الوسم: التراي

الغاليات اللي جربت من قريب تسوي تراي المرور تخبرني
كيف يعني …اتخلصين من شركة الإمارات و يعطونج ورقه
و عقب تروحين المرور و تاخذين موعد ولا كيف ؟؟
ابغي بالتفصيل الدقييييييييق ^_^

المشاركة الأصلية كتبت بواسطة أسيرة الماضي

انا من شهر ماخذه الليسن .. وشرات ما كتبتي .. اول شي تخلصين من مدرسة الامارات وتاخذين ورقة منهم انج

ناجحة .. وبعدين تروحين المرور وتاخذين لج موعد تراي .. خذي التراي يوم الخميس احسن ^_^

تسلمين الغاليه

بس ما خبرتيني اشمعنا الخميس ؟؟؟ ^_^

بينما باقي الايام يكون زحممممة والشرطية بتقلك تجاوزي عن هالسيارة
خخخ
ومين الشاطر يلي بيقدر يتجاوز في الزحمة
ويلي بزيد الطين بلة
انو باقي السيارات لما يشوفو سيارة تدريب بصيرو هني بدهن يتجاوزو
وما بيتركولك مجال تمري
بخافو تكون المتدربة بطيئة ويضلو ساعة وراها خخخخ
مرة اقترحت عالشرطية انو نساوي التراي بسيارة الشرطة عشان كل السيارات يوسعولنا خخخخخخخ ونمر بسلام بدون اي ازعاج
والنتيجة بتصير ناااجح

الحين انا عندي باجر الصبح امتحان مدينة هل اروح من وقت علشان اخذ رقم والا كيف النظام ومتى يبتدي الإمتحان الساعة 9 ؟

^____^

اليوم ابا منكم خدمه بقول معلومات وابا اعرف اذا هي صح وإلا غلط عشان امتحان الليسن

واللي عندها خبره في السواقه يا ريب تقول لنا شو سوت في التراي

السرعه في الباركنات 20
التصريف 20
بين البيوت 40
في شوارع 60
والخط الرئيسي 60-80
الخط السريع 100

السرعه في الدوار من 20-40

في الدوار

إذا بسير يمين اخذ السيد اقصى اليمين مع اشاره
إذا بسير سيده اخذ اقصى اليمين
إذا بسير يساااار اخذ السيد اليسار وادخل الدوار في نفس سيدي واول ما اطلع ادخل اقصى اليمين >> هذي ابا اتأكد منها بلييييز

اشارات ومرايا هذي لازم اجيك عليهم

تعبت وانا ارسب

اللي ريلها يشتغل في المرور تقول لنا ع شو يحاسبون

هلب مي

الله يتقبل منا ومنكم صيامنا وقيامنا وطاعاتنا في هالشهر الفضيل

اهم شي
1. لااااااااااا تنسي اول ما تركبي تعدلي الكرسي عشان يناسبج

تاكدي ان الابواب مسكره يطلع لج بشاشة السياره اذا باب مفتوح

المرايا الجانبيه تاكدي انها معدله وتقدري تشوفي منها

الحين ربطي الحزااام وطلبي من الشرطي يربط اذا قال ماعليه خلاص برايه

اههههههم شي تعدلي المرايه الوسط بعد ما تربطي الحزام لان الحزام يرجعج ورا شوي

بالشارع اذا فاضي لا تسوقي ببط خلج واثقه وزيدي السرعه بالحد المسموح فيه او اقل مثلا الشارع فاضي وسرعته 60 سوقي خمسين عشان تحسي بثقه وزيدي للستين اذا حسيتي الشارع يسمح انج تمشي 60

لفة اليو تيرن اللي تلفي من نص الشارع للجهة الثانيه

لا تقعدي تحركي السياره شوي وبريك شوي …… تمي واقفه بنص اللفه لين تتاكدي ان السيارات بعييد. لفي وتحركي على طوول لا تتاخري وتاخذي راحتج

نفس الشي عند الدوارات اذا مليان لا تسوي هالحركه تتقدمي وتوقفي خاصه اذا انتي واقفه عند مدخل الدوار

بالنسبة للدوار يسااااااار

خذي اقصى اليسار بالشارع مع اشارة يساار

الحين انتي باليسار دخلتي الدوار يسااار لمن بطلعي عطي اشاره يمين ولفي ويهج صوب الجامه اليمين شيكي في حد قريب ولا عشان تلفي يمين

( هالحركه واااايد كنت اعاني منها لان الناس تدخل يسار وتكمل يسار…. لكن فالتدريب ندخل يسار ونطلع يمين ….. وايد خطره هالحركه مدري ليش مسوينها )

( لا توصلي عند بداية الدوار وانتي عاليمين بعدين تغيري يسار — اخذي يسار من قبل الدوار
في خط طويل قبل الدوار هذا يحدد منطقة المنع من تغيير المسار)

واذا دوار يمين

خذي اقصى اليمين واشاره يمين

دوار سيده

دخلي الدوار بدون اشاره
بتوصلي قدام لفه موجوده عاليمين عطي اشاره يمين وكملي الدوار سيده

( يعني بنص المسافه بين المكان اللي دخلتي منه الدوار وبين الطلعه للدوار سيده عطي الاشاره)

ودايما انتبهي للي قدامج واللي عجنب بالدوار

اهم شي بعد

ارفعي ويهج يوم تطالعي بالمرايه اللي بالنص ولفي ويهج يمين يسار للمرايا لان الشرطي يركز عالنقطه هاذي
لا تطالعي بس بعيونج لازم تحركي راسج

بالنسبه للسرعات اظن صحيحه بس تفرق يوم الشارع زحمه تحاسبي اكثر عالمسافه بينج وبين السياره اللي قدام

لا تلزقي بالسياره اللي قدامج حتى لو اللي وراج يدق هرن مووووول ما لج خص بالللي وراج ركزي قدام

اسباب رسبوا فيها اللي امتحنوا وياي:::::

– ماكانت تطالع المرايا يوم تغير المسار ويوم تلف ….. المرايا اطالعيها بين فتره وفتره خاصه اللي بالنص وحركي راااااااسج لا تنسي 

– قال لها دوار يسار ….. هي طبعا كانت عالسايد اليمين …. قامت وقالت له اروح السايد اليسار صح ؟؟؟ للللااااااااااااااا تسالي الشرطي
طبعا هي لين قررت خلاص فات الاوان وصلت عند الدوار وغيرت
وهالحركه خطره ترا

– وحده يوم توصل عند الدوار وهي واقفه تنتظر قامت تضغط بتروول وتضغط بريك تبا تدخل وتوقف

خلج واقفه لين تتاكدي لج مكان بالدوار

نصيحه مني سوي مثلي اذا انتي مع المدربه تسوقي اوكي

بالتراي. رددي بينج وبين نفسج انها هذي حصة تدريب عاديه

انا هاللي سويته يوم حسيت اني ارتبكت لان ريال غريب قاعد صوبي  فعشان اهدا وانا فالباص قبل لا اييي دوري توكلت على الله واعتبرتها حصة تدريب

عاد انتبهي لاوامر الشرطي ما يقولج تجاوزي والشارع بالنص خط سيده يمنع التجاوز قوليله ممنوع التجاوز

انتبهي للاشارات بالشارع ممنوع تلفي وممنوع توقفي وغيره

يمكن يسالج وانتي تسوقي عن اشاره موجوده بالشارع هذي حق شو

ويوم بتوقفي بعد ما تخلصي

هاند بريك و حطي القير عالبي p ودقي اشارة خطر