الوسم: الايام

اللي عندها ياهل عمره في الايام تتفضل

السلام عليكم والرحمه

اشحالكم امهااات ؟ اعلومكم؟

انا عندي صغيرونه عمرها اربع ايام ربي يخليها ويحفظها وعندها امساك ..وقالولي اسويلها لبان مع مرة اطبخهم واشرب الياهله الماي المطبوخ عسب بطنها يرتاح ..اتخيلوا من يومين فديتها مانزلت!!
اخاف ماينفع لها وبعد فديتها فيها بوصفار وتتعصر وتتويع وماتشرب حليب وقالولي عندها جفاف
خبروني شو اسوي معاها ؟؟؟؟

افيدوني….

ملاحظه انا مب راعيه النك

حبيبتي كل اليهال يكون فيهم غازات و يتويعووون و يتعصرووون في عملية الخرووج ..
اللي اعرفه ان اللبان تعطينه الياهل يوم يكون فيه بلغم ..
بالنسبه للأمساك .. عطي الياهل ينسوون يريحه و يطلع الغازات و ان شاء الله تتيسر عملية الخرووج
و سوي مسااج للبطن ( دفي زيت زيتون يكون دااافي مب حار و ادهني منطقة البطن ) و حركي ريول الياهل كانه راكب سيكل لأن هالحركه تساعد في تسهيل حركة الامعااء حسب ما قريت ..
و بالنسبه للبوصفار .. اول الصبح يوم بتطلع الشمس و الا آخر العصر قبل لا تغرب فصخي الياهل كامل و حطي تحته فووطه علشان اذا وصخ عمره .. و خلي مجابل أشعة الشمس لأنها بتنفعه و اشعة الشمس هي الحل الأمثل و الوحيد تقريبا ل مشكلة البوصفار .. و طبعا لازم الياهل يرضع من صدر امه .. علشان يقوي مناعته ..

احسن امسحيلها بطنها..
ما انصحج تعطينها شي.. لو تمت بعدها ما تكشي من بطنها وديها دكتور اطفال..
انتي كيف عرفتي عندها جفاف..؟!
اغلب اليهال اييها بو صفار.. من تبدا ترضع زين بيخوز عنها..

وديها العياده أحسن

حبيبتي فتره وبيرووووح عنها
لازم اصلا كل اليهال جيه

انا ولدي تعذب من كثر الامسال اول شهوره
وقلت لريلي اييب لي اي شي من الصيدليه حق الامساك
لانه صغير وحرام ابهدله بالعيادات

وعطاه الصيدلاني تحاميل للاطفال اسمها جلسرين
وهاي التحامل طبيعيه وما تضر وهيه تحميله زيتيه

حتى يوم بتبطلينها بتحسينها مطاطيه

بس والله من تدخلينها على طووووول بتبرز بنتج
واكثر وقت بتاخذ نص ساعه وبتطلع كل شي وبترتاح وبترتاحين معاها

وبصراحه انا تميت عليها يمكن اسبوع او اقل شوي بعدين راح الامساك كامل والحمدلله
بس بعد جربي تسوين لها تمارين وتدلكين بطنها انا لما اسوي لولدي ما افيده بشي

بس ابوه ما شاء الله من يدلكه على طوووول تطلع الغازات وكل شي

مشكورين خواتي على النصايح

بس قالولي لازم يرقدونها يبون يشوفون شو السبب اللي يخليها ماترضع

الله يعين

البنت فيها امساك لانها ماترضع
الافضل انج تودينها المستشفى
واذا كان فيج حليب وايد اعصرية للمرضعه وشربيها
يمكن لان البنت ماتعلرف ترضع منج
الاحسن تعطيها حليبج بالمرضعه لين مايروح الجفاف وتتحسن بطنها
وبين فترة والثانيه عطيها منج طبيعي علشان لاتتعود على المرضعه
وبالنسبه للصفار فحليب الام علاج للصفار
وكل يوم الصبح من الساعه 7 لين 10
حطيها على ضوء الشمس
علشان الصفار
وادهني جسمها بزيت الزيتون
(وصيه الرصول للاطفال) ولان الزيت يساعدها على الاخراج وتقويه عضلات المعده
ولازم تعرفين ان الاطفال لايصابون بجفاف مادامت رضاعتهم من امهم صحيحة

