الوسم: التسجيل

التسجيل في مدرسة الشارقه النموذجية بنين ؟؟ Helpppp plz

السلام عليكم ورحمه الله و بركاته

اشحالكم خواتي و شو علومكم ..

عزيزاتي بغيت أستفسر عن مدرسه الشارقه النموذجية للبنين .. أقصد للمرحلة الابتدائيه ..
أبا أسجل ولدي صف أول .. و سمعت انه التسجيل بدأ ؟؟ صح هالكلام ؟؟؟
طبعا ما أفكر أتصل المدرسه وأستفسر لأنهم ما يقولون الصج عسب ما يبون زحمه !!!
مجربه من قبل كنت أتصل حق حميتي و يقولون بعدنا ما بدأنا التسجيل ويوم سارت اتفاجأت انهم باديين التسجيل ومخلصين ><

ناويه أسجل ولدي لكن ما أعرف شو النظام عندهم و أنا أسمع الكل يمدح المدرسه اللي في العزره بس ما أعرف هل هي فعلا متميزه ؟؟
و كيف نظام التدريس عندهم من ناحية الدراسه ؟؟ و الأكل بعد كيف ؟؟؟
وهل عندهم مقصف والا نظامهم نفس السندس تدفعين مقدم جيمه الاكل مع الرسوم والباجي ع المدرسه ؟؟؟
و جم الرسوم كااااااااااااااااامل مع المواصلات واللبس وجذه ؟

ما أدري اذا نسيت شي بس ياليت اللي تعرف تفيدني بارك الله فيكم ..

والله محتاره بينها وبين المدارس الحكوميه ؟؟ لا تقولولي خاص تراني مووول ما أفكر فيهم و ما شاء الله المدارس الحكوميه أحين متطوره مب شرات قبل .. وحتى الدراسه فيها توب .. هذا اللي أشوفه من المعلمات و أوراق العمل اللي يسوونها و الضغوطات اللي تجبرهم عليها الوزراه سواء خواتي أو ربيعاتي المعلمات ..

ياليت تفيدوني بلييييييييييييز ☺

[IMG]http://www.*******.org/images/gzddy9lja582f3t733cr.gif[/IMG]

تسلمين على الرفع عزيزتي …

اممممممممممم !!!

شو محد عنده خلفيه ..

ع العموم أنا اتصلت المدرسه امس و فعلا شرات كل مره .. قالت لي تعالي عندنا و قدمي أوراق ولدج و عقب ما نزقركم و نسويله مقابله بنخبركم بالتفاصيل >< شو الفايده عيل ؟؟ أنا أبا أعرف التفاصيل قبل لا أسجله علشان أقرر أسجله أو لا !!!!!

؟؟؟؟؟؟؟؟

للرفع
و كمان كيف الباصات توصل الى اي مكان في الشارقه
حبيبتي ياريت تطرشي لي على الخاص رقمهم الرقم الي اخذته من المواصلات مايرد
الي مشجعني في النموذجيه ان كل المواد بالانجلش عدا العربي و الاسلاميه

السلام عليكم ورحمة الله وبركاته
اختي انا ولدي في مدرسة نموذجية بس في ابوظبي نحن ما ياخذون منا رسوم للاكل او المواصلات يعني ما ندفع شيء والدراسة بالانجليزي < الرياضيات والعلوم > وياخذون حصة رياضيات < كومون> ندفع عليها فلوس للي يبي يدخل ولده

متى التسجيل يبدا في معهدالعين للتدريب المهني؟؟؟؟؟؟؟؟؟؟؟؟؟؟؟؟؟؟

صباح الورد/ مساء الورد
كيفكم خواتي ان شاء الله بخير
ممكن تخبروني متى يبدا التسجيل في معهد العين للتدريب المهني وشوالاوراق اللي يبونها للتسجيل انتظر جوابكم ومشكورين ياحبيباتي

سبحان الله وبحمده سبحان الله العظيم

مشكورة اختي مبدعه وسوارة ع مروركم الكريم
بعدني انتظر البنات يفيدوني وينكم؟؟؟؟

وينكم بنات ماحديعرف ابد وينكم بنات العين انتظركم

"""""""""""""""""اللهم اجعل همي الأخره""""""""""""""

استكمارة التسجيل


خواتي ممكن اعرف كيف بحصل استمارة تسجيل الهويه ابا اسجل قبل لا اسير عندهم خواتي ممكن مساعدتكم ضروووووووووري ارجوكم لا طنشوني ,, الي اتعرف وين وفي اي موقع بحصل الاستمارة التسجيل اتخبرني
ولكم مني جيزيل الشكر

ابشتغل في مستشفى المفرق + سؤال بخصوص التسجيل في توطين

السلام عليكم
بنات بغيت اتوظف في مستشفى المفرق
وين اقدم اوراقي ؟
علما ان عندي شهاده ثانويه عامة ادبي و icdl و عمري 31

السؤال الثاني :

