السلام عليكم ورحمة الله وبركاته
شخباركم شو مسوين
لو سمحتن الغاليات اريد رقم او اي وسيلة اتصال بالمسؤولين عن الاعمال التطوعيه في العين ….
اللي عنده فكره يفيدني اكون شاكره يالغاليات ؟؟؟
وارجوا لو حد عنده تجربه سايقه في التطوع سواء العين او دبي او اي مكان يكتب لنا تجربته
ارجوا الافاده
,…………………؟؟؟؟؟؟؟؟؟؟؟؟؟؟؟؟؟
معقوله ولا رد. ..؟
تكاتف اختي
موفقة اختي
مشكورين خواتي على المرور
انا مرة اتصلوبي التوطين عشان العمل التطوعي….. وتقدرين تتصلين على حكومة بوظبي 800555
السلام عليكم ورحمة الله وبركاته . . .
بنات انا فخاطري أتطوع بس أريد مكان التطوع فالعين,,بليز اللي تعرف تخبرني؟!
للرفع الغلاا … بس شوفي موسسه تكاتف .. لانها موسسه للتطوع << ها الي اعرفه بس يمكن عندهم شي فالعين 
المشاركة الأصلية كتبت بواسطة rose_dxb 
مشكور فديتج,,بإذن الله باخذ رقمهم وبشوف ويزاج الله ألف خير . . .
ترومين في المدراس و جربي في جامعه الامارات لو وافقوا بارك الله فيج
المشاركة الأصلية كتبت بواسطة tmyz مممم مدارس وجامعة الامارات ,,, بصراحه ما فكرت فيهن . . .مشكوره أختي . . . .
المشاركة الأصلية كتبت بواسطة الدلوع ـه الله يوفق الجميع ان شاء الله وتسلمين ع المرور . . .
UP UP UP
اخواتى الكرام
انا اعيش فى دبى و اريد التطوع لتغسيل الموتى ابتغاء الثواب فهل يستطيع احد ارشادى للطريق ؟؟
ماشاء الله عليج ..
ماعرف . بس ان شاء الله حد يساعدج ..
ونتي نيتج صافية وان شاء الله ربي يتقبل منج بنية الاجر ..
الحمد الله
اختي الله يرضى عليج ويعطيج الاجر بس فيه نقطه حبيتاوضحها لج اذا انتي انسانه رقيقه وقلبج ضعيف يعني ماتتحملين الرجاء لاتخوضين تجارب لاني انا تلعورزت وايد والله ان قلبي كان قوي وماشاء الله علي كيف كنت وين صرت ومن ساعتها تدهورت صحتي وتعبت تعب مايعلمه الا الله فا نصيحه اذا تشوفي نفسج ما بتتحملي بتعدي وسوي شي ثاني تكسبين فيه الاجر
فعلا تغسيل الموتى يريدله قوة قلب فى من الموتى اصابتهم حوادث يعنى مب طبيعين والله يرحمنا برحمته
ما شاء الله عليج
بس رايي من راي الاخت ترااجي
ما شاء الله عليج
أحس هالموضوع يباله قوة قلب
بالنسبة لي أشوف انسان ميت صعبة جداً
فكيف لو كان متكسر ولا متعور وحالته حالة
لا اله الا الله محمد رسول الله
والله الله يعين هالمغسلين وربي يعطيهم العافية والقوة والصبر
اتصلي على المستشفى وخلهم يحولونج على قسم غسيل الموتى وثلاجات
صراحة ماعرف شو اسم القسم بالظبط بس اكيد هم اكثر ناس راح يعطونج المعلومة الصح
السلام عليكم ورحمة الله و بركاته
خوآتي في وحده منكم تقدر تفيدني عن التسجيل
في مدينة مدهش للتطوع سن 16, 17 , 18 بالذات ..
ضروري ..
يزآكم آلله خير =)
قريييت في مكاان بس للي اعمارهم من 20 لين 30
في مدينه مدهش ..