الله يعطيها الي تتمناه بحق هذي الايام الكريمه الي تقدر تساعدني

سلام

اتمنى يا بنات الي تعرف مواقع لماركات عالميه للازياء ومكياج والعطور
مترجمه باللغه العربيه.. تفيدني ..بأقرب وقت ممكن

او عندها مواقع لمجلات اجنبيه تختص بلبس النجمات العالميات ياليت تقولي عليه..

والله يوفقها ويحقق لها كل ما تتمناه بحق هذي الايام الطيبات..

انتظركم بأقرب وقت

الصراحة ماعرف بس ادخلي google بالعربي وحطي المواضيع اللي تبينها لين تحصلي شي

خاطري اساعدج .. بس ماعندي ..

وان شاء الله الاخوات مابيقصرون وياج الغلا

صح ادخلي جوجول ودوري
وياليت البنات ايسعادونج

الغالية إذا انتي من بوظبي روحي شركة المطبوعات فب شارع النصر وخذي مجلة (فوج) ومجلة (ايلي) وجلات اجنبية ثانية فيها كل الماركات واحدث شي

كل وحدة اتقول لنا متى بتصوم الايام اللي عليها

كل وحدة اتقول لنا متى بتصوم الايام اللي عليها واذا بتصومين بعد العيد ليش واذا بوقت ثاني بعد قولي لنا ليش

ولا رد ليش

انا ناويه ان شاء الله من ثاني يوم عيد او ثالث عيد بصوم الي علي

وان شاء الله بطبقه وناويه اصوم 6 شوال بعد الله اذا الله عطانا عمر

مابصوم

لاني مافطرت اصلا لوووووووول

الله يخلي الحمل^_^

انا بصوم لين مايبرد الجو شوي

أحاول أصوم بأقرب وقت أذا ربي يسيرها

من ثاني يوم عيد ان شاء الله

لون بني العسلي للشنط الدارج هالايام

بنات بشوف الكل هاب على هاللون البني العسلي شنط صنادل واحزمه وكل شي بس
انا ما عرفت اذا اخذتهم والبستهم مع عبايه اسود شو بتكون لون الشيله يعني شو بيلبق مع هذا اللون اللوان وردي او ازرق فاتح او شو اعطوني رايكم

ممشى دبي – مكان حلو خاصة هالايام في الجو الحلو


ممشى دبي او THE WALK

عبارة عن مجموعة من الكوفيات والمطاعم العالمية والمشهورة

وبعض المحلات على امتداد 1.7 كيلو متر ..

والناس رايحة رادة تتمشى وفي منهم طبعا الاجانب

يمارسون رياضة المشي والجري في هذا المكان

عن تجربة المكان جدًا رائع خاصة من بعد المغرب

المكان وااااااااايد حلو وراقي.أنصح الكل يروحله بس بعد المغرب طبعا لاأن أحلى..

تسلمين حبوبة و يعطيج العافية ..

انا سرت ذا ووك قبل فتره الصرحة المكان راقي جداً و المطاعم حلوة و الجو يجنن لانه على البحر و شي محلات ماركات عالمية

نصيحة لا تفوتونه في الشتا ^_*

أختي هذا المكان اللي خلف دبي مول؟؟

المشاركة الأصلية كتبت بواسطة 3athaB
أختي هذا المكان اللي خلف دبي مول؟؟

لا الغالية مب خلف دبي مول

اممم مشكلتي فاشلة في الوصف بس بحاول اشرحلج

تعرفين شارع جميرا كأنج يايه من برج العرب و مدينة جميرا و ميناء السلام ؟!

تكملين سييده و تصعدين على الجسر و تنزلين بعدين تدخلين أول لفه يمين بتشوفين مكتوب ذا ووك أو الممشى

بعد فندق الحبتور اذا تعرفينه ؟ اللي تتغير ألوانه ^.^

اذا ما فهمتي عليه بحاول اعطيج وصف واحد من الشباب في منتدى ثاني انا خبرت ابويه عنه و سرنا

و السموحة على القصور ..

