وحيرتي

انا بنت متخرجه من الثانوية العامة بنسبة جيده

وفوق السبعين والحمدلله

ويعني مؤهله للجامعه او للكلية

لكن مشكلتي هي اني ضعيفه بالانجليزي فخايفه ما اتوفق

لو دخلت الكلية او الجامعه

فقالوا لي عن شيء اسمه التوطين يقولون بدال ما تكلمين دراستج

وسنينج تروح وتتعبين وتتبهدلين

روحي التوطين احسن لج 6 شهور وهم يشغلونج

بس انا محتاره وحاسه ان التوطين ماله مستقبل

وحبيت استشيركم حبايبي شو تنصحوني

التطوين او الكلية

وعلما بان التوطين اي شهاده تقبل فحسيت ان حالي

حال الي ماخذ شهاده اعدادية …

اتمنى من قلبي تقولون الي فيه مصلحتي

والي درست وتعرف عن التوطين تقولي

عنه وعن ايجابياته وسلبياته

امانة بنات شو تنصحوني

ابقي ابني لي مستقبل مضموووووووون

فديتكم وبدعي لكم من قلبي

انتظررررررررر

اختكم المحتارة

iهلا اختي انصحج اذا ظهر اسمج فالكليه كملي فكليه ودرسي وشدي حيلج بس مع هذا قدمي فتوطين وع فكره توطين اذا قدمتي فيه يبالله فتره عسب يردون عليج؟؟؟ وربي يوفقج يمكن تقدرين تكملين فكليه واجوفينها سهله اما اذا مارمتي تراج بتكونين مقدمه فتوطين ؟؟ وتترين ارد؟؟

واسموحه منج

وااااااااااااايد بنات مييييييح ف الانجليزي ماشالله عليهن اتخرجن من الكليه بلابل انجليزي والانسان يتعلم مايتم يقول ما اعرف والكليه اظمن لج اختي الحين الزمن اتغير الي ماعنده شهاده تراه ولا شي دامج متخرجه هالسنه كملي ف الكليه احسن لج ووايد بات يتمنن يكون مكانج ف درسي وكملي واظمني شهادج قبل الوظيفه وان شالله بتعرفين انجليزي والله ايسرلج الي فيه الخير
موفقه الغاليه

حبيبتي
انا ختيه في التوطين بس ختيه متخرجة من الجامعة
يعني لو ماعندج ع الاقل دبلوم لا تدخلين التوطين

نصيحتي درسي وخذي بكالوريوس في اي تخصص تبينه و عقب يوم تتخرجين لو ما لقيتييلج وظيفة لا سمح الله ويئسي لا سمح الله يعني شرات ختيه عقب دخلي التوطين
لأن تخيلي ختيه تخرجت من 2024 وحرام للحينة هب ملاقية وظيفة عسب جيه دخلت التوطين

ربي يوفقج حبيبتي
نصيحتي جامعة هب كلية
بكالوريوس هب دبلوم

لووول
ربي يحفظج
وسوالم

اختي خليج كلية احسن في ناااااااااااااااااااااااااااااس يتمنوون الكلية ليش تضيعينها وشدي حليج وخلاااااااص
والتوطين سيرلهم في اي وقت اذا مليتي في الكلية

انزين ليش ما تسجلييين في معهد بوظبي التابع لجامعه بوظبي لين الحين يقبلووون خرييجييين 2024

تاحذيين من عندهم شهاده الدبلووووم خذيها وبعدين سيري اشتغلي … والدراسه 3 سنوات
2 دراسه والسنه الثالثه تدريب ^_^

وأنا أقول الكلية لأن توطين ما يعطونج شهادة ويعينونج بشهادة الثانوية العامة بس وفيه فرق كبير في المزايا والرواتب بين الثانوية والكلية والجامعة