توطين عشان اسجل فيه لازم اروح عندهم ولا بس اسجل عن طريق موقعهم ؟

موفقه يارب

الله يوفقك اختي

يفيدونج الخوات غاليتي

ربي يوفقج

دشي موقعه حبيبتي وقدمي .. ربي لايحرمج ويوفقج

موفقه يارب

للرفع

متى التسجيل بالروابي الخاصة؟

السلام عليكم
السالفة ومافيها ان كم مرة نتصل على مدرسة الروابي نسأل متى التسجيل ويعطونا تاريخ 16-8
هالكلام من شهر 4 او 5
ومع ذلك ما صبرنا رحنالهم قبل عسب نسجل بس ما رضووا قالوا التسجيل 16-8 و لو قدمنا من وقت يمكن تضيع الاوراق
المهم رحنا امس – اللي هو يوم التسجيل – والمدرسة مسكرة مافي حد مداوم ابد غير عمال يسوون صيانة
وموب حاطين لافتة ولا تنبيه ولا شيء يبين لنا متى التسجيل ومتى يداومون
حد منكم يعرف متى التسجيل؟؟ او يعرف رقم حد من الموظفات او الاداريات عسب نستفسر منهم؟
لان رقم المدرسة محد يشله لانه اصلا محد مداوم

الغالية تسجيل في شهر 9 بداية تسعه
نحن قالوا جذه إذا تبغين رقم أبلة رحاب المدرسة الرياضيات الصف الثالث الأبتدائي
هذا رقمها 0506904850

هند سلطان يزاج الله خير طمنتيني مشكورة ماقصرتي
ام عبادي مادري عن منهجهم أول مرة ادخل عيالي بس هم بمدينة براس الخيمة ويمدحونهم

في راس الخيمة في المعموره صوب الجوازات
مناهج حكومي وايد يركزون في الأنجليزي.
وايد روعه عيال أختي فيها

هند سلطان يزاج الله خير ماشاء الله عليج دايما راعية فزعات الله يحفظج

مشكووووووووووره الغالية

هند سلطان رجعت مرة ثانية
بس بغيت اسألج سؤال بما ان عيال اختج بالمدرسة و ماعليه لا تضحين على سؤاللي الغشيم لاني اولة مرة بحياتي ادخل بنتي المدرسة يعني ماعندي خبرة كلش
المهم سؤالي ،، كيف يلبسون الطالبات بالمدرسة؟ يعني انا للحين ماسويت شيء اتوقعت ان المدرسة بتعطينا ورقة فيها تعليمات لبس الطالبات ،، بس الحين اشوف انه التسجيل الاسبوع الياي والمدرسة بعد العيد يعني مافي وقت استلم الموديل من المدرسة و أخيط لها وبديت اشك بنفسي هل كان المفروض اني أخذ زي المدرسة من زمان و اخيط واللا كيف بالضبط؟
والسؤال الأهم .. شو ألبسها أول يوم بالمدرسة اذا ما عندي زي المدرسة؟ صدق مو فاهمة شيء ياليت تفهميني و اعذريني على كثرة اسئلتي بس ما عندي خبرة كلششش بالموضوع ويزاج الله خير

التسجيل في التجارة البرونزية

اخواتي كيف اسجل في اني اكون تاجرة برونزية كل ما احاول ما يستوي ابا الحق قبل ما يتسكر التسجيل وبعدين اذا ابا بس الكراج سيل يستوي بدون اشتراك ولا لازم اشترك؟؟؟؟

حبيبتي اقري هذا الموضوع

http://www.forum.uaewomen.net/showthread.php?t=424328

الغالية خلاص توقف التسجيل للاسف

لا مكتوب اخر يوم تاريخ 30

30-3 اخر يوم غاليتي

مكتب التسجيل في جامعة الامارات

السلام عليكم ورحمة الله وبركاته

اسمحولي خواتي وايد غثيتكم وياي

بس اتمنى منكم اللي تعرف رقم مكتب التسجيل في جامعة الامارات ما تقصر وياي واطرشه لي على الخاص

او بالاصح ….. ابا وحده منكم تساعدني في كيفية التسجيل في جامعة الامارات

بنت عمي تبا تحول دراستها وطالبتنكم طلبه

ياليت ما تقصرون

حبيبتي دقي على البداله وهم بيحولونج
رقمها 03755557 اعتقد
اذا غلط طلبي بداله جامعة الامارات من 181

للرفع

لـلـــرفــــع

المشاركة الأصلية كتبت بواسطة GirL#1
حبيبتي دقي على البداله وهم بيحولونج
رقمها 03755557 اعتقد
اذا غلط طلبي بداله جامعة الامارات من 181

