سلام عليكم
بنات امس معلنين عن مول جديد بدبي اسمه دبي اوت لت مول
Dubai outlet mall
حد منكم سمع عنه او زاره؟
اللي تعرفه ياليت تقولي اذا يستاهل السيره له وشاللي فيه شي مميز وحلو يستاهل
هو له موقع على الانترنت وهو
وسلامتكم 
أذكر اني قاريه عنه من زمان ف الجريده بتكون فيه واايد محلات للماركات العالميه المعروفه كانوا كاتبين اسماء كل المحلات اللي بيفتحونها فيه بس اسعارها راح اتكون واايد ارخص عنها ف المراكز الثانيه(أقصد ارخص بواايد عنها ف بوتيك الماركه نفسه) ليش ؟؟ الله اعلم
بالإضافه للمحلات المألوفه عندنا ها اللي اذكره إن ماكنت غلطانه
انا آخر مره شفته بعده ماخلصوه .. يعني من شهر تقريبا
عاد دبي تسويها تخلصه فهالمده وتفتحه ..
عاد انا الله يسلمكم رحت الاوت لت مول اللي في طريق دبي العين الاسبوع اللي طاف بس بعدهم ماكانوا فاتحين كل المحلات يعني كانوا فاتحين الدو – زارا – الاميرة للعبايات – اديداس – ايليت – وكم محل سخيف مايسوى تروحيله الحين الا اذا تترين تفتح المحلات كلها وما فيها اصلا الماركات المعروفة اللي الكل قاعد ينتظرها ، بس انا سألت عن الماركات قالولي بيفتح محل كبير مثل باريس غاليري وبتنباع الماركات فيها بس والله الواحد يشك فيهم يعني انا عن نفسي ماشتري الماركات العالمية من ياريس غاليري لان معظمها تقلييييييييد وصديقتي اشترت من عندهم شنطة (ماذكر اي ماركة ) وخاست شوي ويوم سافرت فرنسا خذتها للمحل الاصلي قالولها شنطتج مب اصلية وكانت صدمة عمرها في محل باريس غاليري
جزاكم الله خير
امس كان نازل اعلان كبير له بجريده الخليج من جذيه اسال عنه
أمس ماره من هناك شكله بعده يباله أسبوع تقريبا وشكله كبير وايد
كل الاغراض بسعر المصنع بيبيعونهن