معركة التوطين والتطفيش في مجلس ابوظبي للتعليم منقوووول

——————————————————————————–

بعد انتظار اكثر من سنتين ودعم لا محدود من القيادات العليا بامارة ابوظبي

قيادة المجلس والسادة فيه يكرمون العرب والمواطن بتالي :

اولا :
الدرجات الوظيفية :
السادة العرب من لا شي فى الوزارة الى ثلاث درجات وهن ( السابعه . السادسة . الخامسة ) في المجلس

الاخوه المواطنون من الدرجة العشرة الي الدرجة الرابعه في الوزارة درجات التعيين وعدم تعديله الا مرة واحده من الرابعه الى الثالثة فقط لقليل من الموظفين من ايام الوزارة اما المجلس بارك الله فيه لا تغير ولا تعديل ولا ترقية لأي مواطن او مواطنة ولا أي درجه برغم وضوح تقارير سنين الخبرة والتقادير طيبة لديهم.

ثانيا :
الاستقالات

السادة العرب في المؤسسة التعليمية لا يستقيل الا ان انتهت فترة السامح والاعارة من دولته او ان وصل السن القانوني ( 63 سنه ) .

الاخوة المواطنين تكون استقالاتهم بسبب كثرة الوعود بتحسين اوضاعهم من غير تنفيذ وبعدم وجود البيئة المناسبة للعمل ووجود الفرص الكبيرة في الهيئات المحلية للامارة .

ثالثاً :
التعينات

السادة العرب يجلبونهم عن طريق الملاحق الثقافيه لسفارات دولتنا الغالية من دولهم من دون انتظار او لف ودوران يكون كل شي واضح لهم والجزء الثاني منهم يكونون من المدارس الخاصة بدولهم ولديهم معهم رواتب ومستقرين ..

الاخوه المواطنين في الغالب يكونون بدون عمل قبل التعيين ويتم تعينهم بعد سنتان او بعد سنه ونص .. طبعا مواطن نشمي ونشيط صعب يكون في نية المجلس الا بفترة تتجاوز السنة ويلزم عليه لتحصيل فرصة عمل و ان يتعين في اي مكان ثاني .. وطبعا يطلب منه شهادة ودورات اكثر من السادة العرب في المجلس ..

ربعاً :
الرواتب

السادة العرب يحصلون رواتب ولا رواتب عيال عمنا في الوزارة

الاخوه المواطنين والمواطنات مايحصلون ولا نصف رواتب المحلين في هيئة ابوظبي للصحه ولا هيئة ابوظبي للبيئة ولا البلديات والزرعة ولا المحاكم وانتم ادري بدواير المحلية منى ..

بالاخير اقول لاخواني الموطنين والمواطنات لا تستقيلون من المجلس وخليكم عظم فى حلوجهم الى ان تتعدل الامور ان شاء الله ولاتنسون سنين خبرتكم معهم ولاتنسون صبركم عليهم ولاتنسون الهدف الاسمى من هذا كله الاجر من الله ووطنكم الغالي

وانا مب ناسي انه عنكم شهادات الهيئات الثانية تتمناهن بس خلو اجركم على الله واثبتو وصابروا

اقسم بالله اني هب حاسد الاخوة العرب رزقهم والله يرزقهم اكثر واكثر ولكن مغتاض من هذا التهميش واللامباله من قبل المجلس للمواطنين الذين يعملون عندهم ولاتكون بدايتنا معهم بشعه كذلك ..

وانا من محبين سالم الكعبي واحمد المجيني 810 وزعيمنا الشاهين

والسموحه منكم وجه نظر تتحمل الخطء والصواب

تحياتي وتقدير للكل

السكرتير الاداري

راقـى
أعجبني من منتدى الامارات الاقتصادي فنقلته لكم

الله يعينا

هيه والله صح لسانه….

للرفع

حسبي الله ونعم الوكيل على كل ظالم

صح لسانه و الله المستعان

جرس – نوفاني – هند سلطان – حارقتهم -فيونكا شكرا لمروركم و كان الله في عوننا