الوسم: الاخير

بس حبيت اشوف ارائكن وجهه نظركن بس للحين اني مامصدقه انه في ناس جذيه يسوون ويقولون لعمارهم …ويتمنون لنفسهم والله اعلم به….بس هذا المكشوف والي باين لنا..

في وحده ربيعتيه من ايام المدرسه الثانويه كانت تحب واحد مو من عيلتهم من معارف ابوها وتطورت علاقتهم من يوم هم صغار لين ماكبرواوكانت هي ما تعرفهم زين الا من كبرت وكانوا مثل الاهل مع بعضهم البعض المهم هاي ربيعتي حبت اخو هالريال الي يعرفه ابوها وهو من سنها المهم خبرت بنت عمه هالولد انها تميل له ولمن تشوفه ترتاح وتسرح بخيالها بس تحبه من طرف وشو سوت بنت عمه

خبرت الولد انه فلانه تحبك والخ…. المهم هالولد قال نفس الشي اهو يبادلها الشعور نفسه مع انهم كانوا فالثانويه وراحت وخبرت ربيعتيه ع كلام الولد واستحت ربيعتي واايد وماكانت متوقعه هالشي من بنت عمه المهم تموا يطرشو سلام لبعض مع الوسيطه وصارت واسطه بينهم وبدا اول شي بالرسايل كتابيه وماكان عندهم موبايلات وتطورات اكثر وصار بينهم اتصالات من البيت وتعلجو ببعض اكثر وخلصوا الدراسه هو دش الكليه وهي كانت عندها امتحانات وفجاه ابوها يقول لهم بان فاتوره التلفون جات عاليه واايد ويبون يعرفون من الي يتصل ولمن هالمكالمات راح وطلع الفواتير

والمكالمات المتصل بها واكتشف انه المكالمات من بيت فلان…… زين السؤال من الي يتصل كلهم اخوانها وجهوا الاجابه لربيعتي واعترفت انها تتصل لبيعتها الي هم اخوات الولد وراح ولدها واتصل فيهم وساعدتها اخته وبنت عمه لانهن كانن يعرفن بالعلاقه الي بينهم المهم بعدها البنت خلصت امتحانات وعدت الاساله ع خير ونسوا السالفه .. بس شو الي صار بين ربيعتي والولد ……

انقطعت علاقتهم لانه خاف وقال ما نقدر نستمر وخلينا بعيد احسن وهو واعدنها بالزواج ويكونوا لبعض وصح نسيت اقولكم انهم من قريه غير قريتهم وماكانوا يتلاقوا الا بالسنه مره تقريبا وحتى لمن يتلاقوا ما يكلموا بعض بس السلام عليكم ….

وتموا تقريبا سنه وشي مابينهم شي … بس كل شخص حامل بقلبه حب واخلاص لثاني …

وكانت ربيعتي وايد تحلم فيه ومتى بيجي يطلب ايدها من اهلها..

وبعد هالسنه صار عندهم موبايلات وتموا بينهم مسجات فقط بين فتره وفتره ….

لين ماخلص هو الكليه وهيه صح وقبل لا يخلص الكليه انقطعوا مره ثانيه ما لسبب بس كونهم خايفانين من ان احد يكشفهم وجلس سنتين يدور تقريبا ع عمل ومن حصل شغل قال لربيعتيه انه يبي يقولها شي وهي كانت تشتغل بعد واتفقوا انهم يتلاقوا مكان معين عشان يخبرها بالي يريد يقوله بس ربيعتي قالت لا اسفه اذا تريد تقول شي قوله هالحين مابنتلاقى مكان بعدين افكر اذ يستحق او لا ؟؟

المهم الريال جال لها بالمسجات طبعا …..شوووو بتنصدموون؟؟؟

انه مايقدر يتزوجـها لييييــــــــــــــش..؟؟!! لا هي ولا غيرها ليــــــــــش ..!!

انصدمت ربيعتي وقف قلبها جلست تمسج معاه تبي تعرف ليش..

سالته ليش !!…؟؟؟؟ قال لها؟!! شوو تتوقعوون….