مممم وين هالمكان

سرتله وااايد حلووو بس قبل مايفتح كل الكوفيات

الصداقه وينها هالايام

تعرفون ليش كتبت البوم من كثر استغرابي

اقعد بالايام افكر اقول شو هالدنيا اللي تفرق صديق عن صديقه

شو هالدنيا اللي الواحد مايعرف فيها منو اللي يحبه صج من قلبه ومن قدامه ومن وراه ومنو اللي يحقد عليه وينافقهه

انا صارت لي مواقف مع ربيعات عزيتهم اعتبرتهم خواتي مب ربيعاتي كنت اقول لكل وحده انتي اختي مب ربيعتي

ويوم كانو يشكولي ولا شي كنت اوقف جمبهم بكل قلبي ونصحهم من كل قلبي وزعل لزعلهم وافرح لفرحتهم

ومع الايام القاهم لحالهم يبعدون ماعرف ليش

الصداقه لو واحد يعرف ويقدر كلمة الصداقه الصداقه مب يوم يومين ولا بس وحده تعرفت على وحده بس عسب ترمسها وقت الملل هذا كنز زوالله انا اعتبره كنز للي يقدر هالشي

مب يوم يومين واذا تعرفت عغيرها تودرها

صارت لي مواقف انصدمت فيها من اعز الناس لي من اقرب صديقتين لي الاولى كانت حاقده علي وانا ماعرف

كانو ربيعاتي يحذروني وانا كنت غافله من زود حبي لها لني اعتبرتها توامي اللي هي اكثر عن اختي

ماكنت متوقعه باللي هي سوته بحقي انصدمت والله حسيت الدنيا مالها امان صرت متوقعه اي شي

والثانيه يوم احتاجتني كانت معاي وعقب ابتدت تبعد شوي شوي عني

مشكلتي اني اكره النفاق يوم اعرف ان فلانه تنافقني ابد ما اقدر استمر معاها لني ماحب اجامل كيف اكمل مع منافقه تقص علي

تعرفون احس مشكلتي ان قلبي طيب ينقص علي بسرعه

صج السالفه يمكن تشوفونها تافهه بس مهمه عندي ليش جي ليش جي يصير اقرب الناس عادي بغمظة عين تلقينه عدوج

مثل اللي صار معاي توامي صارت عدوتي الحين مب شي يحير مب شي يقهر

والله اني اشتاق لها وطول وقتي احلم فيها وايد مع اني ماكنت افكر كثر بس كل يوم كنت احلم فيها بتوامي

وياريت يوم يومين عشرة عمر من الطفوله شي صعب والله

ليش جي بالعكس الصداقه ثمينه والله مستحيل الواحد يلقا شخص يحبه هالحب من قدامه ومن وراه وجي يسوي فيه هذا ظلم

بالعكس لازم يتمسك فيه لنه نادر مابيلقا شراته

بس والله مب اني قلت هالكلام اني خلاص ما اثق بحد عندي صديقات فيهم الخير والله عساني لا خلا منهم

بس تعرفون العشره العشره ماتهون عالواحد والله

صح اختي بس صدقيني يوم تكون عندج ربيعه من الطفوله لين ماكبرتو تحسينها قويه عليج

والله الحين عندي بنات خوش بنات والله افتخر فيهم

بس يوم اذكر هاييج والثانيه اقول اعوذ بالله من هالدنيا

فديتج لاحظت وايد تقولين شو هالدنيا شو هالدنيا ؟؟

ختيه هذي اختبارات من الله لج وما شاء الله انتي من كلامج صبوره ومو مقصره مع احد

وبعدين

مو معناته فقدتي صديقه تضايقين لا فديتج من تركج ولا سأل عنج اذكريه بالخير وقولي الله بيعوضني احسن منها ان شاء الله

وصدقيني بتحصلين صديقات احسن بواااااايد ومثل ما قلتي عندج صديقات لكن هذي تؤأمج
هذي قبل كانت تؤمج اما الحين عندها حياتها وظروفها
انتي ذكريها بالخير

