اخباركم بنات؟
انا الحين اسوي تقشير حق ويهي وابا اسوي ليزر هل يصير اسوي تشيز وليزر ازاله الشعر للوجه في نفس الوقت والا بياثر عليا؟
وتسلمون الغاليات مقدما على المساعدة؟
امممممممممممممم عادي بس لازم بين الليزر و جلسة التقشير اسبوع عالاقل
اسألي دكتور جلدية احسن
غرقانة فديتج سالت دكتورة جلدية وقالت عادية بس حسيت انها تبي فلوس مب اكثر لانها تسوي لي التقشير؟
الغالية ام زايد مشكورة على الرفع؟
السلام عليكم
شحالكن بنااااااااات…؟؟
يبتلكم منتج مدري شو اقول عنه….روعه قليله والله قليله
انتن جربوه …….واحكمن
مقشر كرستالي مجدد للبشره… مركب بجزيئات كرستال أكسيد الألمنيوم ذاتها التي يستخدمها خبراء الجلد
انا جربته…حسيت بنعومه مش معقوله
للجسم و الوجه .. بس اللي ويها واايد حساس لا تستخدمه لويهها
وعادة التقشير الكرستالي يقوم به الطبيب وهذة اول
مرة تقوم شركة بتصنيعة حتى يستعملة الناس بسهولة …
مرتين في الاسبوع استخدموه … ويفضل استخدامة
فالليل حتى لايتعرض الوجة لحرارة الشمس .
ونتائجة :
تحسن ملمس البشرة
ازالة الارهاق والتعب
توحيد لون البشرة
بشرة ناعمة
بشرة نضرة وصحية ومتالقة
ونتائجة فورية وتدوم لفترة طويلة
تم اثبات فعاليته علمياً..وتم الاختبار بإشراف أطباء الجلد
100% اكدن بشره ملساء ونعومة فائقه
97% اكدن بشره مشرقه
91% اكدن بشره متجانسه
نصيحة بنات جربوه…ولاتنسون دعواتكم
وها شكله
اذا ما ظهرت الصورة هو لونه اخضر و مكتوب عليه exfotonic
مشكووووووووووره الريم
وين بنحصله حبوبه
الغاليه موجود فالجمعيات التعاونيه ويا مستحضرات العناية بالويه
ياا مرحبابج
ولا حتى كلمة شكر لصاحبة الموضوع
حرام و انا تعبانه عليه
تسلمين الغاليه …. باجر هجوووم عليه … أسميج ربحتيهم
كمــ سعرهـ .؟
ههههههههههه
ربي يسلمج غناتي العروس الجديده
والله انه يسوى
و قلت دامنيه مستفيده فلييش ما اخبر البنات و يدعولي يمكن وحده محتاره و اقدر انعفها
السلام عليكم ورحمة الله وبركاته
بنات حبيت اسال في حد منكم جرب التقشير الكيميائي
وفي اي مستشفي
افيدوني
بنات معقوله محد يعرف
أمسات دخلت العيادة و قلت للنيرس ابغي اسوي تقشير الماسي او كرستال
عاد تعرفون العيد جريب
و قلت ابغي شي يغيرني
و العيوب اللي فيني هي مسام بسيطة جدا لا تذكر + بقع خفيفة
طبعا التقشير الماسي و الكرستال ما يضر ابدا
حتى الحامل تقدر تسويه لاني جفت حوامل يسونه
اصلا يسمونه "فيشل" بدل التقشير لانه ما يقشر بالصورة اللي نتخيلها
اللهم تنظيف للبشرة و يشيل كل الوصاخة اللي فيها من روؤس سوداء و تراكمات للدهون
بديت و سوت لي تقشير الكرستال و عقب ما خلصت جربت لي التقشير الماسي
الكرستال يكون فيه بودره في الجهاز يقشر الويه و تحسين كانه شي يشفط ويهج ++ ماده مثل الرمل ع ويهج
اما الماسي مجرد جهاز بدون بودرة تحسين كأنه شي يشفط ويهج
خلصت اول جلسة حسيت ويهي استوى احمممممممممر وعقب حطت لي كريم للحساسية
و قالت لو تم الاحمرار و الحكة حطي فيسودين A
