الوسم: الاثيوبيه

بخبركم اليوم عن سالفه خدامتي الاثيوبيه
حسبي الله عليها

والله مقهوره لين اليوم

وماب مصدقه عيني
تميت يومين بلا حاسيتي
اتكلم وما اعرف شو اقول
احس صدق خبلتبي

وعل فكره هاي الخدامه الاثيوبيه شردت عني مرتين
مره زخاها راعي التاكسي ووداها اقرب مركز شرطه وسلمهم اياها لين يومي هذه انا ادعي حق ها التاكسي الامين بالخير واتصلوا الشرطه ورجعولنا اياها وقالت خلاص انا بشتغل وطلبت السماح مني

وعاد انا محتاجتنها اباها من الله ترد تشتغل

والمره الثانيه شردت وها المره وصلت المكتب طلع راعي التكسي يبا يترزق وقلنا معاليه ….
واتصلت المكتب اتاكد اذا موجوده ولا لا
فقالت راعيه المكتب موجوده
وقالتلي هاي تبا تسافر بس ما تبيكم تسفرونها بمعاشها
وقلتلها هاي بس كملت عندي 7 شهور كيف نسفرها بحسابنا
وقالت راعيه المكتب هاي مجنونه سفريها احسلج
وقلت ما بسفرها خلوها عندكم
وراعيه المكتب راغتها من عندها وقالتلها سيري الجوازات لانهم موب مسؤولين عنها

ووصلت الجوازات واشتكت عندهم وقالت تبغي معاشها كااامل ونقصلها تذكره بعد واتصلو الجوازات حق ريلي
وقالوله الخدامه عندهم وخالى ايي يستلمها

ويوم شافت ريلي استسمحت منه وقالت سامحوني برد اشتغل
ورداها البيت وقالي اتحمليها هيه فتره بسيطه لين اسوي خدامه ثانيه وبنسفرها
قلتله اوكي
بس بشرط ما تدخل داخل عندي ولا تلمس اكل عيالي
وقالي اوكي خليها برع تشتغل
لان خفت ها المره على العيال وتميت اسبوعين حابستنهم وياي مايطلعون الاوياي

وفجاه
فجاه
فجاه
السالفه اللي ناويا اخبركم عنها

اللي كانت الساعه 11 ونص الضحا
سلمكم الله طلعت ابغي اسوي الغدا

ولقيت الهانم يالسه عند باب الصاله تترياني اطلع

ومن جافتني سجدت عن ريولي وتقولي انا تعبانه ابغي اسافر قلتلها اوكي بسافرين جريب
التذكره موجوده وقالت لا تبا الحين الحين الحين

وقلتلها والله الطيارات ما يطيرن على كيفج

وطنشتها وسرت المطبخ ولا اسمع صوتها تصيح بصوت عاااااالي مثل اليهال

وطنشتها وقلت بتهدا
وفجاه القاها يايه المطبخ
وطااااااااااااااااااااااااااااااااااااخ
على الارض ورفعت ريولها فووووووق وايدها شرات البيبي يوم يصيح وانا مقهوره ماب عارفه شو
اسوي لان كنت بروحي وريلي ينزل اخر الاسبوع

وقلتلها صبري لين يجي بابا وبيسفرج وقالت لاااااااااااااااااااااااااااااااااا
انتي اصرفي

وطنشتها وفجاه والا اشوفها نشت واقفه وتقولي خلاااااااااص انا مجنونه وعقت الحجاب وعقب عقت القميص
وطلعت من المطبخ ساير عند باب البيت الخارجي
وكل شوي تعق البنطلون
لين استوت لي
بدوووووووووووووووووووووووووووووووووون
عاد انا تعالو شوفوني منصدمه ومنهاره باللي اشوفه
وركض وراها ايمع ثيابها والبسها
وردت مره ثانيه تفصخ ثيابها
تبغي تطلع برع البيت
ورديتها بالشده لان كنت ناويه استر عليها
وقلتلها انتي ما تخافين ربج
قالت
لاااااااااااااااااااااااااااا
وانا كنت خايفه العيال يوم يردون من المدارس يخافون منها لان كانت حزه الباصات الساعه 1 ونص
تخيلو ساعتين انا وياها في الشمس
ورديت البسها البنطلون بالشده والغصب
وفجاه الااشوفها يايبه حجابها وربطته على رقبتها تبغي تربطه على العمووود
وتنتحر
واركض وراها واسحب الحجاب عنها

