السلاام عليكن
اشحالكن امهات؟!!
بغيت اتخبركن!!!
الحينه ولديه من هو صغير وكل ما يصيح يقولون لي عطيه ادول يمكن شئ يعوره!!
مثل ما نعرف الياهل اما يصيح من الغازات والمغص او متضايق من المامبرز او حران.. …
يوم يصيح يقولون لي : عطيه ادول يمكن شئ يعوره ..
شو رايكن في هالمعلوومه؟؟ كل ما يصيح الياهل ومتضايق وما يطيع ينام سيده ادول ..
بس تبن الصراحه يوم اعطيه الادول يسكت..
بس ها دوا وكيد له مضار.. انتن شو رايكن!!
الادول مسكن للآآلاام ..
اعطيه ولدي اذا كان مريض بس..
شكلج بتعودين ولدج عليه .. حآولي تعطينه اعشاااب
لا حراااااااااااااااام لاتعودينه من الحين ع الادويه
عقب بيتعود عليه
عطيه ادول اذا حسيتي انه مريض
مثل في حمى او زجمه
بس اذا غازات او شي ثاني لا تعطينه ادول لانه تسكن الألم بس ،،
حق الغازات ممكن ماي غريب واايد زين اشووفهم يعطوونه الصغاريه والكل يمدحه والدكتور واصفلهم اياه
انا يوم طعمت بنتي ما عطيتها ادول كيف وهي مافيها شي ..
الياهل يوم يصيح ما يبا ادول .. عطيه ينسون .. وسويله مساج (بزيت الزيتون+فكس اطفال)
وخليه يطيح على بطنه .. صدقيني بيرتاح .. لكن الادول بيسكنله الالم فتره وبعدين !!!!!
ولا تعطينه ماي غريبب او انفاكول لانهن يضرن ..
ولا تعطين ولدج ادول إلا باستشارة الدكتور .. وإلا الناس ما يعرفون
زين جم عمره ؟؟؟؟
مب زين جيه تعودينه عل الادويه انا ولدي عمره 3 سنوات الدكتور يقول لي يوم اتييه الحمى اخر شي تعطيه له هوه الدول اذا طلعت درجة حرارته فوق ال39 وقال انه الحمى عباره عن مقاومه الجسم للمرض فليش تمنعين الجسم بمقاومة طبيعيه ….بها الطريقه بيتعود جسمه عل الدول وما بيقدر يقادوم المرض ترا
الادول بس للحمى والالم المصاحب له مب لشي ثاني لا تعطين ولدج ادويه حاولي قد ما تقدرين التقليل من الدويه
الغالية لا تعودين البيبي على الأدوية،، مب زين..
بعده صغير على هالشيء..
أنا بنتي وااايد تصيح .. بين فترة و فترة أحط زيت زيتون على جسمها و أسويلها مساج و عقب أسبحها
ومرات أسبحها في ماي داافي يمو اتم تصيح الين تهدأ شوي
ومرات أعطيها انفاكول أو يانسون حق الغازات
بس ادول أحس قوي