الوسم: التقشير

من جرب التقشير الكرستالي بعيادة كايا

السلام عليكم ..
حبيت اخد رايكم بالتقشير الكرستالي ؟؟؟
انا اراجع بعيادة كايا والدكتوره نصحتني فيه بس قلت الها بفكر وبشوف

موفقه الغلا

مادري بس حبيت ارفع لج الموضووع

يعتمد لشو تبينه ،،
عن نفسي ماحبيت التقشير الكريستالي ،، استمزيت عليه سنه وكنت اسوي جلسه تقشير كريستالي اسبوعيا،،
اذا ما اسوي احس بشرتي ذابله وباهته،،
ولما توقفت بدت تظهرلي حبوب،، اممم احسه يتعب البشره،،

سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته

مشكورات على الردود

ما انصحج فيه يطلع حبوب بويهج ،،،،،

التقشير الأسبوعي والغسول اليومي

الســــــــــــــــــــــــــــلام عليــــــــــــــــــــــــــكم

حبيت أنزل موضوع عن التقشير الأسبوعي و الغسول اليومي اللي كل وحده

منكن تستعمله عشان تحافظ على نضارة بشرتها وحيويتها

وان شاء الله محد يكون منزل هالموضوع قبلي

انزين …

انيي للمهــــــم

أنا ببدا أول وبخبركن شو هو نوع التقشير والغسوول اللي استمعمله حاليا

التقشير الأسبوعـــي

Himalaya neem face pack

بخلاصة النيم والكركم

وااااااااااايد روووووعه يا بنات صدق تحسين

بعد استعماله بتغيير فبشرتج..يفتح ويصفي ويعطي نضارة

وهذي صورته

متوفر فكل مكان وانا دايما اشتريه من الجمعية

الغســــــول اليومي

Himalaya neem face wash

أحسه حلووو واااااااايد أوكييييه كاستعمال يومي

خاصة بعد ما تنشين من الرقاد قبل الدوام

خفيف يعني ما تحسين انه يحرق أو شي بالعكس

وهذي صورته

بعد متوفر فكل مكان

من فترة حبيت أجرب غسوول نيتروجينا من كثر

الاعلانات الصراااحه وايد أغرتني اني اشتريه

انا خذته من الصيدلية … كنت داشة آخذ الأدوية

وجفته فيويهي فقلت يلا خلني آخذه وأجربه

هذي صوورته

مووووووول ما عيبني وماحسه سوى شي لبشرتي

يعني حسيته وااايد عاااادي واقل عن عااادي بعد

بصراااحه ماعرف اذا وحده منكن جربته وحست بنتيجه ..؟؟

والحين يا حلوووواااات

أبـــــــــا كل وحده منكن تخبرنا أي تقشير وأي غسول تستخدم لبشرتها

وياااريت بعد لووو تحطن الصور بيكوون الموضوع أحلى وبيفيدنا أكثر

أتريـــــــــــاكن

الغاليه انا نفسج استخدم همالايا

المشاركة الأصلية كتبت بواسطة فنكي
الغاليه انا نفسج استخدم همالايا

مشكووره اختي على مشاركتج

انتي الوحيدة اللي جبرتي بخاطري حليلي

نتريا باقي الحلوات

نفعتني والله هالملعومآآت ..

بس إذا بشرتي دهنيه ، مختلطهـ .. ينفع ولآ؟

تسلمييييييييين ويعطيج العافيه حبيبتي

المشاركة الأصلية كتبت بواسطة ومضه
نفعتني والله هالملعومآآت ..

بس إذا بشرتي دهنيه ، مختلطهـ .. ينفع ولآ؟

تسلمييييييييين ويعطيج العافيه حبيبتي


اهلين حبيبتي

صورة الهيمالايا اللي انا حاطنته للبشرة الدهنية

وطبعا بتحصلين نفس المنتج (هيمالايا) للبشرة العادية والجافة وللي فيها بثوور…الخ

عاد انتي اختاري اللي يناسب بشرتج

وهذي بعض الصور لمنتجات الهيمالايا لتقشير البشرة

وبتحصلين طبعا وايد أنواع غير هذي

هذا بالنسبة للتقشير

أما بالنسبة للغسول اليومي فهو لكل أنواع البشرة

أتمنى أكون أفدتج اختي

انزين خبرينا عن افضل طريقة لتشقير عشان تعطي نتايج اسرع انا استخدمه فالاسبوع مره بس ما شي فايده
ومشكوره عالموضوع الحلو شراتج