يزاج الله خير حبوبه
بجرب وبشوف

المشاركة الأصلية كتبت بواسطة فيونكه فوشيه
للرفع

تسلمين عالرفع

المشاركة الأصلية كتبت بواسطة بنت الطموح

لـلـــرفــــع

تسلمين عالرقع حبوبه

السلام عليكم

حبوبه الرقم غلط
واتصلت عالبدالة وعطوني رقم ثاني واتصل عليهم بس محد يرد

ياليت حد منكم خواتي ياكد علي

والله محتاجينه ضروري

بدء التسجيل في جمعية النهضة النسائية الخوانيج

السلام عليكم
كيف الحال اخواتي

يعلن مركز جمعية النهضة النسائية فرع الخوانيج في امارة دبي عن فتح باب القبول والتسجيل للعام الدراسي / ابتداء من يوم الاحد الموافق 31/8/ م الى يوم الخميس الموافق 18/9/ م
سعيا نحو ام متعلمة نافعة ومتفاعلة
للاستفسار التواصل عبر الرقم 042892261
علما بان الدارسة تبدأ يوم الاحد الموافق 7/9/ م

لا اله الا الله

فتح باب التسجيل لمسابقة biggest loser~بارادتي اصغر مقاساتي ♥ الموسم الثاني‏


يسعدني ويشرفني
اني افتح باب التسجيل
للموسم الثاني
من مسابقة
Biggest loser
بارادتي اصغر مقاساتي
وذلك بعد ان لاقى نجاحا باهرااا بموسمه الاول
( الاحتفال بالفائزات بالموسم الاول)
http://forum.uaewomen.net/showthread.php?t=661406
حيث ان هذه المسابقة خاااصة جدا
لاصحاب الارادة القوية
والعزيمة الجادة جداااااااا
فرجااااء حااار جدااا مني
ارجوا التفكير جيدا قبل التسجيل بالمسابقة

مدة المسابقة
ستبدأ المسابقة بيوم السبت بتاريخ
6 – 3 – 2024
وستنتهي بيوم الجمعة بتاريخ
2 – 4-

طريقة المسابقة

المسابقة راح تكون اربع مجموعات وفي كل مجموعة فيها اربع بنات
وفي كل مجموعة اقل وحدة ناقصة وزن راح تستبعد
الا المجموع التي تكسب تحدي تحصل جميع متسابقاتها على الحصاااانة
فبتالي من كل3مجموعة يوجد مستبعدة في كل نهاية اسبوع
الااا ان تنتهي المسابقة والتي مدتها اربع اسابيع ( شهر كامل يعني)
سيكون هناك من كل فريق فائزة واحدة فكل وحدة تشد حيلها حتى تكون هي الفائزة
يعني المطلوب العدد الكلي للمتسابقات 16 متسابقة فقط ( فلحقوااا التسجيل )

شروط المسابقة

1 – الالتزام بالدايت التي تختاااره المتسابقة والتحلي بقوة الارادة والصبر وعدم الانسحاااااااااااااااااااب
2 – الالتزام بالمشي والرياضة بما لايقل عن ثلاث ايام والااا سوف يتم الاستبعاد
3 – تصوير نتائج الميزان في يومي الميزااان (الجمعة والسبت ) ضرووووري جداااا
4 – تسجيل الحضور اليومي بالمسابقة و تذكر نظامها بالتفصيل
وحبذا لو يكون بالتصوير افضل بيكون
والتي تتخلف عن الحضور لمدة ثلاث ايام بدون ذكر الاسباب يتم استبعادها

ملاحظة

اجراءات الاستبعاد ستكون للاسباب التالية
– اقل وزن كما ذكرت سابقا
– الغياب لمدة ثلاث ايام بدون عذر
– وعدم ادراج الوزن في كل نهاية اسبوع ( الجمعة والسبت )
– ذوي الارادة الضعيفة المخبصات يعني
– عدم ممارسة الرياضة على الاقل لمدة ثلاث ايام
( الي تسوي الرياضة تذكر الرياضة الي سويتها وتذكر كم خذت من الوقت )

اسماء المجموعات

فريق الحور– فريق الجنان
فريق السنابل– فريق الألئ

البيانات المطلوبة

الرقم /
الاسم /
الوزن /
الطول /
صورة الميزان /

ملاحظات

بنات الي تكتب بياناتها لااااااااااااااااازم تحط صورة وزنها الحالي
ومحد يدخل ويقول بعدين بحط الصورة
والاااا لن ينظر الى بيااانتهااااا
وسيتم ادراج تواقيع الفرق بعد تقسيم اسماء البنات الى مجموعات ببداية المسابقة
كما سيتم ادراج الجوائز ( التواقيع)
لكاسبة التحدي الاسبوعية
وللفريق الاقوى ببداية المسابقة

البيانات المطلوبة

الرقم / 1
الاسم / لاكي
الوزن / 104.8
الطول / 172 سم
صورة الميزان /

رالرقم /2
الاسم /فلاتة
الوزن /63
الطول /167
صورة الميزان /

[IMG][/IMG]

الرقم 3
الاسم شوق
الطول 165
الوزن 82

الرقم /4
الاسم /ميروه النعيمي
الوزن / 61.5
الطول /161
صورة الميزان /

الرقم /7
الاسم / شموخ وطن
الوزن / 71
الطول / 161
صورة الميزان /

الرقم / 5
الاسم / ليال99
الوزن / 81.8
الطول /157
صورة الميزان /

[/QUOTE]