مابطول عليكم خواتي بدش فالموضوع على طول،،
السالفة ومافيها ان اختي من العام تدرس فكلية التقنية وكانت درجاتها كلها أوكي فالفصل الأول بس من دشت الفصل الثاني كانت تعاني فالماث ومن فتره كان عندها اعاده فهالمادة ورسبت.. المشكلة الحين اختي بيفصلونها من الكلية والله حرااااام هم ليش جي؟؟؟ حتى مايعطون الواحد فرصة ثانية ؟!! المهم نحن رمسنا المسؤولين فالكلية وخبرونا انها لازم تكتب رسالة استرحام وترفعها للمدير على امل انها ترد تدرس فالكلية مرة ثانية..
المشكلة هالرسالة بتروح للمدير.. يعني لازم صيغتها تكون رسمية جدا وبالانجلش.. والمهلة اللي محدديلنا اياها هي باااجر!!!!
دخيلكم خواااااتي اللي ترووم تساعدهاا يزاهااا لله خير
فانتظااار ردودكم
ان شاء الله البناات يساعدونج صرااحه كلية التقنيه لووعة جبد انا كنت هنااك ووقفوني والحين بسير جامعة العين الخاصه ..
غــ مرحوم ـلا
صدقج والله الكلية لوعة جبد ومذلة بس شنسوي..
مشكوره فديتج عالرد والله يوفقج ان شاء الله
السموحه آختيه مآروم آفيدج . . وان شاءالله الخوآت مآ بيقصرن ..
ضي الروح
تسلمين فديتج عالرد وان شاء الله البنات يردون علي
تعرفين اختي اكتبي اعذاار اختج ليش درجاتها نزلت
لو مثلا صادفتكم ظروف او مرضت شي جيه وهاتو وياه اوراق وجيه
بيمشون ويا هاي الاعذار ع ما اظن
بس كليات التقنيه كل حد يشتكي من هالشي منها
أنا بعد درست وقفوني … يبت في مادتين 64 و65 والله ظلم بس هم قالوا أن نسبة نجاج 60 ….