المشاركة الأصلية كتبت بواسطة RNEN
انزين خبرينا عن افضل طريقة لتشقير عشان تعطي نتايج اسرع انا استخدمه فالاسبوع مره بس ما شي فايده
ومشكوره عالموضوع الحلو شراتج

اختي انا بس مجرد اني استخدم التقشير المنزلي

اللي هو هالمستحضر اللي حاطه صورته

مجرد انج توزعينه على ويهج وتخلينه عشر دقايق أو ربع ساعه

وعقب تغسلين ويهج

والافضل انج تغسلين ويهج بماي بارد

لاني حسيته يعطي نضارة للويه

وبس

اما التقشير بطرق ثانية أو التقشير فالصالونات ماجربه اختي

أنا عشان جيه نزلت هالموضوع عشان نستفيد من البنات

ونعرف شو أنواع الغسول والتقشير اللي يستعملنها

أتمنى اكون افدتج غناتي

التقشير الكيميائي

منو سوى تقشير كيميائي؟؟ الدكتور قال بيسوي لي تقشير كيميائي عشان يوحد لي لون البشرة عند مناطق في ويهي غامقة وعندي آثار حبوب……شو رايكم؟؟؟

والله سمعت أنه زين بس ما شفت حد بعيني أمسوي …..
أختي في أي عيادة بتسوينة وشو أسم الدكتور ؟

موفقة الغالية……………

أنا بعد أبغي أعرف شو رايكم في التقشير الكيميائي ؟؟
أنا عن نفسي بشرتي دهنية وفيها نمش … وخاصة منطقة حول الأنف…؟؟؟

ابا اعرف شو الاسباب الي تخلي الوحده تسوي التقشير الكيميائي غير الي ذكرتنه

أم شمشوم : إن شاءالله ناويه أسويه في عيادة سمير العلي عند الدكتور هشام الشامي في بوظبي

لا خلاص غيرت راي بسويه إن شاءالله عند د.أحمد أبوشريعة أحسن د.جلدية في بوظبي

الغاليه روز وين عيادته الدكتور أحمدأبوشريعه وشو أسمها

التقشير اميلان عند دكتور عاطف سدراك

هلا خواتي

امنو جربت اتسوي تقشير اميلان حق البشرة عند الدكتور عاطف في المستشفى التخصصي؟؟
واذا اي وحدة جربت اتسوي مكان ثاني بالعين بعد تخبرنا عن تجربتها؟

ويزاكن الله خير

ان شا الله البنات يفيدوونج

تقشير اميلان حق البشرة شوه فوائدة؟؟؟؟؟

يخلي البشرة صافية و لا بقعه سوده

المشاركة الأصلية كتبت بواسطة بنتuae
تقشير اميلان حق البشرة شوه فوائدة؟؟؟؟؟

اختي هالتقشير مثل ما قالت الاخت الدرر…يشل لج البقع والكلف والحفر من ع ويهج ويخليه صافي

أنا اريده حق وحدة من الاهل تعاني من الحفر في ويها بس قبل حابه تستفسر عن اميلان

في نوع ثاني كوزملان لكن يقولون انه في مجال يحرق لج ويهج…

فاذا حد جرب اميلان عند دكتور عاطف او اي دكتورة في العين يفيدنا

للرفع

للرررررررررفع

التقشير بالكريستال

بنات فديتكن منو جربت تسوي تقشير بالكريستال ؟؟

انا ويهي فيه بقع وآثار لحب الشباب ( حفر )

وفي بعد شوي حب .. مادري بيفيدني ولا لا ؟؟

لان مدحولي التقشير الكريستالي عند دلوك اللي فـ نادي سيدات الشارجة ..

اللي مجربة هناك او اي مكان ثاني تخبرني فادها هالتقشير ولا لأ ؟؟

يعني حسيتي ان الاثار والبقع خفت ؟؟؟؟

جولى ولا

المشاركة الأصلية كتبت بواسطة nena
جولى ولا

السمووحة منج اختي .. بس ما فهمت شو تقصدين ؟؟

للرفع

صدق زعلتوني

يعني ولا وحده فيكن جربت التقشير الكريستالي ؟!!

للـــرفـــع ..

التقشير الكريستالي !