ع ما اضن خلصت فترة التطوع في مدهش
الاعمار المطلوبه 20 وفوق
اذا تبين اشتغلي صيفي .. في وايد اماكن طارحيين تدريب صيفي بس جوفي المكان اللي يناسب عمرج حبوبه
سجلي إسمج في جمعية النهضة النسائية وهم إذا في طوع أي مكان بيتصلون فيج والله يوفقج
ثآنكـس ,. يزاكم الله خـير ^^
فزعوني الله يرضى عليكم……..انا بمدرسة تأنيث اصغارية…….وطالبة منا الموجهة الله ايساااااااااامحها مشروع عن التطوع والتحصيل الدراسي؟؟؟يعني هالصغار العفاريت شو بسويلهم عن التطوع….فالله ايخليكم لحقوني بأفكار حلوة،،،،،،،الصراحة انا للحين طلعت فكرة الطالب المحاضر وفكرة الام اللي اساعد بعض الطلاب الضعاف ،،،،،،وامممممممممم حملة تنظيف تطوعية ،،،،،، اممممممممم ما قادرة اطلع شي ،،،ساعدوني ولو بكم فكرة،،،،،اعتمادي على الله وعليكم لانه دايما لما احتاس ما ينقذني الا المنتدى وبنات المنتدى كثر الله خيرهن،،،،،،،الله ايخليكم اي شي يخطر على بالكم
خواتي بغيت أخبركن بسالفه حازه بقلبي أحين تقريبا من شهرين
أنا جامعيه ماتوظفت من 5 سنين بس فتره داومت مدرسة احتياط فتره بسيطه وايد مقارنه بهالسنين كلها اتريا التعين
المهم عندال بيتنا بطلو مركز تحفيظ القران وصاحبة البيت تعرفني الي مسون فيه المركز قالت لي سيري هالمركز طاعي
الحريم والاداره ساعديهن كوني مشرفه وياهن المهم سرت لهم والمديره قالت لي انه ماشي تعيين لي عندهم قلت لها انا
بتطوع عادي لانع عنادل بيتنا مشي اسيره منه اشغل فراغي ومنه اخذ اجر ومنه البي طلب صاحبة البيت الي طلبتني اسيرله
تميت متطوعه عندهم لمدة شهرين ونص تقريبا المديره حسيتها مب حابتني بس طنشت قلت عندال بيتنا واجر والحرمه الي طالبتني
تخيليو شو تقول المديره مرا قالت لي هاتي اميليج بنستخدمه تأسفت منها وماكان شي عامله في الايام الاولى كنت ابيع في المقصف في الفتره المسائيه للصغار اداوم صبح وعصر 3 ايام ف الاسبوع ومن طيب خاطر وبعد من غير الطباعه على طول على الكمبيوتر اخلصت والله في شغلي اوارق اعلانات كل شي كل شي حتى مرات اتم لين يروحن الصغار في المغرب وكنت مستمتعه ومافكرت انه ماشي مقابل
والمديره كل ماشفتني ارمس ويا وحده موظفه عندهم اتم تقول بس ترمسون يالله سوون يالله ماعرف شوو ماتحب تشوفني يالسه جي وانا سكت عنها احترما لسنها هي ام عيال
الي تفاجاة منه مرا زقرو الي يدرسون ف المركز حريم وبنات وكرموهن بدون مايخبروني انه شي تكريم ف هاليوم ولا عطوني خبر مووول في نفس اليوم الي كرمن فيه طرشولي للبيت شهادة خبره وهديه رمزيه
انا انصدمت سالت الموظف حق شو الشهاده والهديه قالت ماشي قلت ليش مازقروني احضر شرا الي حضرو
قال ها لا ماشي مفاجأه
