السلام عليكم ورحمة الله وبركاته
ممكن تخبروني وين اقدر احصل مكونات حلاوة شعر البنات او غزل البنات ..؟؟
مآدري ..
ان شاءالله خوآتيه مابيقصــرن ويآج ^_^
للرفع
السكر العادي يصير وتقدرين تضيفين له ملون طعام
شفت منال العالم سوت هالطريقة
بس السكر الخاص ماعرف وين يبيعونه
ان شالله البنات يفيدونج
للرفع
مساء الخير الغاليات…
دقايق وبتدق الساعة 12….
يعنى صباح الخير
وجمعة مباركة يا عـــــــــــسولات
بغيت اتخبركم…
حد جرب الايشدو الكريمى؟؟
وهل ينفع للجفن الاصق
وبالنسبة للبودرة الكريمية … شو رايكم فيها ؟؟
لان احسها تطلع خطوط الضواحك بسرعة
والسموحة منكم
علينا وعليج حبوبه
الايشدو الكريمي حلو ويظل ثابت وممكن من فوقه تحطين الايشدو البودره وتسوين سموكنج بيكون خطير
(مافهمت الجفن اللاصق شو يعني)
البودره الكريميه وايد ممتازه لانها تقوم مقام الفاونديشن والبودره في نفس الوقت وما أظني أبد انها تسوي خطوط لانها مرطبه بدرجه كافيه …بس يمكن تحتاجين للمرطب أول وخلاف تستخدمينه
المشاركة الأصلية كتبت بواسطة mischocolat 
تسلمين الغلا على الرد
الجفن الاصق يوم احط ايشدو مائي او كريمي وافتح العين يلصق في الجفن العلوي
وبجرب طرقيتج الغلا
حبيبتي يوم بتحطين الفونديشن الكريمي علي ويهج حطيه بشكل طبطة بالاسفنجة علي منطقة ما حول الانف والفم يعني لا تكثرين منه الكريم الباقي في الاسفنجة طبطبيه علي المنطقة بس وحطي بيس يناسب بشرتج قبل المكياج
يسلموووو
حسب بشتج اذا جافه بيكون ممتاز اما اذا بشرتج دهنيه ابتعدي عنه تماما
انا استخدم البودره الكريميهـ من( إنجلوت ) رووووووووووووووووعهـ
حتى الأيشدو الكريمي رووووعهـ وثابت
شحالكن بنات؟؟
بغيت استفسر من وين الاقي كريم الترتار او البودره ؟؟
الله يخليكم لا تعطوني احتمالات الي جافته تقولي وين …
والي تقدر توفرلي اياه بطرشلها مبلغ واطرشلي منه بلييييييز ؟؟؟
والسمووووحه منكم عزيزاتي
الي ماتعرف ترفعلي الموضوع الله يخليكن ….
نفس السؤال
للرفع
من سبينس غاليتي
ييون في علب صغيرة وين الكاكاو مال الطبخ و ادوات زينة الكيك
والله ؟؟ اليوم بسير سبنس اشووووف شكرا حبيبتي
المشاركة الأصلية كتبت بواسطة اناناسة ييون في علب صغيرة وين الكاكاو مال الطبخ و ادوات زينة الكيك
صح كلامها وهيتكون غاليه شوي
السلام عليكم خواتي شو اخباآآركم ..عساكمم بخيير..
لحقوني عندي مشكله ف قلت بنزلها لكم واشوف ارئكم عسى الله يحقق لي مرادي..
انا صار لي متزوجه تقريبا 8 شهووور ..ومشكلتي هيه بشرتي..الدهنيه.. من قبل العرس طلع لي حب ومافي مكان ما عالجت فيه ..وياكثر الكريمات اللي شريتهن والصوابين وكل شي ..يعني تعبت نفسي ..