آممممم..
بغيت استفسر عن التقشير الكريستالي بشكل عام ؟؟
حد جربه ؟؟ وحس بالفرق من اول مرة ؟؟
و تأخذونه على كذا جلسة و لا بس جلسة وحده؟؟
و كم سعر الجلسة اللي خذتوها؟؟

انا مقررة اسوي تقشير كريستالي عند سميحة لطفي ؟؟
تنصحوني فيها ؟؟ في منهم يمدحون تقشيرها ويقولن انه خفيف و حلوو

فأنتوا شو رأيكم ؟؟؟

انتظركم..^^
و يعطيكم العافيه يا رب…

التقشير الكريستالي لازم كذا جلسه ومب من اول جلسه تشوفين النتيجه
ينفع للبشره اللي فيها مشاكل قليله بس اللي فيها حفر عميقه وتصبغات بلون غامق ومنتشره بشكل كبير ما تنفع وياها
يعني الدرجه الخفيفه

ما اعرف فديتج بس حبيت ارفع لج الموضوع

انا حسيت بفرق بسيط بس الحين بسوي تقشير كيميائي
اما من ناحيه الوجه فبتحسي بالفرق من اول مره وبتحسي بنعومه

تسلمون خواتي الحلوات على المعلومات المفيدة ^^
…

up up up

موفقة

حبيت اشارككم تجربتي بالتقشير الألماسي للبشرة

مرحبا خواتي

اشحالكم ان شاءالله طيبين

حبيت اشارككم تجربتي للبشرة

قلررت اهتم واعطي بشرتي نضاره قبل زواج اختي عسب اسوي نيولوك

والمركز متعوده اسوي عندهم علاجات الاسنان وما شاء الله عليهم فوق ما علاجهم حلوة اسعارهم احلى

فقلت خليني اجرب للبشرة بالمرة خاصه اني ما احب العب في بشرتي بس لاني مجربه هالمركز قلت اكيد عهم اشياء حلوة

وفعلا حجزت ورحت لدكتورة البشرة وقلت لها اريد شيء يعطي نضارة وتفتيح للبشرة فنصحتني بالتقشير الالماسي
قالت يحفز البشرة وينورها ويعطيها نضاره وفوق هذا تستوي نظيييييفه

وفعلا توكلت على الله وسويتها بالاول شافت نوعيه بشرتي طبعا طلعت دهنيه وسوت لي الدرجه المناسبه لبشرتي خاصه انها حساسه بالاول عورني ههههه فخففته

وبعد ما خلصت الجلسه حسيت بنضاره رهيبه وخلتني اشوف كميه الاوصاخ والدهون اللي طلعت من بشرتي شيء مش طبيعي والله ما صدقت

قالت لاتستعجلين ثاني يوم بتطلع النتائج احلى واحلى

طبعا اول شيء صار احمرار خفييييف على ويهي وكان يعور شوي بس عادي قدرت اتحمله

بس استوت بشرتي تللللللق ما شاء الله وفيها اضااءة وحسيته اعطى امتلاء للبشرة لانه يحفز الكولاجين

الله يتمم لي على خير يارب

على فكرة سويت الجلسه على 500 درهم واللي سوتها لي لبنانية وايد حبوووبة

حبيت اشارككم بتجربتي وياليت كل وحده تقول شو رايها بالتقشير الالماسي

هيييه نسيت اخبركم سويته عند المركز المتخصص الطبي بدبي

انتظر الاراااااااااااء

احبكم

اخ للاسف انا ويههي كان نظيييف ومن يوم ما بديت اسوي مد لايت ليزر اتبقع وطلعت الحبوب الله يعين مشواري طويل بعدني مخلصه ثالث جلسه وولا شعره من وييهي طاحت (( صبر جميل وبالله المستعاب عالعموم انا ناويه اكمل خاربه خاربه وعقب ما اخلص جلسات وان شا الله اتبان نتايج ببدا علاج وتقشير بشرتي
وحمستيني بحطه فاللسته لعقب يسلموووووو

تستاهلين أختي بس الصراحة السعر حلو محطية في بالي أكثر من ألف درهم
وإنزين شو فايدته بعد هالتقشير ؟

بالتوفيق
اختي الي تكلمت عن المدلايت انا مثلج وايد حبوب طلعتي ولاشعره طاحت مع اني مسويه واااااايد جلسات
فقالت المره الجاية بتسولي سوفت لاين اونه احسن

زين ما شاء الله بس عطينا عنوانهم و رقمهم فديتج

جست مي ……حرام والله ليش ما فيه فايده!!

ربيعتي مسويه عندهم بعد ليزر تخيلي للجسم كامل يسوونه ب1500 بس !!

