هلا حبوبة .. انا عرست في ها القاعة ..
القاعة حلوة وماعليها كلام وترومين تلعبين في الديكور لأنها وسيعة.. و الادارة تابعة للمركز التجاري يعني ما يخصهم مول في الجمعية .. وإتيي نفس الملتقى فيها صالة زجاجية (المجلس) بس الحين الاثنينه يأجرونها عساس الناس قامت اتخرب الاثاث واليهال يعفسون المكان .. اتوقع إيجارها ب 2024 مش متأكدة بس انا ما خذتيها ..ما يحتاي أحس!!
بالنسبة للستيج حبوبة عندهم الستيج خشب ثابت نفس المسرح وحجرة العروس وراها .. يعني تبين تطلعين من الكوشة ترومين على الناس .. وإذا لا في باب من صوب تكرمين الحمام ترومين تظهرين منه .. حجرة العروس كبيرة ووسيعه مجهزه بكل شي . سريروكنب وثلاجة وتجوري للأشياء الثمينه .. في قسم خاص في الحجرة للماكييرة يوم إتيي تمكيج وتكرمين حمام كبير .. الحجرة وااااااااايد اكبر عن الملتقى وفي فرق كبير .. يعني الحجرة وسييعة بس ما ترومين تباتين فيها طبعا .. و إذا ما تبين الاستيج الثابت مالهم عادي ترومين تغطينها بكوشة المحل اللي بتتعاملين وياه ..يعني ما بيقيدج المشرح الخشبي مالهم إنتي براحتج وشو يناسبج..
في حجرة ثانيه لأهل العروس جربيه من المجلس الزجاجي اول ما تدخلين القاعة بس هذي مب كبيرة وايد وفيها تكرمين حمام بعد .. ومجهزه بتسريحه خاصة للماكييرة
منيو الاكل والخدمة نفس المركز التجاري … وتروحين المركز التجاري تختارين كل شي .. وبالنسبة لديكور القاعة انا الحرمة قالتلي تصميم القاعة من نفس الشركة اللي صممت ديكورات برج العرب وبتلاحظين ها الشي من زولية القاعة وايد جريبة من زولية برج العرب .. انا عيبتني الثريا اللي في القاعة مش دفشة يايه شكل هرمي … القاعة فتحوها تقريبا اول 2024 يعني المواعين واشياء الطاوله يديدة ونظيفة .. انا عرست نص
وبالنسبة لموقع القاعة انا أشوفها وايد مناسبة لأهل ديرة .. والشارقة والامارات الشمالية خاصة إذا معازيمكم من هاالمناطق ..
اي سؤال ثاني حبيبتي راسليني على الخاص .. انا اضيع في المواضيع ..