مرحبا خواتي
اليوم راح اسجل انشالله في الجامعة الامريكية في الامارات موجودة في دبي نظام الويكند المكثف اللي درس فيها قبل ممكن اقدر اتواصل وياه
وتسلمون جميعا
كيف نظامه خبرينا
للرفع
هلا اختي، كيف نظام الويكند؟؟ انتي قصدج للماجستير اذا هيه اتواصلي معاي عل الخاص حبيبتي
للرفع
هلااا خواتي
طرحت موضوع بنفس القسم عن الجامعات اللي ممكن ألقاها في ديرة بحكم ان دوامي هناك
ولكن !!
محد سوالي سالفه هههههههه مب مشكله ياريت اللي عندها فكرة لهالموضوع تفيدني لاتطنشون 💔
الغاليات انا دوامي في ديرة بس بيتي في بر دبي البرشاء عندي بنتي رضيعه أشلها معاي في حضانه الدوام
ابيكم تشورون علي !! هل ادخل جامعه جريبه ع دوامي في ديرة !؟
دوامي بيعطوني ساعتين خروج دراسي فكرت اخلي بنتي تكمل بالحضانه لين انا اخلص من الدراسه وارجع اشلها لكن اخاف وقت العصر او المساء مايمديلي ويكون الطريج زحمة ع مكان الدوام
المهم شاورت ريلي قال ليش ! ادخلي جامعه تكون جريب البيت يعني في بر دبي جريب البرشاء ،
قال طلعي من الدوام خروج دراسي وشلي بنتج ييبيها وياج لين توصلين البيت بتصير الساعه 1 حطي البنت في البيت مع الخدامه وطلعي عالجامعه وبنتي عقب اخوانها يرجعون من المدرسه عالساعه 2 بيوصلون وبيقعدون معاها وانتي خلصي الجامعه ورجعي البيت وانتهى الموضوع
الحين محتارة وبليييز ساعدوني شو الافضل !؟
خصوصا ً اخاف ع بنتي من الخدامه ولاتقولون اخليها عند اهلي لأن اهلي بعيد عني في اماره ثانيه
مع ان بنتي مابتقعد مع الخدامه وايد لأن طول فترة دوامي بتكون معاي بالحضانه بس بردها البيت قبل لاروح الجامعه
وبنفس الوقت قلت حزتها بركب كيمرات في البيت وبنتي كلها سنتين وبتدخل الروضه ان شاء الله
فإنتو شو تشورون علي ! ايهما افضل لي !
وهل الجامعه الامريكيه هي في منطقه الصفوح ولا وين بالظبط !
هل بتكون جريبه عالبرشاء لأني بعدني ماستقريت بصراحة ع جامعه معينه !؟
شو مميزات الجامعه !؟ وشو الدكاتره هل مشددين وهل الدراسه كلها مثل ماسمعت انها بالانجليزي انا ابي تخصص عام يعني بكالريوس ادارة اعمال
وهل فعلااً هالتخصص ممكن ادخل فيه اي ادارة في دوامنا يعني اقصد في اي مجال اقدر اشتغل بهالشهادة !؟
بلييييز لاتطنشوني
وشكرااً
آسفه طولت عليكم لكن لازم اشرح وضعي بالتفصيل عشان ألقى الإفااادة 😍
الله يوفقج الغالية حياتي توأمي .. ماعندي فكرة عن جامعات دبي يالغالية انا من الشارجة ..
بس تقدرين تتصلين للجامعات وتكلمين القبول والتسجيل عشان تستفسرين ع راحتج ولو تروحين لهم انا اقول احسن واااايد لانج بتتكلمين مع المسؤولين وبتاخذين فكرة عن الجامعة الي بتدرسين فيها ..
موفقة ياااارب و يارب بنات دبي يفيدونج حبيبتي
اشجعج وبشده على اتخاذ هاي الخطوة انج بتكملين دراستج… ربي يوفقج وخاصة انج ام … انا لأني ام فكرت نفس تفكيرج مابي اخلي اليهال وايد وانا بعد من البرشاء ففكرت في جامعه حمدان لأن فيها كورسات اون لاين وفكرت في جامعتي الحالية synergy … بهعد تفكير طويل قررت ادخل جامعتي لانها 4 حصص في الشهر وحصة اون لاين والامتحانات والواجبات كلها اون لاين "هذا نظام الماجستير" البكالريوس الحضور أكثر .. لو انا منج بروح حمدان اولا الجامعه قوية وفي البداية حضور سنتين وعندج حصص اون لاين بعدين يعني ما بتغيبين عن عيالج الا فترة …
المشاركة الأصلية كتبت بواسطة znoOoOb 
تسلمين عالرد الغالية، بصراحه جامعتج وايد اوكي 4 حصص في الشهر ياليت وينها عني هالجامعه ههههه
ياليت اختي لو تخبريني عنها وهل معترف فيها في التعليم العالي !؟
وشو الفرق بين البكالاريوس وبين الماجستير وهل شيء اقوى عن شيء ؟!
ادري سؤالي غبي بس والله مافهم أبد بهالأمور
ياريت تعطيني تفاصيل اكثر عن هالجامعة اختي ويزاج الله خير
أختي، البكالريوس هي أول مرحلة دراسية فالجامعة
تدرسينها وعقب تتخرجين مثلاً تخصصتي إدارة أعمال تتخرجين بكالريوس إدارة أعمال
وعقبها لوحبيتي تكملين دراسة أكثر بتدرسين الماجستير وتتخرجين مرة ثانية
حبيباتي شخباركم
شو رايكم بالمدرسة العالمية الامريكية بالفستيفال سيتي دبي
بسجل ولدي KG1 شو رايكم بمستوى المدرسة والادارة والمدرسات بليز خواتي الي عندها اي معلومة
لاتبخل علي
موفجات جميعا
ااااااااااااب….
