السلام عليكم ورحمة الله وبركاته
كل عام وأنتن بخير بمناسبة الشهر الفضيل
بصراحه حابه اشوف تجاربكم لحل جميع مشاكل البشره من حبوب – كلف – هالات سودا – اسمرار – بقع – الرؤوس السوداء – و اي مشكله ثانيه
من كريمات او خلطات بس اهم شي من تجاربكم الشخصيه
وبليز ما نبا دعايه للتاجرات
واتمنى كل الردود تكون على العام
وفي انتظاركم نبا نعدل بشرتنا قبل العيد 
وعليكم السلام والرحمة
موضوع واايد حلو واكيد الكل بيستفيد
وبصراحة ولاحد يزعل يابنات
تاخذين شي من الصيديلية وجدام عين الكتور
او تراجعين دكتور مختص في الجلدية وايد اخير من لكريمات والخلطات اللي في المنتدى
هذا رأي الشخص واتمنى محد يزعل
وان شاء الله بشارك غناتي في موضوعج
وتسلمين
موضوووع نآآيس ….^^
انا عن تجربة اقولكم لاتستخسرون الفلوس ع ويهكم وتعالجوا عند دكتور ولو كان غالي احنا الخليجين نعق فلوسنا ع الاشياء المادية عادي واذا يينا لويهنا نتعايز انا من فترة اتعالج عند عيادة كايا والحمد اللة بشرتي وايد تحسنت
انا اعاني من الكلف وتصبغات البشرة من يوم كنت في الجامعة بسبة الشمس وماخليت شي ماسويته
لاتقشير عميق او خفيف وماشي فايدة
سرت عند
كلداري
اوباجي
سعاد لطفي
وماقصروا فقرووني
وعلاجهم وقتي وبعدها يرد ويهي شرات قبل
فشو سويت تميت على
فيتشي المبيض
وبدون استشارة طبيب
واستوى ويهي واايد اوكي وراح الكلف بنسبة 70 او 80 %
ومن 3 شهور وانا في كوزمسيرج دخلت عند دكتور الجلدية الزائر وراويته لكريم قالي وايد اوكي واستمري عليه
وكتبلي صابون سائل
للبشرة الدهنية
حلوو ولطيف وانا احب الصابون ^^
ومن شهر سرت عنده فقالي بغيرلج كريم فيتشي
وعطاني هذا
بعد حلو بس ريحته شوي مب حلوة
ويوم رحت اخذه
شفت vital c cleanser
مالقيت صورته في النت
هو منظف بس بدون صابون وفيه فيتامين c
للبشرة اللي مافيها نضارة ميته ^^
واستخدمه يوم اغسل ويهي قبل النوم والاول استخدمه الصبح
والحمدلله احس ان بشرتي واايد اوكي
واستخدم معاهم مرطبات للبشرة
والسموحه من الكل اذا طولت
انا استخدم غسول فيشي الاخضر مافي احسن عنه ^^
المشاركة الأصلية كتبت بواسطة روووح الغلااا 
هييه نعم هي ماركة تقريبا طبية
ومنتجانته وايد زينة
ودكتور كلداري يستخدم منتجاتهم وهو وصفلي هالدواء قبل 4 سنين
هذا لكريم بـ 215
تلقين منتوجاتهم في الصيدليات الكبيرة
وموفقة