أنا أعرف ان شهادة الخبره تنعطى بعد ماتنتهي فتره الدوام المحدده او في حالة طلبتها انا لاني درست قبل واعرف متى المدراس كان يعطوني اياها مب جي تنعطا
الي فهمته اني لازم ما ايي المركز مرا ثانيه وان هالشهاده مال الخبره هم انهو فتره تطوعي وياهن لان المديره من الاساس ماحبتني لانها كانت دوم تأمر ومرات أنا أطوف لاني جامعيه مب وحده تسحبها وياها 24 ساعه تتطلب ماتقول شكرااا
الحمدلله يات منهم بس والله اني تحسفت اني تطوعت وياهن صح اجر بس الاجر الي يكسر الوحده ويقلل من قيمتها الله الغني عنه
يعني منو يعطهم الحق ينهون فتره تطوعي عندهم وانا عندال المركز من غير انه صاحبة المكان طالبه مني اسير وارد عليهم
احين مر شهرين على السالفه والغصه بقلبي مرات اقول انا ارخصت بعمري وانا جامعيه وداومت شفتين بلامقابل
حتى شكرااا ماسمعت منهن توبه ماعودها ولا حتى بطبع ورقه بدون مقابل كسرو قلبي وجرحوني
شو رأيكن
حاسه بمعاناتج بسفديتج هذا لوجه الله ولا تقولين توبه حرااام اتعممين انج ماتطوعين واتوبين لسبب موقف وياما طافتنا هالمواقف بس لاتستسلمين دام شي ماجوره عليه وبعدين يمكن يوم طرشولج الشهاده ما كان قصدهم ينهون الخدمة وانج ماتكملين سيري وفتحي قلبج للمديره واتفاهمي وياها سبحانه الله يمكن سوء فهم
الله يجمعنا ف عمل الخير يارب
المشاركة الأصلية كتبت بواسطة بلا قيود مشكوره اختي على ردج لو ماكانو قاصدين جان اتصلو قالو لي ليش ماتين ليش انقطعت وينج
ولا اي اتصال ولا اي استفسار مفهومه
انا مب ياهل سنتين وبدش 30
واحين طاف 2 شهر ولا مر سألو عني ها كله مب مقصود ولاحتى اتصلو لو قطو عاش في بيتنا شهرين بفقده شقا وحده مثلي كنت أسوي وأنجز
الله يعينج ياختي كلنا فالهوا سوا
انا انهد حيلي من كثر الانتظار
متى ما الله رايد بنشتغل ان شاءالله
وما عليج منهن شكلهن غيرانات منج والله اعلم
مالهم حق يعاملونج بهالطريقه ومادام المديره مب حابتنج ليش من البدايه وافقوا على التطوع … شكلها غيرانه منج … انسي والله يوفقج … ترا حالي من حالج يالسه في البيت لا شغله ولا مشغله
أسألي صاحبة البيت إللي طلبت منج في البداية إتج تساعدينهم
أسأليها عن السبب وأطلبي منها توضح لج الأمور
وأصري على هالشي علشان تعرفين وين الخطأ بالضبط
وعلشان تطلعين من حالة الزعل والضيق إللي أنتي فيها.
ولو أمكن تزورين المديرة في بداية الدوام وأنتي هادية ورايقة
وتقولين لها إنج بس تبغين تعرفين السبب
مب يايه علشان ترجعين للتطوع مره ثانيه.
السؤال والإستفسار بيوضح الامور.
آلسلـآم عليكم ورحمة الله وبركآتهـ . .
يآ بختتتج سوويتيه كل شي من قلببببج وطلعتي مب برضاج لج الـأجر غلـآيه لـآ
تتضايجين و الله يبعدج عن آللي ما فيهم خييير . .~
لـآ تتضايجين أنتي ما غلطي الحمدلله هي اللي بتتحمل ذنب هالشي ^^ . .