وماشاء الله وايد مستانسه من النتيجه انا ان شاء الله ناويه اسوي عندهم بس اخلص

ماتشوفين شر الغاليه

المشاركة الأصلية كتبت بواسطة قلبي بزي
تستاهلين أختي بس الصراحة السعر حلو محطية في بالي أكثر من ألف درهم
وإنزين شو فايدته بعد هالتقشير ؟

هذا اللي عجبني فيهم اسعارهم جدااا رهييييبة خذيت لسته شوطولها وعرضها هههههه
فايده هالتقشير يعطي نضاره ويبيض البشرة والله حسيت صارت فيني خدود حلوة وبشرتي صارت تللللمع بشكل حلووو
والدهون في بشرتي واااااااااايد خفت
وهالتقشير يجدد البشرة وقالت اسويه الاسبوع الياي بعد وبعدين بعد اسبوعين وبعدين بعد 3 اسابيع وبعدين كل شهر حسب كلامها

التقشير الكريستالي لبشره صافية و مشرقة عند الدكتور كلداري

السلام عليكم

اشحالكن بنات

انا قررت اسوي التقشير الكريستالي قبل عرسي و طبعا عرسي بعد شهرين ان شاءالله .. انا اعاني من المسامات الواسعه و بشرتي شاحبه و تعبانه و عندي امل ان التقشير الكريستالي يحل مشكلتي و بما اني ما اعرف حد جرب هالتقشير قررت اسألكن فياليت الي جربت هالتقشير تخبرنا بنتايجه متى طلعت يعور والا مايعور و بكم و وين

انا حاليا بسير عند ابراهيم كلداري و ان شاءالله يطلع يسوي هالتقشير الي جربت عنده تخبرني لاني متلعوزه ويا بشرتي و اذا عندكن مكان ثاني اضمن فدبي خبروني ..بليز لا تطنشوني عرسي جريب و ابا بشرتي تكون حلوه

انتظر ردكن

جربي الفراكسل احسن عن الكرستالي.

والله ماعندي فكرة

أب

ااااااااااااب

أااااااااااااااااااااااااب انا بعد محتاره

اتمنى البنات يردن عليج

السموووحه منج حبوبه

للرفع

@ منو تبي بشره مشرقه مضاويه متجدده () التقشير البارد @


طبعا لاسباب كثيرة نفسية وبيولوجيه تعرضت لحبوب في الويه وسببت اثار طبعا — بس ع الخدود

وكان دوم الدكتور ينصحني بالتقشير بس انا ارفض لان شمسنا حاره ومستحيل اني اسوي في الدوام لو شو — ما اقدر اسير وبشرتي متقشرة —

ربيعتي نصحتني اني اسوي تقشير في ها الاجازة اللي صادفت العيد الوطني وعيد الاضحى وكانت فرصه ممتازة الصراحه للتقشير —-

طبعا قاللي الدكتور شي اسمه تقشير اخضر وازرق وكيميائي انسيه — في تقشير يديد

(( تقشير اميلان)) — التقشير البارد — عباره عن كريم يحطه الدكتور على الويه بفرشاه وتتركيه لمدة 8 ساعات كاملة من غير ماتغسليه — حتى الدكتور يحبذ انج تسوينه في الليل لجل تكونين انتهيتي من صلواتج — لان ما ينغسل الويه الا بعد 8 ساعات كامله —
http://www.med-estetica.com/Zona_Com…s/amelangr.jpg

الكريم الصغير في الصوره هو الكريم اللي يتم 8 ساعات — الكبير هو اللي بتمين تحطينه لمدة سنه
اللي ابهرني انه سواللي الكريم تحت الجفون وتحت الحواجب -)وها البشرة حساسه ماتقدرين تجددينها بس لان التقشير مايضر الاماكن الحساسه )- طبعا اليوم الثاني شي كريم ثاني يكتبه الدكتور تستعملينه مره واحده يوميا لمدة اسبوعين وعقب جي تستعملينه مرتين باليوم – ولمدة سنه كاملة –في الاسبوعين الاولى يتم الويه يتقشر وبعد الاسبوع الثاني او الثالث يكون الاعتماد ع الكريم مرتين يوميا بدون مايقشر بس يجدد وينشط الخلايا — ويفتح البقع —

انا خلصت تقريبا اسبوعين بالضبط ولازم ابدأ استخدام الكريم يوميا — لمدة سنه – كعلاج طويل المدة بس نتيجه مضمونه —