والله يسعدج دنيا واخره فديتج وعيشي حياتج مع اللي يتذكرج ومهتم فيج

المشاركة الأصلية كتبت بواسطة الجازي***
فديتج لاحظت وايد تقولين شو هالدنيا شو هالدنيا ؟؟

ختيه هذي اختبارات من الله لج وما شاء الله انتي من كلامج صبوره ومو مقصره مع احد

وبعدين

مو معناته فقدتي صديقه تضايقين لا فديتج من تركج ولا سأل عنج اذكريه بالخير وقولي الله بيعوضني احسن منها ان شاء الله

وصدقيني بتحصلين صديقات احسن بواااااايد ومثل ما قلتي عندج صديقات لكن هذي تؤأمج
هذي قبل كانت تؤمج اما الحين عندها حياتها وظروفها
انتي ذكريها بالخير

والله يسعدج دنيا واخره فديتج وعيشي حياتج مع اللي يتذكرج ومهتم فيج

تعرفين والله اني اتمنالها كل خير بس يوم اشوفها الحين صارت عدوتي اطالعها جي وانا مستغربه اقول معقوله هاي اللي انا وياها من طفولتنا مانروم نفترق عن بعض

صدقيني انا عايشه حياتي والله الحمد الله معوظني بس صدقيني يوم الواحد بعد يقعد لحاله يتذكر ومايروم ينسى

الله يعيينج

.. ماشي صداقة هالأيام والله !!

فضائل الايام العشر من ذي الحجة

السلام عليكم أخواتي الغاليات
ايام مباركة مقبله علينا ولها فضائل كثيرة

1 ـ أن الله تعالى اقسم بها في قوله تعالى : (( والفجر { 1 } و ليالٍ عشرٍ { 2 } )) سورة الفجر

2 ـ أن النبي صلى الله عليه وسلم شهد بانها افضل ايام الدنيا
3 ـ وانه حث فيها على العمل الصالح وامرنا فيها بكثرة التسبيح والتحميد والتهليل و التكبير

4 ـ فيها يوم عرفة وهو اليوم المشهود
5 ـ فيها الصيام والحج والاضحية
التوبة النصوح والاكثار من الاعمال الصالحة في هذه الايام المباركة

وتقبل الله منا ومنكم صالح الاعمال

جزاك الله خيرا
وبانتظار المزيد من الموضوعات المفيده

المشاركة الأصلية كتبت بواسطة @shosho@
جزاك الله خيرا
وبانتظار المزيد من الموضوعات المفيده

وانتي كذالك جزيتي كل خير وشكرا على المرور

فضل التكبير في هذه الايام

التكبير تعظيم للرب تعالى واعتقاد أنه لا شئ أكبر و لا أعظم منه,
فيصغر دون جلاله كل كبير شأنه في الدين عظيم, فهو شعار الصلاة والأذان والأعياد والنصر, وهو أحد الكلمات التي هي أفضل الكلام بعد القرآن, والمسلم يكبر الله عندما يكمل عدة الصيام ويكبر في الحج, وعند التعجب, وفي الأماكن العالية وهو مشروع
دائماً ولكنه يتأكد في أيام العشر ويجهر به …

* أتمنى إني جبت لكم معلومات جديدة تفيدكم *

الله اكبر ، الله اكبر ،الله أكبر لا اله الا الله ..والله اكبر الله اكبر ولله الحمد

الله واكبر … الله واكبر … الله واكبر … الله واكبر
جزااااج الله الف خير

الله اكبر ، الله اكبر ،الله أكبر لا اله الا الله ..والله اكبر الله اكبر ولله الحمد

