بنات شو رايكم في المستشفى الامريكي اللي في دبي؟؟؟؟ قصدي من ناحية الفحوصات… الاسعار… التعامل… الاستشاريين؟؟
ابا اسوي فحوصات بس مب عارفة اسيرله و الا ادور غيره
هلا اختي..
عن نفسي انا مفكره اسوي فحص شامل عندهم
اتصلت فيهم و قالوا لي ان الفحوصات تاخذ 3 ساعات تقريبا
لازم اكون مب ماكله شي و اكون في سابع يوم عقب الدوره
و الفحص ب1600 درهم
اللي اعرفه انهم ممتازيييييين جدا … و نحن أغلب الاوقات علاجنا هناك
إحتي المستشفى الامريكي مستشفى تجاري لا في عنايه ولا فيه اهتمام بس مال بيزات وعلي فكره عليه وايد قضايه في المحكمه وهدا الكلام عن تجربه
انا كنت حاطه هذا الموضوع قبلج بقولج شي المستشفى الامريكى انا تم تحويلي من مستشفى زايد العسكري ع اساس انى اتعلاج عندهم وما كنت اعرف عنه هالمستشفى اي شي وسالت بنات المنتدى عنه فيه لي مدحه وفي لي ذمه لكن انا رحت المستشفى نفس ما ارسلونى له سويت كل الفحوصات الازمه ليه وتحدد موعد العمليه وكل شي بس عقب عقب قالت الدكتوره مااقدار اسويلج شي روحى مستشفى يكون اكثر متخصص تفجاءت فيها صدمتنى تميت اصيح واصيح لانها رفضت تسوي العمليه ليش عقب كل الفحوصات لي سويتها الفلوس لي تدفعها الدوله عليها صدق انه تجاري تجاري درجه الاولي ليش من قبل ما تقول انها ما تقدر تسوي العمليه ليش كل يوم تسحبنىمن العين الى دبي ليش تاخذ فلوس صح انا مااادفع لانه ع حساب الدوله لكن بعد خساير ع الفاضى المهم تنزعت وياها وقلتها كتبي لي تقرير بحاله وانى اجتاج مستشفى افضل من هذا ويكون فيه دكاتره متخصصين احسن عندج خخخخخخخ نذله انا المهم ما قصرت كتبت الكتاب التقرير وخذته ورجعت للجنه والحمد الله حصلت الدكتور لي احسن عنهم تعالجت وسويت العمليه لي كنت بروح فيها الله رب العالمين من اسبوع بس طلعت من العمليات وصحتيه بخير وعافيه مع انها كانت تقول انه النسبه النجاح 30 % كله طلع خريط … بس يبون فلوس فلوس ا لناس الحين ما فيه غير كيف انهم يربحون من وراء هالفقير لا حول ا لله ولا قوه الحمد الله ع كل شي اختى اذا تبين تسوين فحوصات سويها اكثر من مستشفى احسن لج عشان تتاكدين اكثر انا سويت الفحوصات في تليندا وبعدين رجعت هنى وعندي التقرير الحمد الله انى قدرات اوصل للحل لي سوى لي العمليه طلع كلامه نفس كلام الدكتور لي في تليند بدون ما يدرى عن التقرير شي بس لي في مستشفى الامريكى قالت كلام غير وماله خص ابد بقرير يعنى ما عندها غير الماده ……… المهم ما بطول عليج الغاليه انااقولج الاستخاره ثم الاستخاره عشان ما تم تقولج فيج وفيج تحياتى لج …..
المشاركة الأصلية كتبت بواسطة ماما فاطمة 
مشكورة الغالية على ردج اللي طمني و الله اني كنت حاسة ما ادري ليش ؟؟؟
الله يسلمج انا فيني الشقيقة و هذا عادي …لكن اللي مب عادي من فترة شهرين تقريبا" بدا يتغير عندي شكل الجمجمة و صار فيها انحناء داخلي من الوسط ..طبعا رحت مستشفيات العين محد عطاني لا حق و لا باطل..فقلت بجرب مستشفيات دبي و على فكرة كنت مسوية في تايلند من تقريبا 6 شهور فحوصات عن الشقيقة من اشعات و غيره قال الدكتور كل شي عادي الحمد لله ..شكلي يا اما اروح المستشفى الايراني يا برد تايلند مرة ثانية…شو رايكم؟؟؟
الغاليه ما انصحج.. المستشفى بالدكاتره اللي فيه وكلهم مب شي.. العسكري احسن بوايد.. واذا تبين نصيحتي سيري ماليزيا (احسن عن تايلاند في هالامور) وسوي جوله سياحيه وتشييك كاااامل