وريلي كل مره يقولي ليش هالحب !! واحاول اعالجه بس ما ينفع وسرت لدكاتره واخذت ادويه وغيره بس يقولون حب شباب ..انزين ابه علاج وين تنصحوني علاج مضمون ..وانا استعمل البودره المائيه يوميا لبشرتي لاني ما اشوف شي مناسب لبشرتي غير المائيه احسها تثبت اكثر..استعملت نيفا بس مانفع واستعملت وايد بودرات بس ماعجبني غير المائيه ومرات احس انه السبب ف ظهور الحب لي..
ف ساعدوني بليززز..ابه علاج لبشرتي ..ابه بودره حلوه تناسبني ..وانا افكر اعالج اول بشرتي عقب اشوف البودره والمكياج..
انا ف العين اسكن عشان ادلوني مستشفيات جلديه وووجي..وعمري 17 سنه..
وتسلمووووؤن وياليت محد يردني
خويتكم
..
حبيبتي البووودره ما يخصهاا
شي طبيعي اللي بشرتهاا دهنيه تطلع له حبووووووب
وأناا وحده بشرتهاا دهنيه وصج كاااااارهه عمري
تطلع لي حبه في مكان عقب ما تقووم ترد تطلع وحده ثانيه في مكان ثااني وجي
يقووولوون انه حب الشباااب
المووهيم
أنااا أستخدم صااااااابوون لايف بووي ايبس الحب عقب يطيح برووحه
……………………………
اناا مب من العين
ان شاء الله البنااااااااات يفيدوووووووونج
للرفع
انا كنت كله اخ ماركات البودره طبعا ودايم تطلعي حبوب بسسبتها
والله خذي لج بودره من زين الاتات لا تاخذين مائيه خذي العاديه وبين فتره وفتره حطي البودره لان انا بعد بشرتيه دهنيه
عن الحبوب والله ما ادري استخدمي دالاسين
اذا عندج امساك احتمال يكون منه
البشره الدهنيه مايبالها غير تنظييف دايم واهتمام
انا بشرتي دهنيه لـ مختلطه
استخدمي اي صابون طبي .. مثل نتروجينا أو هملاياا ..
لاتقولين البشره الدهنيه مايبالها ترطيب .. اهم شي الترطيب .. بس لازم تستخدمين كريمات خاليه من الزيوت
بتحصلين بـ كلارنس أو ميشـا .. كريم ترطيب .. بس هو اساسه ماي .. وايد مفييييد
بس قبله نظفي ويهج بالتونر .. وظيفته التحكم بالدهون ويقلل من افرازاتها .. بس شوفيلج مجموعة كامله
خاصه بالبشره الدهنيه
انا استخدم مجموعه كامله من ميشا .. من صوابين وماسكات وكريمات ترطيب وتنظيف .. والحمدلله خفت الدهوون والحبوب بشكل واضح وصار ويهي منوور
حتى ماقمت احط اساس بويهي .. واستخدم بودره مضغوطه من ماكس فاكتور
هذا موقعهم لو حبيتي تتصفحينه
http://www.missha.ae/ver3/index.php?…5&sid=12&ln=ar
حبيبتي انا ماعرف عن علاج وله شي
بس ترا البودره المائيه ماتنفع حق البشره الي فيها عيووب
خذي لج فاونديشن يناسب بشرتج
شي فاونديشنات نسبة زيت فيهم اقل للبشره الدهنيه
وبوودره كومباكت
حرصي انج عقب ماتشلين الميك آب تنظفين ويهج عدل
وماترقدين وفي ويهج شي
3 مرات في الاسبوع سويلج سكراااب وفي انواع وايده
ودوم استخدمي غسوول .. وعقبه التوونر عشان تتسكر المسامات وماتظهر لج حبووب
وعقبه كريم طبعا .. لان البشره الدهنيه بعد لازم تترطب
هالخطوات لازم تستوي ورا بعض وكل يووووم
هاي الاشيا دووم اسويها مع ان بشرتي مب دهنيه
بس الحمدلله الكل يسألني عن بشرتي 