أنا بعد بغيت أسأل عن نفس المدرسه…up
قبل يومين زوجة حماي تسولف عنها
تقولي انها تبي تسجل عيالها فيها, الكبير مطلعته من الويس جرين.
قالت انه المدرسه وايد ممتازه من كل النواحي. غير جذي ما اعرف
ه
حبيت أسأل عن مدرسة الأمريكية الدولية إله في القصيص شو رايكم فيها في حد أمودي عيالها هناك
خواتي اتريا ردودكم
بصراحه ما يمدحونها واختى حاطه عيالهاالاربعه فيها عنده بالكيجى والاعداديه والابتدائيه تقول صعبه والمدرسه فيها تسيب واستهتار وما فيها نظام واختى بطلع عيالها السنه منها .
مشكورة عزيزتي على النصيحة
اسمحي لي آنسه ميره لكن من وجهة نظري ما انصحج فيها , لأنها – و على حسب علمي – مختلطه , و الجامعات وايد بالإمارات و اختاري اي جامعه او معهد منفصل
الله يكتب لك كل خير يارب
السلام عليكم بنات
مبروك عليكم شهر رمضان والله يعوده علينا وعليكم بكل صحه وعافيه طولة العمر 
فديتكم بنات .. اباكم تخبروني معلومات عن جامعة الامريكية في دبي
كل شي تعرفونه ممكن يفيدني لاني ناويه ادرس اكمل دراستي .
انا خريجة قديمه لكني اريد اكمل دراستي العلية
وياليت لو تخبروني عن تكاليف الدراسة بالتفصيل … المواد والكتب والخ
والاجواء .. والدراسة سهله ولا صعبه ولا مشددة وايد ..
انجليزيتي لاباس فيها وامشي الحال ..
وشو الشروط المطلوبة .. وعدد السنوات .. بليز فديتكم لا تبخلون عليه 
والسمووووحه من الجميع وربي يوفقكم ويسعدكم
اختكم 
؟؟؟؟؟؟؟؟؟
حسبي الله ﻻ اله اﻻ هو عليه توكلت وهو رب العرش العظيم ♡
الله يوفقج يارب
الى اعرفه ان أمريكية الشارجة اقوى ههههه
و الى اعرفه بعد ان الجامعتين يبالهم انجليزية توب و يطلبون التوفل + تكاليف الدراسة و التخصصات تتغير كل سنة و يفضل تراجعين الجامعة عن المواد و التكاليف + او موقعهم
هيه اقوى … بس انا افضل في اماراتي
شكرا لج عزيزتي ماقصرتي
مرحبا بنات .
محتاجه مساعده منكم ..
منو تعرف وين اقدر احصل منحه دراسية ل جامعه دبي الامريكيه عالسمستر الثاني ..
هيئة .. وزارة .. شركة أي شي .. ومب مهم وين حتى لو بوظبي..
ياليت الي اتعرف اتخبرني
للرفع
للرفع
للرفع
انا ابا اشتري كرمتن جوتي من الانترنت بس المشكله اني ما اعرف القياس بالضبط …..
و كل ما اسير محل البس قياس غير ,,يعني قياسي مب واحد ….
فا ابغي امكان او محل عنده اللوحه تبع القياسات ؟؟؟؟ ( اللي اتحطين ريلج عليها )
رفع رفع رفع
محل بيبلوس عندهم
وين هذا بيبلوس ؟؟؟؟؟
ما اعرف والله
ان شاء الله الباجيات يعرفون
خواتي تعالوا نتكلم عن مدرسة الشارقة الامريكية مميزاتها وعيوبها ؟ نظامها ؟ التعامل مع الاطفال ؟ الواجبات ؟ المدرسات ؟ الانشطر ؟ الرحلات ؟
كل شي حتى نتبادل المعلومات ونتساعد على اختيار المدرسة الزينة لعيالنا
وهك التسجيل راح يبتدي عندهم شهر 3 فخلونا نسلعد بعضنا واللي عنده معلومة لايبخل علينا وفي ميزان حسناتكم انشاء الله
للرفـع
للــــــــــرفــــــــــع
للرفع
الايجابيات:
وجود بعض المدرسات الكفوءات المتعاونات مع الطلبه والأهالي.
الاهتمام الكبير في تدريس اللغة الانجليزيه..وتدرس اللغة
الفرنسيه ايضا لكنها اختياريه.
توفر المواصلات((مع النقص في عدد الباصات))
لذا يجب ان تسجل قبل الآخرين لتوفر المواصلات لأبنك.
توفر الانشطة والرحلات ودروس التقويه.
السلبيات:
عصبية بعض المدرسات وعدم تعاونهن مع الأهالي
والبعض منهن متعاونات بشكل جيد.
الواجبات والمذاكره اليوميه الكثيره في اليوم الواحد مع عدم مراعاة
الأهالي واتعابهم((الطالب له اخوان ويحتاجون لمتابعة ايضا)).
عدم توفر الباصات بشكل منتظم((النقص في عدد الباصات)).
اوقات اجازة الربيع لا تتماشى مع المدارس الأخرى.
شكرا على الرد واتمنى المزيد
للرفع
منوه مسجلة عيالها فيها وكيف تدريسهم اللي عندها معلومات كافية تخبرني
ترى هيه اللي مقابلة مصنع البيسيس في ابوظبي