ربي يحححفظج من كل شر ويوفقج ويستر علييج ويسسعدج ويرزققج باللي تتمنينه
فالدنيآ والـأخرهـ إن شآء آلله . .~
ربي يعطييييج ع قد نيييتج يآ رب . .~
فزعوني الله يرضى عليكم……..انا بمدرسة تأنيث اصغارية…….وطالبة منا الموجهة الله ايساااااااااامحها مشروع عن التطوع والتحصيل الدراسي؟؟؟يعني هالصغار العفاريت شو بسويلهم عن التطوع….فالله ايخليكم لحقوني بأفكار حلوة،،،،،،،الصراحة انا للحين طلعت فكرة الطالب المحاضر وفكرة الام اللي اساعد بعض الطلاب الضعاف ،،،،،،وامممممممممم حملة تنظيف تطوعية ،،،،،، اممممممممم ما قادرة اطلع شي ،،،ساعدوني ولو بكم فكرة،،،،،اعتمادي على الله وعليكم لانه دايما لما احتاس ما ينقذني الا المنتدى وبنات المنتدى كثر الله خيرهن،،،،،،،الله ايخليكم اي شي يخطر على بالكم
السلام عليكم
اشحالكم خواتياا
الغوالي بغيت كلمه اوجهها للطالبات تدعوهم للتطوع
عيزت وانا ادور
للرفع
للرفع للرفع
للرفع لللرفع للرفع
لللرفع للرفع للرفع للرفع
لللرفع للرفع
لللرفع للرفع
لللرفع للرفع
لللرفع للرفع
لللرفع للرفع
لللرفع للرفع
لللرفع للرفع
لللرفع للرفع
لللرفع للرفع
لللرفع للرفع
خواتي ارجوكم تساعدوني انا قررت اتطوع في التدريس لاني تعبت وايد من الإنتظار بس اريد احد يساعدني ويعطيني خلفية عن التطوع ارجوكم لاتهملو رسالتي]
الغاليه انتي من اي امارة ؟؟
امارة الفجيرة
في وزارة التربية والتعليم عندهم( نظام المياومة) = وهو انج اداومين في مدرسه من المدارس الي عندهم نقص واتحصلين راتب على حسب الايام الي درستي فيها.
وفي حركة ثانية تقدرين اتسوينها …. انج اتسيرين اقرب مدرسة لبيتج وتعرضين عليهم مساعدتج لين ما يطلع تعيينج وبتحصلين شهادة خبرة ويمكن مكافأه بسيطة من الادارة.
وكلا الطريقتين بتفيدج انشاء الله وبتقربج من التعيين …….
اتصلي للمنطقة التعليمية وسأليهم اذا كانت في مدرسة محتاجة لمدرسات بالمياومة وشوفي ….
وانا سمعت ان المديرة اذا شافتج وايد زينه عادي تطلبج اداومين في مدرستها لو طلع تعيينج …
اختي انا سويت مقابلة والحمدلله كانت النتيجة زينة بس العيب في تخصصي وهو مادة التاريخ الظاهر استوى موضة جديمة ومشكورة اختي على الرد
الغاليه ….. الحين كل التخصصات مطلوبه من بعد القرارات الي طلعت في التربيه والاستقالات.
لا تفقدين الامل… وانشاء الله بتحصلين …. ونصيحتي اتصلي الوزارة نفسها وكلمي قسم الموارد البشرية وسأليهم عن قائمة الانتظار وانتي وين واصله فيها …. واذا ما عطوج اتصلي المنطقة وسأليهم او حتى سيري لهم لا تخلينهم في حالهم .. بينيلهم انج محتاجه للشغل…
السلام عليكم خواتي الحلوات
شحالكم ؟؟ ان شاء تكونون بخير و سهالة
حابه اكون عضوه في جمعيات او هيئات محلية و دوليه مثل جمعية اليونسيف مثلا ……. اللي تعرف اي ارقام او معلومات او هي عضوه تخبرني كيفية الاشتراك و الشروط …… خلونا نفيد و نستفيد
ما اعرف
بس للرفع
ماشالله عليج طموحه
اتمنى لج التوفيج
والله الغاليه انا بعد ابي اعرف مليت من القعده في هالبيت
اب اب
مكتبهم في الدوحة وهذا العنوان
http://portal.unesco.org/geography/e…CTION=201.html
E-mail address: [email protected]
Work Phone: +974 411 3293, 411 3290, 411 3295, 411 3036
Fax: +974 411 3015
Address
66, Lusail Street – West Bay
P.O. Box 3945 Doha
Qatar
للرفع للرفع