انا بعد بشرتى دهنيييييييييه واااااااااااااايد تعبتنى
الله كريم
بنات ياليت اتساعدوني اشتريت بودرة كيرولاين من كثر ما اسمع عنها انها حلوه
بس لما اشتريتها وكان سعرها غالي ويت بستخدمها بالماي طبعا هيه مائيه ما عرف بقعت في ويهي
يمكن استخدامها غير فياليت الي اتعرف استخدامها كيف اتخبرني
شوه نوعها مظغوطه والا سايبه (حره)
صوريها لو ممكن
اتوقع لون علبتها فضيه رماديه شي جي اذا كانت هي مول ماحبها تبقع وعقب يبن الويه جنه خريطه من كثر البقع
اسالي حياة التميمي بتفيدج لانها خبيرة مكياج وتبيع النوع هذا
السموحة بيبتي معرف^^
اتيبين الاسفنجه او البروش واتبلينه ماي وعقب تخلطينه ويا بعض وعقب اتحطين نقط على ويهج ..ولا تدهنين ويهج كامل مره وحده …وعقب ما اتحطينهم نقط نقط ادهني بالفرشاه اوالاسفنج كامل الويه وعقب حطي عليه البودره المنثوره ^___^
وان شاء الله يضبط معاج عزيزتي
مرحبااااااااااااااا بنااااااااااااات
.gif "12 (8)")
محتاره يا بنات عندي بودره الحره الشفافه ماركه شيسيدو ماعرف كيف استخدمها اوزعها كامل وجهي ولا بس تحت عيوني
وشو الاحسن استخدمها في اي وقت ولابس في المناسبات
بلييييييييييييييييز دلوووووووووني
انا استعملها اخر شي بس من كم يوم سمعت خبير التجميل احمد القبيسي يقول استعملوها بدل البودرة المضغوطة لانها ناعمة وطرية عالبشرة بس حبوبة انتبهي في بودرة حرة بلمعة وفي من دون لمعة طبعا مالة اللمعة حق المناسبات والسهرات واللي من دون لمعة حق الاستعمال اليومي ولما تحطي على الوجه حطيها بطريقة التربيت خاصة تحت العين عشان الخطوط ما تبين
للرفع
مشكوره على اللافاده 4 فصول
اللي عندي لونها ابيض مادري يمكن لاستعمال اليومي انا جربتها وبصراحه فنااااااااااااااااااااان كأني ماحطه على وجهي شئ طبيعي وصاااااااااااااافي
اتحطيها على كامل الويه ويطلع الويه شرات المخمل
فوووووووووق
البودره الحره الشفافه تستعملينها بعد الفاونديشن باستخدام فرشاه او اسفنجه لتثبيث الفونديشن
السلام عليكم
شو تستخدمون مرطب لبشرتكم وخصوصا قبل البودره المضغوطه لانها تبين الجفاف والقشور
انا عندي كلارنس بس حابه استفيد منكم وخبراتكم
يعني ابا شي يرطب وفي نفس الوقت يعطي للبودره شكل جميل موب شرات الطحين او اووفر وكيكي مثل مايقولون
انا انصحج بكريم 21 من اي اقرب جمعيه لج
لانه كريمات المرطبه من ماركات احس فيها نسبه عاليه من مواد الضاره للبشره ما تنفع للمكياج اليومي
عندج كاميل او نيفيا بعد حلو
وها رايي >> يمكن وحده عندها راي ثاني
والسموحه غناتي
جزاكم الله خير
انا ماعندي مشكله مع كلارنس بالعكس لكن اللي استوا تسببت لعمري بكريمات وخلطات وطلعت لي حبوب وبقعت ما صدقت تروح والحين عندي حالة خوف هستيريه من اي كريمات او زيوت حتى الميك اب واااااااااااااايد اخاف على بشرتي
الحين استخدم بودره مضغوطه على امل انها اقل ضرر من كريم الاساس السائل لكن البودره ناشفه وتطلع مناطق الجفاف في الويه وعشان جيه سالتكم شو نوع المرطب
