يسعدني اشارك في موضوعج بس بصراحة عندي تحفظ على العنوان لأنه مافي شي اسمه بدون اماراتي…
ومافي شي اسمه بدون اصلا… يعني هالبدون انشقت الأرض وطلعتهم في الامارات وكانوا بدون…
كل شخص ينتمي لدولة معينة.. وعلى ما قريت وعلى ما تداوله صحفنا المحلية والصحف العربية بعض هالفئات ضيعت اوراقهم الثبوتية بالعمد عسب يحصلون جواز الدولة اللي عايشين فيها…
بالعكس.. انا وااااايد متعاطفة مع هالفئة.. وعندي صديقات بدون حالتهم حاله…
بس لو نرجع للأسباب ترا واااااااااايد اسباب يمكن الناس ما يعرفونها..
منها:
شي من الناس ما يدرون انه كان مهم يطلعون أوراق ثبوتية لهم ولعيالهم
شي من الناس يوم صار الاتحاد تموا صاخين وعقب يوم يوا يراجعون أخروهم وايد وماشي رد
شي من الناس مثل ما قلت بالعمد ضيعوا اوراقهم لأنهم مستحيل انهم نبتوا من الأرض وطلعوا لقوا نفسهم في الامارات
شي من الناس ما عندهم واسطات أو حد يركض لهم مثل الناس الثانيين
بس منح الجنسية لااااااااااااااازم يكون محدد ومقنن… ومثل ما فرضوا قيود على عدم منح عيال المواطنة (وانا ويا هالقرار) لازم كان ينفرض قانون على عدم منح الزوجات الوافدات جنسية الدولة لأسباب كثيرة.
وفئة اللي ما عندهم أوراق ثبوية ياييين من وايد اماكن… ايران، باكستان، بعض دول الخليج االي يبون يستقرون هنيه و كشفوهم انهم من بعض هالدول…
والوافدين اللي يحصلون جنسية بعض منهم واسطة.. وبعض منهم حسب قانون امارة دبي مكملين 30 سنة.. ولاتنسين انه فيه بعض الاشياء اللي ما نقدر نتساءل عنها لأنها تعتبر تدخل في قوانين الدولة
وماشاء الله صحفنا مب مقصرة في الكلام عن هالموضوع.. وحد مؤيد وحد معارض…
وبصراحة… انا مع منح بعض البدون خصوصا اللي في البلاد من 50 و 60 سنة.. لأنهم هم وعيالهم ما يعرفون مكان غير هالمكان.. وبلاد غير هالبلاد… ويسهلون امورهم المتعسرة
لكن انا ضددددددد انه الدولة تمنح عيال وازواج المواطنة جنسية.. لأنهم عندهم بلد و المفروض انهم عندهم انتماء للبلد اللي هم منه …