قبل لا تنامين حطي مررررررررررررطب و الصبح نفس الشي مرطب
لين ما رجعت البيت رد ويهي طبيعي بس حسيت بعدها الحكة موجودة
النتيجة من أول جلسة : احس بشرتي صارت ناعمة مجرد الملمس الناعم 
بعد ما خلصت النيرس من الجلسة ، فتحت لي انبوب الجهاز و راوتني نقط سوداء مخلوطة بحبات تقشير الكرستال ( لون تقشير الكرستال ابيض) ف يعني معظم الرؤوس السوداء و التراكمات راحوا من ويهي
بس كنتيجة ملحوظة ما جفت شي لين الحين
ثاني جلسة : قالت لي بعد اسبوعين
قررت اخليه بديل للفيشل بشكل مؤقت
يعني ما بسوي فيشل ولا تنظيف ف العيادات و الصوالين و السبا
و بكتفي بتقشير الكرستال او الماس كبديل للفيشل لين ما القى نتيجة حلوة
و ينفع للي بشرتهم فيها بقع خفيفة او متوسطة اما اللي عندهم حفر عميقة ما تنفع لهم ابدا
و ان شاء الله بخبركم شو النتائج بعد الجلسة الثانية
مشكورة عتجربتج و أنا جربتج التقشير الكرستالي وهو زين للبشرة
حلوه تجربتج و ان شاء الله النتيجه فالجلسه الثانيه احلا..
انا اسويه بين فتر و فتره في كوزموسيرج ووايد حلوه النتيجه بعد..الحمدلله
آمممممممممم ..,، حرمة آخويه قالت لي انه دكتورة الجلدية قالت لها انه التقشير الكرستآلي يتكون من حبات زجاج 
آللي قلتي عنه رمل 
وكثرته مضر للبشره ومن يومها زغت آسويه ..,،
وعآد مآ يندرى صج والا لا 
افدتيني واايد .. انا مقرره بعد العيد اسوي عنايه كامله عسب طلعت لي حبوب في ويهي وتعالجت وخذت حبوب ف خفت و انتظر تخف اكثر عسب اسوي التقشير بس كنت خايفه انه يكون التقشير واايد و يشل طبقه من الجلد ف ارتحت يوم قلتي انه بسيط ..
بس بغيت اسالج فيه الم ؟؟ انا مسويه من فتره طويله و صراحه كان واايد يعور يمكن لانه انا حساسه وماتذكر بالضبط اي نوع بس كان تقشير في عياده ..
انا جربته
بس كان من اول جلسه مب اوكي
يمكن العياده كانت تعبانه
رغم انها عياده لمعالجه مشهوره عندنا في العين وتطلع في التلفزيون
بس حسيتها خربشت بشرتي بس!
up up up
ممكن الموقع اللي شريتي منه …
(_____________)
يبيعونه في صيدليه فى مدينه جميرا 750 …..
ممكن اختي تعرفينا أكثر على هذا كريم الكوزميلان للتقشير ؟؟
ممكن تخبرنا عن هالكريم خوااتي ؟؟؟
ممكن اختي تعرفينا أكثر على هذا كريم الكوزميلان للتقشير ؟؟
انا سويت تقشير كوزميلان هو عباره عن كريمين
كوزميلان 1
وكوزميلان 2
كوزميلان ا عباره عن ماسك ينحط على الويه للمده 8 ساعات
وبعده بكم يوم نستخدم كريم كوزميلان2 كعلاج مكمل للكوزميلان 1
والماسك اللي ينحط 8 ساعات لازم تحت اشراف دكتوره او خبيره بشره
انا الحين بديت استخدم كريم كوزميلان 2 (واعتقد هو اللي تقصده صاحبه الموضوع )
للتفتيح وتوحيد البشره احس انه اوكي بس انا بشرتي
حساسه وتلعوزت اول ما استخدمته احمرار وانتفاخ بس راجعت اللي سوت لي
الماسك كوزميلان 1 وعطني ادويه للتخفيف الاحمرار والا نتفاخ عسب جي لازم
يكون تحت اشراف طبي ولازم استخدام مرطب لانه يسبب جفاف
انا كلفني 2500 كامل
واي استفسار انا حاضره ..
