انا متزوجه بس حبيت اجاوب على الاسأله يمكن الخبره تفيد خخخخخخخخخخخخخخ
1- هل ترفضينة لأنه لا يصلى ؟
نعم
برفضه اهم شي الصلاه والله يهديه"والحمد لله"
2 – هل ترفضينة لأنه يدخن ؟
نعم
برفضه اهم شي الصحه شو اباه فيه اذا كان مريض او صدره او قلبه يعوره بسبت التدخين "والحمد لله"
3 – هل ترفضينة لأنه يعاكس الفتيات ؟
نعم برفضه
بس يمكن الله يهديه على يديني ويخاف الله في حرمته وعياله "الله يبعد بنات الحرام عن بعلي العزيز""والحمد لله"
4 – هل ترفضينة لأنه بخيل ؟
نعم
كيف بيصرف علي وعلى عياله بس يمكن حريص على بيزاته خخخخ "الحمد لله"
5 – هل ترفضينة لأنه مهزوز الشخصية ؟
نعم
يمكن تكون شخصيته "مب هب ريح" ابا ريال راعي فزعات وله كلمه وموقف مو شخصيته مييح مب شي
"والحمد لله"
6 – هل ترفضينة لأنه لايعمل ؟
نعم
كيف بيصرف علينا بييلس عاله علي ما اباه "والحمد لله"
7 – هل ترفضينة لأنه سيسكن مع أهله ؟
لا
ما ارفض بصراحة احب اسكن مع اهله وانا ساكنه مع اهله "والحمد لله"
8 – هل ترفضينة لأنه فقير ؟
لا
الغنى والفقر من عند الله "والحمد لله"
9- هل ترفضينة لأنه يتلفظ بألفاظ سيئة ؟
نعم
برفضه ما احب احد يقول كلام مب حلو وحسن الخلق مطلوبه بالريال "والحمد لله"
10 – هل ترفضينة لأنه مريض ؟
على حسب المرض اللي هو فيه والله يعطيه العافيه والصحه دوووم "والحمد لله"
11 – هل ترفضينة لأنه عصبى المزاج ؟
نعم
سؤال صعب بس على حسب "والحمد لله"
12- هل ترفضينة لأنه لايهتم بمظهرة ونظافتة ؟
نعم
برفضه ما ابا واحد وصخ " احترامي لكن" "والحمد لله"
13 – هل ترفضينة لأنه سمين أو نحيف (المظهر) ؟
لا
بس اذا متين واااااايد برفضه عاد انا عود "ضعيفه " "الحمدلله"
14 – هل ترفضينه لأنه يعانى من إعاقة ؟ (( شلل أطفال مثلاً أو لا يسمع أو لا يتكلم ))
على حسب الاعاقه الله يعافي زوجي يارب العالمين "والحمد لله"
15- هل ترفضينه لإختلاف اللون ؟
نعم
طبعاً ارفض "والحمد لله"
16 – هل ترفضينه لنسبه ؟
نعم
اهم شي النسب "والحمدلله"
17 – هل ترفضينه لو إشترط عليك عدم إكمال الدراسة أو العمل ؟
نعم
عادي اذا قادر يصرف علي وعلى عياله "والحمدلله"
18 – هل ترفضينه لأن والدته متسلطة ؟
لا
لاني بتزوجه هو مب امه وبالمعامله الطيبه تلين امه وتصير زينه ان شاء الله "الحمدلله"
19 – هل ترفضينه لأنك ترينه أخ لك ؟ (( إبن العم – إبن الخال مثلاً ))
لا
ما ارفضه سؤال صعب الله يخلي ابو لعيال يارب العالمين "والحمدلله" اشوفه زوجي وبس لانه ما يقربلي
20 – هل ترفضينه لأنه غيور ؟
نعم
احبه يغار علي بس صاير بالعكس انا اللي اغار
"الحمدلله"