يزاج الله خير الغاليه

الله اكبر الله اكبر الله اكبر لا اله الا الله
الله اكبر الله اكبر ولله الحمد

أول الايام أحسن حق بعدين؟

بنات شو رايكم في موضوع لنه المعرسة تسوي كل الحركات الي في خاطرها والفناتك في اول سنتين من الزواج
يعني اتخلي ريلها يشوفها بكل الاوضاع الحلوة وكل شي حلو( مثلا حركات الدلع او حركة لبس القميص الرجالي او اللعبات الرومنسية؟)
بحيث توصل لمرحلة انه ما في شي يديد يمكن تبهر به ريلها
هل هذا الشي زين ولا لأ
انا اقصد انه عقب بتحمل ومسؤولية وعيال ويترهل الجسم وبيي اليوم الي بتستحي اطلع مفاتنها لان في زوائد وهضاب وتضاريس غير مرغوب فيها
وسواء هالسبب او اي سبب يمنعها انها تلبس اي شي او تسوي اي حركة
هل تعتقدين انه الريال بيمل منها بعد ما شافها بكل الاحوال ؟
هل تعتقدين انه هالشي زين لانه بتملى عينه وبيشبع وماله داعي يشوف غيرهالانه شاف الزين كله عندها ؟
هل الريال بيصير عنده قناعة انه مافي احلى عن حرمته وبيغض النظر عن البنات الثانيات؟
شو رايكم ؟؟؟؟؟؟؟؟؟
؟؟؟؟؟؟؟
؟؟؟

بعدني انا مب معرسه لوووول بس بعدالحرمه مهما عندها من مسؤوليات لازم تهتم بعمرها اذا كان جسمج مترهل وجي سوي رياضه اشتراكي في جم+ سوي البيجي عشان يشد الجسم + حمام مغربي وهالاشياء

مادرى همممم
الحياه مشاغل تدرين
ماظن الحريم هالايام فاضيات حق كل هالحركات في فتره السنتين
بعدين الريال بيمل ؟؟! ما شي بقى حق ال 30 سنه اليايه
واما عن الجسم والترهلات والكرشه
ما يمنع الحرمه تتدلع لريلها وتخلي ثقتها بعمرها كبيره

واما عن غض النظر هذا امر يتعلق بالريال ودينه
حتى لو الحرمه ورت صبوعها شمع شرات ما يقولون
وهو يحب يطالع او يغازل ما بترده ولا اتروم تمنعه

حبيبتي كل وحده ولها اسلوب ومب شرط لحلات في الدلع وانج تسوين كل الحركات

لزوجج باول ايام الزواج خليكم باول الايام حركات عاديه وبسيطة وهو من الله بيكون ميت فيج

حتى لو ما سويتي شيء فالحركات والشموع ووووو
….

خليها حق بعدين عقب سنة سنتين وهذا مب يعني انج تحرمينه من اول ايام الزواج

لكن تعطينه بشوي شوي عشان ما يمل وطاقاتكم كلها تروح بالبداية

والشيء الثاني منو قالج ان البنت لو يابت عيال جسمها ترهل

شو هالنظرية مب شرط في وايدات متزوجات وجسمهن احلى من البنات

هذا يعتمد كله على البنت واهتمامها برشاقتها

واكيد الزوج لو يخاف ربه ويغض بصره وعنده قناعه داخليه

بيجوف زوجتة غزال

والباقيين سبلان

المهم انتي خليج اول الايام دلوعه ورومانسية وخليه هو الي يبدع ويطلع الحركات

وانتي يوم تتعودون وتمر السنين سوي الحركات الي تبعد الروتين

ربي يوفقج

هلا الغالية ..

انا من رايي اول شي شهر العسل اصلا حلو بكل مافي …

و بعدها الحرمه تبدع .. بس هب كل يوم .. يوم هادي وايد ومرتين في الاسبوع و المناسبات سبيشل …

و عندنا السوق و المراكز ينزلون كل يوم شي .. يعني الواحد له مجال يبدع ..

…… وسالفه الحنال و الكرشه… اشياء مهمه … لازم رياضه .. و الاكل الزين … لا تهملين بنفسج … انا الحمدالله من اول حمل ما فيني شي ولا جني حملت الحمدالله الكرشه لاصقه في الظهر لووووووووووووول..

