المشاركة الأصلية كتبت بواسطة كل الاسامى
حبيبتى احس تفكيرك زىى لما كنت بدور لبنتى على مدرسه بس انا اشوف الاحسن طبعا ان الاولاد يدرسوا منهج تقيل و صعب لان الطفل ما شاء الله ذكى و بيستوعب فوق ما تتصورى و طبعا اللغه الانجليزيه دلوقتى هى لغه العصر و انتى بتشوفى ان اى طفل فى الشارع دلوقتى بيتكلم انجلش ممتاز فليه ابنى او ابنك ميكونش مواكب لجيله
طبعا المنهج البريطانى احسن من الاميركى و اقوى بكتير
بالنسبه للشارقه البريطانيه مدرساتها عرب حسب ما سالت ما عدا يمكن مدرسه واحده لكل صف او شئ زى كده و الله مش فاكره مظبوط بس الى خلانى ابعد عنها 3 اسباب اولا اليوم الى رحت اسال لبنتى عن النظام فوجئت ان الى جالسه على كاونتر الاستقبال عربيه لكن منتهى التبرج فوق ما تتخيلى فطبعا اتضايقت جدا و اخدت فكره مش كويسه عن المدرسه
ثانيا المدرسه نفسها مبانيها و تجهيزاتها اقل من ويسجرين ثالثا لما عملت بحث ع النت لقيت كتير ناس بتقول انها مدرسه مش كويسه فصرفت نظر و الحمد لله دخلت بنتى ويسجرين
فطالما انتى اولادك فى مدرسه ممتازه ليه عوزه تنقليهم
ده رايي و ارجو انى اكون افدتك