الوسم: التراميسيو

هذي المقادير والطريقه

2ظرف دريم ويب – 2ظرف كريم كراميل – 2قشطة – 1علبة جبنة فيلادلفيا ( حجم صغير ) –

بسكوت اصابع الاميره – كوب حليب ( المراعي أو أي نوع ) –

صوص هيرشي شوكلات لتزين الوجه

وهي صورة البسكوت للي ماتعرفه

الطريقة :

نخفق الدريم ويب مع كوب الحليب المراعي حتى يغلظ الخليط ويصبح كريمي وهالخطوه مهمه جدااااااااااااااا

ثم نضيف الجبنة والقشطة والكراميل ونخلط ونخلط حتى تتجانس المقادير مع بعض

نحضر صينيية ذات قاع مفكك ونرص البسكوت عالأطراف بعد مانغطس البسكوت في عصير الاناناس (ممكن استبداله بحليب او نسكافيه مخفف بماي حسب اللي تحبينه وانا افضل عصير الاناناس لانه يعطي طعم مميز)
نغمس البسكوت تغميس سريع في عصير الاناناس ونرصه في قاع الصينيه بعد مانرص على الجوانب
م نضع طبقة من خليط الكريمة …

ثم الطبقه الثانيه من البسكوت بعد تغميسها وتكون آخر طبقة من خليط الكريمة

بعد الانتهاء من الطبقات نصب عليها صوص من هيرشي الشوكلات واجيب عود اسنان ونلعب في الصوص الين مايعطي هالشكل (يمكن استبدال الصوص ببودرة شوكلاته ويرش على الوجه

نبرد الصينية في الثلاجة جيدا كل ماطالت الفترة كان أفضل

وهذي صوره وان شاء الله يعجبكم
وسامحووووووني لاني ماصورت الطريقه بالتفصيل والصور وحطيت لكم صورة النتيجه

وااااااااااااااااااااااااااااااااااااااااااااااااا ااااااااااو عذااااااااااااااااااااااااااااااااااب صدج اشتهيته الحين

وهذا احلى كابتشينوووووووووووووووووووووووو مع هالسويت اللزيزززززززززززززز

تخلطين في الخلاط استكانة سكر + استكانة نسكافيه + استكانة ماي ويضرب في الخلاط الين مايستوي الخليط غليظ ولونه فاتح شوي
وعقب تغلين حليب مراعي او اي حليب طازج وعقب تحطين في الكوب ملعقه من الخليط السابق وبعدين تصبين الحليب فوق الخليط بس حاولي تصبينه بسرعه عشان يعطيج رغوه وعقبها حطي دريم ويب مخفوق بالحليب الين ماتصير كريمه ثقيله ورشي عليها قليل من بودرة النسكويك

ياللاه كل وحده تسدح رايها هنيه في السويييييييت

تقبلووووووووووووا مني احلى التحايا

الحمدلله لقيت صوره في لابي وهنيه وهي مقطعه تفضلوااااااا بالعافيه

على فكره اهني غيرت في الوجه حطيت بودره كاكاو وعقب حلاوة جالكسي الدوائر

سلمت ايدينج غلايه ع هالسويت الغاوي .. ماجربت اسويها بعصير الاناناس .. يبالي اسويها ..
ع فكره تقدرين تسوينه بدون الكريم كرميل ويطلع روعه بعد ..