انا جربت كريم الترطيب الي من بودي شوب
حلو و وايد خفيف على البشره
جربيه قبل لا تشترينه يمكن الي ناسبني ما يناسبج
و هذي صورته:
هذا مناسب للبشره العاديه و الجافه
انا بعد استخدم كريم أولاي
مشكورريييييييين على ردودكم
خواتيييييييي انا امس خذت بودره من كانيبو مع الفاونديشن واول مره اجرب هالماركه
بس عندي كم سؤال …؟
لازم نستخدم ماي مع البودره المضغوطه ولا مايحتاي ؟؟؟؟؟
اذا بوزع الكونسيلر ع الويه لازم احط قبله بيس ولا؟؟؟
كيف اعطي الويه لوك مخملي هل يعتمد على نوع البودره او طريقة المكياج ؟؟ اذا في طريقه اتمنى اتخبروني كيف
وبس اتمنى ساعدوني تراني ماعرف وايد.gif "13 (20)")
عاااد موووضووعج طااح عندي … الله يعيينج مووول ما اعرف لا للبوودرات ولا الميك أب بكبره خاااطري اتعلم .. ان شااء الله البنات يفييدوونج …
حبيت ارفع لج الموضووع …
البودره المضغوطه اعتقد مايبالها ماي تقدرين تستخدمينها بدون الماي .. بس الكونسيلر ماعرف والله انا استخدمه بدون البيس عشان مايطلع ثقيل .. بس انتي اسألي الماكييرات اللي فالمنتدى ان شاء الله يساعدونج ..
والله يا ريت لو اقدر افيدج..ان شاء الله ماكييرات المنتدى بيفيدونج
من وين اشتريتي البودرة؟؟؟؟؟؟؟ لاني سرت أريج و باريس غاليري اللي في راك قالوا ما عندهم ماركة كانيبو
مشكورة اختي و السموحة
مشكورات خواتي على مرووووووركن
وان شاءالله حد من الماكيرات يرد علييييي
اختي صمت خذت البودره من باريس غاليري في الفستفال سنتر
مشكورة اختي ولوف…وان شاء الله تحصلين الجواب لسؤالج
حبيبتي اللوك المخملي يعتمد على البودره الي تستخدمينها ويودرة كنيبو معروووووفه بهالصفه انها مخمليه وعشان الاستخدام على حسب ما تبين عادي تقدرين تستخدمين البورده بالماي اذا كانت البودره ومكس ويا كريم الاساس لان بوردتي الي من كنيبو الجديمه مب نفس الي انتي خذتيها قالتلي هاي البورده غاليه لان مكس ويا كريم الاساس ف في ناس يستخدمونه ويا الماي وقت المناسبات والاعراس عشان تغطي عيوب البشره وبدون الماي اذا كانت عزايم ولا سايره عند ربيعتج ولا يايتنج يعني العزايم الخفيفه والبيس انا احب استخدم البيس بصراحة يصفي الويه وفي نفس الوقت يكون في حاجز مبين البشره والمكياج وان شاء الله قدرت اني افيدج
مرحببب خواتي
حمستوني انزل موضوع الفاونديشن وراح اتكلم عن الفاونديشن و تثبيت الفاونديشن افكورس
))1(( studio fix powder by m.a.c
سعره تقريبا حول 120 الى 140
و هني المفاجأة خواتي صحيح انه بودره لكككن ها فاونديشن بودره
ما تتساءلون ليش اذا استخدمنا كريم اساس سائل و يوم نحط هالبودره نحس انه ثجيييييل وايد
لا ونستانس اونه غطى كل العيوب نوو والف نوو ترا انتي جذي تحطون اساس على اساس
لازم تنتبهون لهذه النقطه ..طريقه استخدامه بعد البيس تحطون خافي العيوب و عقبها هالبودره و خلصنا
