السلم عليكم ورحمة الله وبركاته
اشحالكن خواتي؟ ان شاء الله الجميع بخير
بنات أباكم تقولون لي رايكم في هالموقف :
ربيعتي تدور ع وظيفه هي متزوجه و عندها عيال قدمت ف كذا مكان بس ما حصلت و هي جامعيه هههه نفس حال كلنا تقريبا وصلنا لدرجة اليأس ولله الحمد
هي مشاركة في موقع الفيس بوك و صادفت في يوم من الايام واحد بيساعدها انها تتوظف في مكان و المكان هي من قبل كان خاطرها تشتغل فيه
وهي على اساس تطرش له السي في ماله عشان يتوسط لها و يمشي اوراقها ضافته ع المسن
تقول انها ما تدش المسن وايد بس بين فتره و فتره واذا حصلته يسألها بخصوص الوظيفه
هي الحينه متردده تطرش له السي في ع الايميل ولا لا
انا ققلت لها هذا شي خاص، واتمنى انج تفكرين عدل . مااعرفت الصراحه شو اقولها ، خفت اقولها و تزعل مني.
ه صح تذكرت هي قالت لي انه في نفس الفترى اللي قالها ييبي اوراقج هي عطت اهلها و دوا الاوراق يعني قدمت بنفسها
قال لها ليش ما تثقين فيني اذا ابي اضرج اقدر اطلع الاوراق اللي قدمتي فيها من الجهة ردت عليه ان شاء الله خير
شو رايكن انتن؟
لا تعطيه واتسير بروحها اتقدم مرة ومرتين وعشر
وهو يبغي يعرف معلومااااااااااااااات لا أكثر
(مب مقتنعة) الحركة مب حلوة
والواسطة واسطة رب العالمين
السموحة
ما ترعف ما بنشك بالريال بس بعد ينخاااااف.. أنا راي اذا تقدر تسأل ريلها أحسن لأن لو عقبها درا بسويلها ساالفه.. تخبر ريلها و تطرش و تتوكل على الله..
يااااااااارب ارزقها باللي تتمنااااااااااه
لا تعطيه واتسير بروحها اتقدم مرة ومرتين وعشر
وهو يبغي يعرف معلومااااااااااااااات لا أكثر
(مب مقتنعة) الحركة مب حلوة
والواسطة واسطة رب العالمين
السموحة
لآ طبعآ ما بعطيــه
السي في فيــه معلومآت خآصة .. وبعضهم يحطون الصورة بعد
فكــيف هي تثق في غريب! يعني هو اللي بييب لهآ الرزق!
الرزق من عند رب العآلمين … إذآ كآتب لهآ تتوظف .. بتتوظف ..
ودآم هي امقدمة روحهآ .. بعد ليش اطرش حق الريآل!
خلآص هي قدمت .. وواسطتهآ رب العآلمين .. هو الرزآق
والله ييسر أمورهآ وان شآء الله اتحصل شغــل في هالفترة 
لو صدق يبا يساعدها ..
بيقولها طرشي اوراقج لمكان الشغل بايد حد من الاهل وانا بيسر امورج ..
مب طرشي السيفي ع النت !!
وبعديييييييين كيف تثق في واحد ما تعرفه !!
وشو اللي يضمنلها انه اصلن يشتغل ف هالمكان !! اونه يشتغل من الاساس !! وانه بيساعدها !!
يختي لو فكرنا فالموضوع بيكون في مليون سبب وسبب يخليها ترفض اطرشله السيفي ..
الرزق بايد الله سبحانه وتعالى .. وانشالله ربي بيوفقها بدون مساعدة حد ..
انا عن نفسي لو الشوووو ما يطرشله حتى لو عمري ما اشتغلت ^^ ..
لا تطرشله ولا تتعنى