الوسم: الاختلاط

بنات بدش بالموضوع ع طول وابا القى حل مقنع قبل لا ادمر نفسي بنفسي
انا متزوجة وعندي بنوته عمرها سنه ونص .. صارلي مدة تقريبا اتيني افكار
تخليني افكر واقول مايهمني اذاانفصلت عن ريلي وبعيش حياتي معاه ولا بدونه..

ريلي باختصار عاداتهم عادي يختلطون ويسلمون ع بعض بالايد اقصد شباب وبنات ..
نبهته ع هالشي من اول ماعرسنا والحمدلله ودر هالعادة بس من بعيد يسلم ع بنات عمه وعمته ..

صارلي فترة ساكنه ف بيت اهلي بغرفة وريلي معايه بسبب ظروف العمل .." مع انه ريلي عنده سكن للشباب فقط مش للعوائل "
ومن هالوقت بديت افكر واهلوس لاني عارفة هالشي غلط وريلي مطيح الميانه ويا خواتي سوالف
ولدرجه مره كنا يالسين ف غرفة اختي ريلي اتلحف بلحافها اهني تميت منقهره وسويتله
سالفة .. وقبل هالسالفة بفترة طويلة قال انه حلمان انه متزوجنها وقال لاتزعلين الا هو حلم

بنات افهموني بليز مابه اكلمه واقول لا تروح تقعد وتسولف مع خواتي لانه احس اذا كلمته بفتح عيونه حتى لو هو مايفكر بشي ثاني .. انا حاليا صارلي اسبوع لا اكلمه ولا ايي صوبه بسبة هالموضوع مع اني لا كلمته ولا صارحته ليش انا منقهره منه ! بس نفسي عايفته كلشش

ولا اقدر اكلم اختي بخصوص هالموضوع

مادري بنات هاي غيرة ولا وسواس ولا ولا …

مادري فهمتوني وحسيتو فيه

والدليل ان مطيح الحيا أن وصل للشبرية لا وتلحف بعد..

افتحي عينج عدل وخلي لكل شخص حد للتعامل

اصلا من نفسه المفروض ما ييلس

ناقصين بلاوي نحن ؟؟

قوليله ترضى ادش حجره اخوك واتلحف بلحافه

بيسكت وبيعرف انه هالشي غلط تثير غيرة اي انسان طبيعي

اطلعو لا تموون دوم فالبيت اذا ريلج اجازة

مابي أخوفج ولكن سمعت انه في بعض الأحلام تستوي من خلال حديث النفس .. يعني ديري بالج

بسألج بالله عليج كيف ترضين تقعدين مع ريلج في بيت أهلج بنفس الفيلا ! ! الا اذا كان عندهم ملحق خارجي اوكي .. أبصم لج بالعشر لا أهلج مرتاحين ولا حتى انتوا ؟؟ وكيف تخلين ريلج يسرح ويمرح فالبيت من حجره للثانيه وخصوصا غرف خواتج المفروض فيها خصوصيه وما يدخلها ريال غريب أبدا ..

حاولي تطلعون بأقرب فرصه من بيت أهلج .. وعادي خليه يقعد ف سكن الرياييل علشان يصطلب ويستوي ريال دام هذي سوالفه ..

و طبعا ً آخر شي لو البنت إشغلت بين رياييل لازم يكون بينها و بينهم حدود

و هذا الشي حاصل معاي لأني كنت أعمل في مكان مختلط

و واثق الخطوه يمشي ملكا ً

التعامل الطيب و المحترم هو الأساس

ومعاج حق في اللي قلتيه عن مضار الاختلاط وهذا شي ما يختلف عليه اثنين

لكن ختيه نحن فرضت علينا الحياة باحكامها ان المرأة تعمل لجانب الرجل …وللحصول على الرزق الحلال تظطر البنية انها تعمل مع الرجل أو في وسط الاختلاط …

لكن ختيه الوحده اللي تحط الرحمن في صدرها وتتوكل على ربها واللي تغض بصرها وتتحصن بالقران ربنا ما بيتركها صح والا لا ….

انا قصدي يا ختيه العزيزة ان عمل المرأة في الاختلاط يعتمد على المرأة نفسها لان الريال بيطالع بيطالع ..ونااادر تليقن اللي يخاف ربه سر وعلانية …لذلك وحتى لو اظطرت ان تتخلى عن النقاب وتكشف وجهها ( اعتقد الاسلام يحلل اظهار الوجه بلا زينه وتبرج ) لذالك عليها ان تراعي ربها وتخاف منه وتتقيه …

وان تعرضت لموقف يمسها والا يسيئ لها تلجئ لمن هم اكبر منها سناً او رتبة ً في العمل وهم بيحلونها لها …

وتتذكر دايما انها انثى وابسط شي يؤذيها …وتراعي هلها وكرامتها وربها فوق كل شي ….

بقوللج اياها بصراحه ختيه انا لو في المستقبل اظطريت اني اعمل ويا رجال ما رح ارفض هالفكره واكيد بحط لهم حدود من غير لا ارفع صوتي ولا اسوي مشاكل …بعد الوحده تقدر تفرض احترامها …

صح والا لا ؟؟؟

ما اعرف ختيه هذي وجهة نظريه والسموحه ^___^ ما اعرف الخوات هل هن ويايه والا لا ؟؟؟

خاصة ان اغلب الرياييل احينه يرفضون ان حرمتهم تعمل في مكان به اختلاط ؟؟

يا ترى خواتي شو ردة فعلكن ووجهة نظركن للي تتزين واتحط مكياج كامل وتلبس العباة الربشة وتنشم من على بعد يوم وهي فوسط الدوام ؟؟؟؟

وانتن كيف تنظرن للي يتعدلن عسب ايحصلن الوظيفة ؟؟؟واللي احيان يتعدلن في الدوام عسب ينخطبن ؟؟؟

في المدارس مافيها اختلاط

في بنوك قسم النساء حسب منطقتك تتصلين تشوفين

في مرات اماكن اوكي فيها اختلاط بس في حريم بعد