احلى شي لبنات الجامعه و المداومات وايد خفيف وبنفس الوقت يغطي كل العيوب
))2(( loreal true match minerals
سعره ماذكر بس اعتقد مابين ال90 و ال120
و تبون الصراحه ابدااااا ماناسبني و ثجيل و هذا بعد فاونديشن بودره معدنيه يعني حلو حق الي بشرتهم
باهته و مافيها لمعه مووليه لانه هالفاونديشن فيه لمعه بسيطه وبعد يغطي العيوب
بس حلو للي بشرتهم مافيها اي عيوب او علامات لانه بيبرزها
))3(( studio fix fluid by m.a.c
ها سعره مابين 120 الى 140
تغطيته مثاااليه و حلو بس ثجيل وايد و عشان نتجنب هالشي لازم نحط كميه بسيطه جدا
وفيه بعد حمايه من الشمس اس بي اف 15
هالشي ناايس
))4(( Maybelline dream liquid mousse
سعره ماذكر والله بس اعتقد مابين 70 الى 100
هالفاونديشن تغطيته خفيفه بس حلو احسه و كريمي وايد
و ميزته انه يكون جنه حد راشه رش ع الويه مب ماسحنه اتمنى فاهمين علي
يعني تخيلو رشه عطر جي يعني
))5(( loose powder by marks and spencer translucent
هذا باودر تثبيت كريم الاساس شفاف ماله لون سعره 25 درهم وايد حلو
و يعجبني وخاصه بعد مااحط كريم الاساس ماك ستيديو فكس فلويد
))6(( lise watier mineral loose powder
هذا شريته من تاجره و بتحصلونه ف باريس غاليري سعره عند التاجره 75 درهم
اما من باريس غاليري ماعرف بس اعتقد بحدود 100 الى 130
هالبودره غرااامي صدق صدق بس اخلص منه اتم اليوم كامل بدون ما اعيد احطه لانه مايزيت ابدا
و ها بلون مب شفاف و بودره معدنيه بعد بس مول مافيه لمعه
و هاي مسحه الفاونديشنز على ايدي لاحظو كثافه و تغطيه كريم اساس
و هني راح احط لكم صوره حق انواع اللوز باودر
1 و 3 تثبيت الاساس
2 ها فاونديشن بودره و تيي بفرشاه خاصه فيها بس ماحب استخدمها لانها وايد قاسيه
تنفع الفرشاه لوضع الفاونديشن السائل
و بجذي خلصنا الموضوع و اتمنى انه نال على اعجابكم
اختكم gucciyah
روعة الطرح
ماشاءالله عليج
حلو الموضوع
مشكورة حبيبتي
تسلمون ع المرور ^^
مشكورة حبيبتي ^_^
ماشاء الله عليج موضوع مفيد ومتعوب عليه
نتريا مواضيعج الحلوه اليديده
كل الشكر
هلا خواتي ,,
شحالكم وشو اخباركم ؟؟ عساكم بخير؟؟
انا حابه اسئل شو تستخدمن بودره يوميه ؟؟
يعني تسخدمنها اي وقت وكل يوم وتكون خفيفه وتعطيك منظر حلو,,,, انا استخدم ماكس فاكتر بس مليتهاااااااااااا….
وحابه اغير,,,,,, ولكم تحياتي.gif "44 (36)")
نرفــــــع الموضووعــــــ،
لــــــراعية احلـــــى عيـــــونــ،
الصراحه انا مااستغني عن ماكس فاكتور للاستخدام اليومي وللطلعات والزيارات جيرلان
أنا أحب لانكوم بودرة خفيفة وشفافة عالبشرة
ما استخدم بودرة الصبح ^__^ احب اريح بشرتي وقت الصبح
انا استخدم بودرة بدي شوب .. << يومية وااايد اوكي واكثر بودرة تكون طبيعية ..
بس طبعا للمناسبات والافراح .. استخدم BN أو ماك
انا الصراحه اتعودت ع البودره المظغوطه الي من ماكس فاكتور تعطي نظاره ف الويه او عندج من بودي شوب وايد اوكيه بعد وطبيعيه ..
||||