واتصلت حق اهل ريلي استغيث ابهم
وما قصرو طرشو الشرطه وخبروهم عن السالفه وعاد انا ما خليت الشرطه تدخل لين لبست ثيابها وعباتها
وشلوها المركز

تتخيلون شو قالت حق الشرطه

ان انا متسببه حقها ومقطعه ثيابها

عاد هنيه القهر
واقول هاذا يزاتي استر عليها وجيه تقوووووول

ومن القهر طرشنا معاشها مال شهرين اللي كنا ميودينه عنها للضمان
حق الشرطه والتذكره طبعا بحسابنا
لان نبغي نفتك من شرهاااااااااااااا
وما قصرو وخلصو اجراءاتها وسفروها

وسلامتكم

زين يوم ما سوت بج شي

اهم شي افتكيتي منها

عندي خدامه اثيوبيه ومو من زود الشغل فالبيت ونحن الا 2 وفوق هذا كله مناشبتني على الراتب المكتب قايل 500 وهي تبا 600 ولسانها اطول منها بعد…….

وهي اول مره تشتغل

الكلام بالعربي وكيف يلفظ باللغه الاثيوبيه

مثال :-

بغيت اسال اللي مجربه خدامات طباخات
منو الاحسن فيهن الاثيوبيه ولا الاندونيسية؟؟
من حيث ضبط الاكلات والسرعة والفهم.

يزاها الله خير اللي بترد علي..

بصراحة سؤالج عادي
بس لوفكرنا شوي بيكون سؤالج غريب

اللي عندها خادمة اثيوبيه … يالييت تخبرني كيف تتعامل معاها؟!!!!!
انا صراحه مسويه ع خدامه اثيوبيه و لا وصلت لين احين و انا اول مره اتعامل مع اثيوبيات .. و مش عارفه كيف اتعامل معاها …. حد يقولي عصبيات .. و حد يقول مايعرفن ينظفن .. و حد يقول يمشن شغل البيت ع كيفهن و لا يعرفن حق العيال !!!!!
صراحه ماكنت بسوي عليها بس زوجي الله يهديه اصر انه نيب اثيوبيه .. و نجربها .. لاني مليت من الاندنوسيات .. كله مشاكل .. عاد قلنا اثيوبيه ارخص و بنجرب هالمره .. الله يستر
فاللي عندها خادمه اثيوبيه تقولي كيف تعاملت معاها .. خاصه انا عندي عيال صغار و مش متطمنه حقها .. اخافها تعصب ع العيال ولا شي !!! خبروني جزاكم الله خير …

مرحبا
شحالكم؟؟

بغيت نصايحكم خواتي يبتلي شغاله اثيوبيه يديده واول مره تشتغل كيف اتعامل معها واعلمها

وجهوني وانصحوني

اترياكم

اذكري دائما حديث الرسول عن الرفق " ما كان الرفق في شيء الا زانه "

وعن التعامل مع الخدم "
إخوانكم جعلهم الله تحت أيديكم فأطعموهم مما تأكلون وألبسوهم مما تلبسون ولا تكلفوهم ما يغلبهم ..فإن كلفتموهم فأعينوهم."

المشاركة الأصلية كتبت بواسطة فديت ماماتي..

تعاملي معاها برفق

اذكري دائما حديث الرسول عن الرفق " ما كان الرفق في شيء الا زانه "

وعن التعامل مع الخدم "
إخوانكم جعلهم الله تحت أيديكم فأطعموهم مما تأكلون وألبسوهم مما تلبسون ولا تكلفوهم ما يغلبهم …"

موفقه يارب

واضيف علي كلام اختي العزيزة

عوديها علي اسلوبج شو تحبين وشو ما تحبين

كيف تناديج

يبغيلهن وقت علي التعلم اختي

وحاولي ما تكونين عصبية وياهاا

دمتي بكل خير

اسال الله ان يعطيج خيرها ويجنبج شرهاا

اللهم آمين

بدون ما تحس طبعاً

الاندونيسيات والفلبينيات بالحظ ايوونج .. في منهم اللي يشلوونج ع الراس ومنهم اللي يسون سوالفهن

بس كله يعتمد ع معاملتج وياها وخصوصا اول ماتيج تكون فكره رئيسيه عنج