.gif "12 (8)")
السلام عليكم ورحمة الله وبركاته
صبحكم الله بالخير…، وعسى السعاده تعم قلوبكم وتملي بالفرح ايامكم …
حبيت اخذ شوركم ياخواتي ….
البارحه صادفني موقف …اللي صار ان البارحه السبت والاحد دوام انا وريلي …اهو شغلته اداري فبوظبي وانا طالبة فدبي وساكنين فعيمان …والحمدالله الله رزقنا بطفل عمره 5 شهور ..
اللي يصير كل سبت ان عقب الساعه 11 نحن المفروض رقود لأن ريلي يطلع من الفير ومايرد الين الخمييس وانا بعد الفير طالعه ما ارد الين العصر والياهل من بين امي والبشكاره السالفه اني ضاريه ما ارقد ولدي عقب المغرب عشان يرقد ويانا ومايسهرنا …البارحه فديته مادري شبلاه متفيييييييييييييييييييج يبي يلعب …يلسنا انا وريلي اونه سهرنا الين 12 والحبيب عايش جوه قام ريلي يبي يرقد …مني مناك و ولدي يصيح اذا بندنا الليت ..شليته ويلسنا فالصاله تعبت ابي ارررقد وهو فاج عيونه فديته ….لين تم يصيح حسيته تعب رضعته ورقد دخلت حجرتي حطيته فمنزه من حطيت راسي عالموسده الا ويزعج ويصيح شليته ارضعه بعد يصييييح عاد اهنه قاااااام ريلي شله عني وزخه عني وهو يزاعج عاد الياهل تروع فديته ظلمه وصراخ تم يصييييييييييييييييييييييييييييييييييييييييح صياحه كان يقطع القلب واترجى ابوه يعطيني ولدي مب طايع تم زاخنه الين انهد حيله من الصياح وانا غرقانه بدموعي …فديته رقد من الصياح والله انه قهررررررررررررررررررني وتميت ساكته قالي تعالي شلي ولدج يوم ييت اخذه قام وزعج عليه ..نش الولد متروع والله اني هذيج الحزه بغيت اصم ريلي بواحد …بس سكت و مت غصه عولدي ….شليته وضميته بالقو وانا اقرا عليه واحاول اهديه …زعجت عريلي قلت له محد طلب منك ترقده قام احتشر شل لحافه وطلع برع وهو يقولي انتي ماتنفعين لاتربين ولاتسوين شي بس فالحه اتدلعينه…والله اني طول الليل مب راقده من الصياح و ولدي فديته يشاهق وهوراقد من الروعه ….
حسيت اني مووول ما نفع حق شي ، الصبح عقب ماسرنا دواماتنا ..طرشت له مسج قلت له يوم انك جي ارقد فالميلس او ودني بيت اهلي يوم السبت وارقد عراحتك وشراة ماربك عطاك حرمه و ولد بياخذهن فلحظه ….
لا تلوموني نحن ساكنين فبيت اهل ريلي وريلي طول الاسبوع فبوظبي وانا فدوامي وما نلتقي الا فالويكند …والله ان طيييب وحبوب ويموووت فولده بس البارحه مادري شبلاه …
اتصل في مارديت عليه حسيت اني بقول اشيا لازم ماقولها …
ابي يحرم يسوي شراة البارحه بس ماعرف كيف …
ساعدوني
حرااام ليش جذي يسوي بيعقد الولد وهو صغيرون
الله يهديه ان شاء الله البنات يفيدنج
ريلج مو طبيعي حد يحرج علا ياهل
يوم ايكون بهالحاله انتي خذي ولدج وروحي الميلس او اي مكان
والله ماادري شو اقولج بس يمكن ف لحظه غضب وهو تعبان عصب بس الياهل ماله ذنب يصرخ عليه
فديتج
كل الرياييبل اتيهم نفس هالحاله وهم رقود
خلاص انسي السالفه …خاصه ان ريلج بعيد
ولما يرجع اتفاهمي معاه…قولي له هذا ياهل وما يفهم
اذا زاعقت عليه بيصيح زيادة
بس نصيحة …اذا ولدج شبعان ومب موسخ حفاضته وقام يصيح
خليه يصيح لحد ما ينام بروحة
لا تخافين عليه…ما راح يصير به شي
لأن اذا ما تعود على هالشي بتتعبين واااااااااااايد معاه
يمكن ماحس في عمره تعبان..
هو طول عمره متعود يرقد على راحته… وهالياهل شي يديد عليه يباله ليما يتعود
ان شاء الله بيتعلم صبري عليه
يآختي الريآل وقت ارقآد مآ يشووف شي غير المخده ..
بس بصرااحه المفرووض مآ كآن يزآعق ع الصبي ..لوو كنت مكآنج جآن من ثآني مره فيهآ صآآح بطلع في الصآله .. وبخلييه يرقد برآحته ..
انآ مرآآت انآ اطلع من الغرفه خآصه يوم يكوون دوآم .. ولآ مرآآت ارووحه يشل قشه ويرقد عند بنته ..
المشاركة الأصلية كتبت بواسطة ضحكة القمر 