مميزات هذا التقشير :
1- مايحرق البشرة ابدا ولاحسيت فيه –

2- لون الكريم نفس لون البشره بس كانه كريم اساس لونه اغمق عن بشرتج بشوي —

3- بعد الاسبوعين 0000 مافي حد الا قالي بشرتج روووووووووووعهوفتحت وايد وفيها نضاره وتخففيت الخطوط السطحيه

4- صرت اسير كل مكان من غير بودره ولا كريم اساس رغم ان ويهي يتقشر بس من الاسبوع الثاني يبت غسول للبشرة الحساسه وافرك القشور بخفيف –بس احط مرطب وكريم حمايه من الشمس 100% وبلشر وكحال — وكل حد تخبل ع البشرة اللي عندي —

5- الكل يقول ان ويهج شرات التنيجر — احمد الله تعالى على كل شي رزقني به في الدنيا —

انا ابي التزم بالكريم لمدة سنه كامله للحصول على نتائج ثابته —

ماشاءالله ومشكورة على مشاركتنا تجربتج

والحمدلله على النتيجه الطيبه

ممكن اسم الدكتورد والعياده اختي ^^

ويزاج الله خيرر ع هالطرح ..

للي تبي تبحث في القوقل عن الكريم ونتائجه وتشوف صور — تكتب اسمه Amelan
هني صور لنتائج الكريم السريعه —
http://images.google.com/imgres?imgu…F_enAE298AE298

مشكوووره اختي
بس بكم ؟؟

المشاركة الأصلية كتبت بواسطة فطمطم
مشكوووره اختي
بس بكم ؟؟

الغاليةالكريمة الاولى اللي يحطها الدكتور — حسبها لي ب 2024 درهم — ((للتقشير))

بس عقب تنتظمين على كريم اميلان اليومي — ب 900 وشي يعني تقريبا 1000 بس يتم وايد يعني ممكن يكفي اكثر عن شهرين —

انا في البدايه شفت ان الاسعار غالية لكن من كثر ماخسرت بدون فايده قلت خلني اتوكل على الله —

ماشاءالله تجربة طيبه
ومشكورة اختي افدتينا

عطوني رايكم في الليزر والتقشير

السلام عليكم ورحمة الله وبركاتة

من سنة وأنا محتارة أريد اسوي ليزر للشعر الزايد وتقشير حق بشرة ويهي عشان اثار الحبوب
فأتمنى من أي عضوة جربت عمل الليزر والتقشير تعطيني رايها لأني واااايد مترددة وخيفه يأثر على بشرة ويهي في المستقبل .

المشاركة الأصلية كتبت بواسطة حنان
السلام عليكم ورحمة الله وبركاتة

من سنة وأنا محتارة أريد اسوي ليزر للشعر الزايد وتقشير حق بشرة ويهي عشان اثار الحبوب
فأتمنى من أي عضوة جربت عمل الليزر والتقشير تعطيني رايها لأني واااايد مترددة وخيفه يأثر على بشرة ويهي في المستقبل .

وعليكم السلام والرحمه

هلا غناتي

الصراااااااااحه انا جربت التشقير بس مكان صغيرعسب اجرب وما ناسب ويهي تم يحرقني

بس الليزر بنت خالي وحرمة اخوي امسوين والكل يمدحه

بس هاااا مب اي مكاااااان لازم الدكتورة اتكوون شاطره تعرفين بعد ها ليزر يعني اي غلطه بيكون أثره عليج

بصراحة انا مسوية ليزر بادية الحين من شهر 5 إلي طاف فيه تحسن هو خف شعر ويهي بس مب هاك الزود ونموه استوى واااايد بطيء

هلا الغاليه

انا جربت الليزر للشعر في اكثر من مستشفى ومانفع ابدااااااااااااااااااااااااااااااااااااااااااااا

وسويت تقشير الكريستال وخرب بشره ويههي …………………

انصحج بالكريمات الطبيعيه و الطبيه ..

اختي انا جربت الليزر وندمااااااااااااااااااااااااااانه موووووووووت…. لانه الشعر اللي في ويهي كان خفيف وتخيلي الحين الشعره استوت غليظه من عقب ماخليت الليزر وانا سويته عند الدكتوره سعاد لطفي…الله يسامحها….وعن التقشير انا الحين اتعالج في مكان والصراحه شي عجيب ويهج يتم صافي مثل بشرة اليهال…..انا وامي وحرمت اخوي نتعالج في نفس المكان…

عيون المها لو سمحت شو المكان اللي اتروحون له للتقشير

الليزر اذا تبين الشعر يروح نهائي لازم 3سنوات جلسات