اسم العيادة : كايا – الشارقة
الاجراء: تقشير بالكرستال
عدد الجلسات : 6 جلسات
السعر : 1800 درهم ( بواقع 300 لكل جلسة )
الفترة: عام 2024
نوع بشرتي: دهنية فيها مسام خفيفة و بعض البقع البسيطة
الفترة بين الجلسة و الاخرى: 3 أسابيع او اسبوعين او شهر ع حسب وقتي
النتيجة : خرطيـــــــــــــــــــــــــة 
الكرستال ع حسب ما سمعت ،، يعالج الاشياء البسيطة جدا و هو في مستوى الفيشل بس احسن منه بشوي ،،
يعني اللي عندها مسامات خفيفة جدا عيوب بسيطة جدا تجربه ،،، بس ما ادري ليش تجربتي كانت فاشلة جدا ،،،
لاني حسيت العيادة اللي سويت فيها اي كلام ومب شي ،،، و اصلا من تدخلين العيادة و مو قصدي اعلق او شي بس هذا الواقع —-> العاملات نفسهم عندهم امراض جلدية واضحة يعني عيادة جلدية و خبيرة تجميل خلى تعالج نفسها أول شي !!!
نصيحة : ما انصحكم بها النوع من التقشير كأنج مب مسوية شي يمكن العيادة اللي راجعت عندهم مب لين هناك لاني شفت نتايج الكرستال ع ويه ربيعتي و كانت نتيجة حلوة و واضحة بس ما ادري شو السبب للعلم ما عندي الا عيوب بسيطة جدا وهي بشرتها بنفس مستوى بشرتي 
و عاد انتي كل شهر تترين حد يقولج متغيرة و محلوة
احلمي ههههههههههههههههههههههههههه
ما ادري ليش سموه تقشير قولي تغييير جوووو مساج للويه
اما تقشير مول ما يخصه <<<<<<<<<<<<
و إلى اللقاء في لقاء قريب
ادعوا لي بالولادة الميسرة تراني بربي خلال ها الشهر ان شاء الله
اليوم الثاني منسدحة ف العيادة اتسمكر و ما ببخبل عليكم بتجاربي بإذن الله الواحد الأحد 
ناوية عقب الولادة
على تقشير احماض الفواكه ترقبوني ^..^
ههههههههههههههه
عسسسسسسسل ميرو 
الله يقومج بالسلامه حبيبتي
بصراحه انا بعد ثنتين من ربيعاتي سوون في كوزموسيرج /بوظبي بس النتيجه كانت عاديه
اذا اي وحده تبي تشوف صدق بشره يديده احسن تقشير هو الفواكه لانه صدق تشوفين النتيجه
الله سهل ولادتج
و زين انج خبرتينا هههههههههههه لاني كنت ناويه اجرب التقشير
الله يقومج بالسﻻمة يارب …
عام كانت تجربتي مع التقشير بالكرستال والنتيجة ماكانت مرضية يعني جيدة ونصيحة ما انصح اي وحدة تجربةﻻنه مضيعة للوقت والدراااااهم….
ما احس إنه نافع أبد
وربي يقومج بالسلامة و اتييبين لنا احلى بيبي💕
الغاليات انا قريت عن موضوع احد الخوات عن الكريم الصيني لتقشير وانه قيمته 35 انا صراحه انصدمت لاني اشتريه ب 350 درهم من عند وحده تقول انها اتيبه من الصين بس الكرتونه غير يعني ما عليه صورة حرمه
يعني بنا صدق هو رخيص وبهاذي القيمه
هيه الغالية هو وااااايد رخيص وأنا حصلته عند العطار ( الأصلي ) بـ 30 درهم بس
لاحبيبتي اكثر من 30 درهم بس اقل من 100درهم
المشاركة الأصلية كتبت بواسطة "زوزو1" 
الغالية أنا خذيته من تاجره في المنتدى بـ 60 درهم وكان مفعوله أوكى وبعدين شفته يبيعونه في محل للعطارة في راك بـ 30 درهم بس ، شكيت إنه تقليد بس خذيته للتجربة لكن طلع الأصلي ونفس اللي إشتريته من المنتدى بالضبتط ونفس المفعوووووول .
لو تحطون لنا الصورة عسب نستفيد
احيد في خدامة فلبينية قالت لي انه ب 30 – 40 درهم مب اكثر
بنات لا يكون هذا الي داخل كرتونته علبتين واحد اصفر والثاني ابيض
حطوا الصوره عشان نتأكد