السلام عليكم ورحمة الله وبركاته
اسفه خواتي على العنوان المنرفز لكن صدق اني معصبة —- من الصبح اتصلت في كذا مدرسة مثل الاتحاد وكامبردج و غلينلغ وغير المدارس الي ارسلت لهم ايميلات
لاني اريد اسجل ولدي بروضة اولى وكل حد يقولي ما في تسجيل (( ما بنفتح تسجيل للناس الي برا المدرسة )) – الاولوية للي عندهم اخوان في المدرسة نفسها
هاي مش مصخرة ؟؟؟ انزين شو ذنب الي ما عندهم اخوات او اخوان في المدرسة ؟؟ او ما عنده اساسا اخوان في عمر الدراسة ؟؟؟
انزين وين نحط عيالنا مثلا ؟؟؟؟
اخواتي الي تعرف مدرسة خاصة و زينة و اسعارها ما تتعدى 25 الف للكيجي تخبرنا الله يخليكم تعبت والله – كفاية بان الفلوس نحن ندفعها من جيبنا
وظيفة زوجي ما يدفعون ولا فلس اونه مافي بدل تعليم للعيال ؟؟؟؟؟؟؟!!!!!!!!!!!!!!!!
حسبي الله ونعم الوكيل إن شاء الله 
مدرسه الصروح الامريكيه في خليفه ا ومدرسه اطفال الخير
صراحة موضوع المدارس الخاصه صار مستفز فعلا
من كل النواحي الأسعار والتعامل وبعض القوانين الغريبة والأجانب الي تارسين المدارس
ما عليج اختي
بس ممكن تسيري بروحج كذا مدرسه وتسجلين ولدج فيها افضل من الاتصال
شوفي مدرسه النجاح او الشريفات او الامارات الوطنية
اختي كيف اروح لهم اذا بالتلفون قالو لا تعبين نفسج اونه ماشي شواغر وما بنفتح الا داخليا للي عندهم اخوان
حسبي الله ونعم الوكيل الله يعوضنا خير ان شاء الله
اختي الصروح وايد غالية و مثل ما قلت بندفع الفلوس من حسابنا لان دوام ريلي ما يغطي التعليم – الله يعين
اتمنى تفاعل الخوات والامهات
استغفر الله
اختى شوفيج ليش معصبة اغلبية الدوامات مايغطي التعليم الا اذا الراتب يكون متوسط وعلى حسب الجهة اللي يشتغل فيها
وفي وايد مدارس متقدمة وتعليمها راقي … ابحثي وشوفي المدارس الافضل وبتحصلين
ما لومج انا مريت نفس تجربه سنه الماضيه حق بنتي في روضه الاولى بعد معاناه مع المدرسه , انصحج سيري مدارس والاتصالات ما فيها فايده
[/url
في رجيمات للمرضعات حبيبتي وانتي يحق لج ب500 سعرة حرارية زيادة لانج ترضعين تقدرين تشاركين معانا برجيم بدون حرمان واكل صحي ومتوزان ومغذي لج وللبيبي حبيبتي 
المشاركة الأصلية كتبت بواسطة @مبدعه@ 