ما اقدر اكتبه حتى انا …..قال لها:. انه ما يقدر يـ……….ر فهمتوا

وهالشي اكتشفه وراح يتعالج بدون علم اهله…

وقال لها مايبي احد يعرف من هله…. هذا سر بينهم

المهم الاطباء قالوا له مافي امل ابداااا ولو قليل

قالت له :: ابيك حتى ولو ماتجيب عيال.. قال لها مستحيل اظلمج واظلم اي بنت معااي

واني ماراح اتزوج لا انتي ولا غيرج وراح تشوفي هالشي بنفسج واني ما اجذب عليك وحتى بسوي لنفسي ديوون عشان اقنع هلي اني ما اريد اتزوج….

تصدقوون هالشي بنات انا من خبرتني ربيعتي ما توقعت ان في شباب كذا قلت لها هذا يجص عليك وما يبيج ويبي يتخلص منج ومب عارف كيف ؟؟؟

قالت لا يتكلم جد وقال لها: الله يوفجك ويرزقج بولد الحلال الي بيسعدج بدالي …

يقول لها انا ما اقدر اعطيج كل شي انتي تبينه اذ تزوجنا صح بعطيج حب وحنان بس شي مهم فالحياه الزوجيه ما اقدر اوفيه لج …

واهي تحاول معاه انه يتعالج ومايياس ابد بس هو يقول انا دورت علاج وما لقيت حل لانه مافي امل…

وانصدمت كثيييير تقول كل ها 6سنوات حب واخلاص وفاء وانتظار فالاخير راح كل شي واتبخر

وتمت اتصيح لي وتصيح تعبت حييييل …

بس طلب منها طلب انه يكونوا اخوه واصدقاء فقط ..

واهي رفضت هالشي لانها تحبه وتبيه يكون لي يكون فيه بس قالت له اذا ماتبيني كزوجه مابي صداقه ولا اخووه ولا شي منك…

وتصدقون بعد شو قال لها:. ان في شخص من عيلتهم ولد خاله يحب ربيعتي واعترف هالشي له لانه صديقه وولد خاله مايعرف انه يحب نفس البنت الي يحبها ويريد يتوسط له عشان يخطبها ويريد يخبر خواته عشان يكلمون ربيعتي بس هي قالت مابي اي شخص بعدك وبعد فوق هذا جايب لي خطيب بدالك شو قالو لك انا ادور ع خطاطيب او شباب اتسلى ويااهم لا والف اتقبل ولد خالك وقالت له ليش ماخبرته انه تحبني قال مااقدر اقوله ولاني خلاص ماقدر اتزوج ما حبيت امنعك من اختيار الشخص الي تبيه لنفسج وهذا رايك ونصيبج وما بوقف بطريجك من الآن وقالت له :. ما احسن بعد تعطيه رقمي بالمره عشان يتواصل معاي قال لها :. اذ يبيج خليه يتعب مثل ماتعبنا احنا..

مرات تقول لي انه تحس انه يحبها ومرات تحس انه كذاااااب بكل شي…

وتم ويااها لين تهداء هذيك الايام وبعدها تركها بس بين كل عيد يرسل مسجات وطبعا لمن يروحوا يزوروهم فقريتهم ما تشوفه واذ شافته ماتسلم عليه….

وللحين ما عارفه نفسها هل هو فعلا كان يحبها ولا كان يتسلى ودايم تذكره وتدعي له بانه يتوفق ومرات تقول لا الله لا يوفقه يكذب علي بس تحبه للحين ؟؟

مرات تقوم ترسل له مسجات وهو مايرد عليها … بعدين تعذر بالشغل…
اقولها انسيه ولا كانه صار شي بينكم تقول لا هذي اكثر من 6 سنين حب وانتظار فالاخير تبخر كل شي ..

لين انخطبت وبعدها تقول انها تفكر فيه وتحبه..؟

فهل تصدقوون هالقصه والي صار مع ربيعتي ؟؟ احسه كذب ومعظم الشباب يكذبوون ويبون يتخلصون من يملوون ؟؟؟هل يستحق كل هذا الحب ؟؟والانتظار الي كانوا ينتظرو فيه اليوم الي بيجمعهم فيه ؟؟

حد بالهالناس يتمنى لنفسه المرض الذي لا شفاء منه؟؟ الله يمهل ولا يهمل

ادعوا معاي بان ربيعتي ينسى الانسان الي حبته وشو اقول لها لاني تعبت وياها ؟؟ بصراحه..

واسمحولي طولت وياااكم