بنات اهم شي دوم خلي يشم و ينظر للاشياء حلوه .. عسب في حياته ما يفكر في غيرج … الا بعض الريايل لو شو كانت الحرمه .. مادري ليش لازم يرمس يقهرون …

و السموحه

المشاركة الأصلية كتبت بواسطة dubai85
بعدني انا مب معرسه لوووول بس بعدالحرمه مهما عندها من مسؤوليات لازم تهتم بعمرها اذا كان جسمج مترهل وجي سوي رياضه اشتراكي في جم+ سوي البيجي عشان يشد الجسم + حمام مغربي وهالاشياء

الله يرزقج ويرزقني ويرزق بناتنا الريل الصالح أميـــــــــــــــــــن ( <—- من الخاطري )
ما اطري نفس الريال لكل البنات لووووول
بيتضاربن لول
الغلا انا ما اطري انها مب فاضية للحركات
انا اطري انها تشبع ريلها منها باول السنين
يعني ما تخلي شي ما تسويه
تتوقعين هالريال بيغض لانه شاف كل الحلا عند حرمته؟
يعني اتخليه يحس انه مافي بنت بتسوي الي حرمته سوت له اياه؟

تعرفين خليتوني افكر بموضوع ثاني
هل في فرق بين الريال الي شايف خير والي مب شايف؟
يعني
الريال الي عنده بيزات بتكون عنده قابلية الانحراف اكثر من الي ماعنده امكانيات ؟

المشاركة الأصلية كتبت بواسطة *كـراميل*
مادرى همممم
الحياه مشاغل تدرين
ماظن الحريم هالايام فاضيات حق كل هالحركات في فتره السنتين
بعدين الريال بيمل ؟؟! ما شي بقى حق ال 30 سنه اليايه
واما عن الجسم والترهلات والكرشه
ما يمنع الحرمه تتدلع لريلها وتخلي ثقتها بعمرها كبيره

واما عن غض النظر هذا امر يتعلق بالريال ودينه
حتى لو الحرمه ورت صبوعها شمع شرات ما يقولون
وهو يحب يطالع او يغازل ما بترده ولا اتروم تمنعه

ليش شوف يها فترة السنتين من بعد اعلرس؟
مشغولات ب شينوو وا مينو (عقولة ام علاوي )
وال30 سنة اليايه محد يعرف عنها وهي في علم الغيب
موضوع الحمال والترهلات كان مجرد مثال على سبب ممكن يمنعها انها تسوي فناتك وحركات
وموضوع غض البصر صدقتي فيه بس الحرمة الي قدرت تروض أسد عشان اتييب منه شعره عسب اتسوي عمل لريلها تقدر اتروض انسان مثلها اهم شي الصبر والتصميم ( اظني تعرفون القصة )

الي بتسافر تايلند هالايام ؟؟؟؟؟؟؟؟؟؟؟؟

بنات منو بتسافر تايلند هالايام انا كنت حاجزه على هالاربعاء بس اليوم الصبح لغيت خايفه من الوضع الي هناك ويايتني حالة اكتئاب خاطري اسير وهالوقت وايد يناسبني لو حد ساير ولا في بنات هناك يخبروني الوضع اوك ولا يخوف

الواحد مايخاطر اختي

وفي شهر 5 تراها وايد احلي ..

المطر + الفواكة رووووووووووووووعة

انا مسافرة تاريخ 6/5 والحينه مافي شي الامور طيبة ربي يحفظج ورحلة موفقة ان شاء الله

ما عرف نحن شراتج نبا نسافر بس خايفين

غيري الوجهه لماليزيا أحسن لج

المشاركة الأصلية كتبت بواسطة عروسة العين
انا مسافرة تاريخ 6/5 والحينه مافي شي الامور طيبة ربي يحفظج ورحلة موفقة ان شاء الله

ياختي اجلتها لتاريخ 6 انا وانت شكلنا بنكون ع طياره وحده عشان تعرفيني بشل ورده حمرااا خخخخخخخخخخخ بس الاوضاع تمت جي الصراحه اخاف بس خاطري ارووووووح يااارب تهدى الاوضاع

هههههههه حبيبتي مافي شي الامور طيبه هناك أصلا هذيله ناس كله ولا السياحه … سيري وانتي مطمنه كلهم سارو قالو مافي شي… رحله سعيده