الوسم: الاثاث

خواتي انا عاجبني اثاث حلو وهو صناعه تركية ( شبريه وملحقاتها ) .. بس ما اعرف كيف الجودة اوكي ولا وخصوصا انه غالي مو رخيص ..

ف اللي عندها معلومات عن الاثاث التركي تخبرني .. هل هو زين ويكد وما يخترب ؟؟؟؟؟

جد فيهم أفكار حلوة جدا

اعرف بس محل واحد شايفتنه في المجله اسمه ناتوزي

وهذا الموقع ادخلييي يمكن تلقين اللي تبينه

بنات محتاجه مساعدتكن

ابغى اعرف وين محلاث الاثاث ابغى جلسه عربيه للصالون وغرف نوم للعيال كبار

ايش القماش المناسب اختاره للصالون مع الستاره

ماعندي فكر عن الالوان اللي طالعه الان للستائر وابغى اعرف اماكن السجاد ابغى سجاد حلو

جزاه الله خير اللي ترد عليه

يصمد معاك والا يخرب بسرعه اسمع بعض البنات في مدونة ثانيه انه يخرب بسرعه

بنات بوظبي وينكن انتظر ردكن ضروري لا تخذلني

بغيت رايكم عندي غرفة لون الجدران سماوي والستاير رمادية والارضية زرقا

شنوة اقتراحاتكم اي لون اثاث اختار

امممم (جدران سماوية + ستاير رمادية + أرضيات زرقه)

اللون الأزرق بشكل عام لون يجلب الاسترخاء والراحة في المكان
ولكن لازم يتوزع صح .. لأن ع كثر ما الشخص يشوفه حوله ممكن يتحول الشي
من استرخاء لكسل، لأنه ألوان البيئة المحيطة تأثر في نفسية الشخص وسلوكه

وقبل أي شي … وفكري في هالأسئلة:

1. هل بترتاحين لهالألوان لفترة طويله ولا بتملين منها؟
2. (السماوي والرمادي والأزرق) شو بيكون لون الأثاث المحيط؟
3. شو الإضاءة المناسبة لها (الأبيض ولا الأصفر) وهل إنتي تحيبن هالنوع من الإضاءة؟
4. إنتي بشكل عام شخصيتج .. هاديه؟ مرحة؟ عصبية؟ … ألخ، وهل هالألوان تتناسب مع شخصيتج؟ لأن في ألوان تسد الشهية وألوان تزيد الكسول كسل وتزيد العصبي عصبية والعكس
5. إذا كنتي تشاركين حد الغرفة، هل هالألوان تناسب الشخص اللي معاج بعد أو لا؟

—————————————————————
——— بعد هالأسئلة وفي غيرها بعد وايد إنتي فكري في اللي يناسبج ———
—————————————————————

والحين لاحظي معايه وتخيلي الغرفة والشكل العام
وتقدرين تتخيلين وتقررين رايج النهائي بطريقتين:

الأولى : تبدين تفكيرج من [ألوان الجدران والستاير]

لو قلنا الجدران سماوية والستاير رمادية (ما تحسين أن الألوان باهته شوي؟)
هي حلوه مع بعض .. وألوان هادية وجميله، ولكن في هالحالة لازم يكون التركيز عالأرضية والأفضل لازم شي يكسر اللون تماماً .. مثلا تكون باركيه أو رخام/سيراميك أبيض أو لون ثاني + سجادة زرقه .. بهالطريقة بيكون توزيع الألوان أريح أكثر للعين والنفس وفي تناسق أكثر

الثانية : تبدين تفكيرج من [ألوان الجدران والأرضية]

تعالي نتخيلهم (جدران سماويه وأرضية زرقا) يعني تدرج لون واحد في هالحالة لازم نفكر بألوان الأثاث + الستاير والستاير بتلعب دور كبير

وتقدرين تحددين وتقررين بهالسؤالين:

1. هل إنتي تبين تكملين ع نفس الموال ودرجة لون واحد [الأزرق]؟
2. هل إنتي تبين تكسرين اللون بلون ثاني؟

إذا اخترتي (1)
تختارين الستارة بدرجة لون بين الأزرق السماوي و درجة لون أزرق الأرضية
عندج الأزرق بدرجاته + التركواز

إذا اخترتي (2)
لازم تبعدين تماماً عن اللون الأزرق وما تفكرين بهاللون أبداً في اختيارج للستارة والأثاث ومن الألوان اللي بتكسرلج درجات اللون الأزرق وتناسب اللون الأزرق .. درجات هالألوان:
(البرتقالي + البنفسجي + الأخضر والوردي + البني + الزيتوني + الأصفر + البيج)

شحالكن الغاليات وعساكن بخير …؟

بنات حد يعرف محل يشتري الاثاث المستعمل لاني ناويه اغير اثاث صالتيه وماعندي مكان احط فيه الاثاث الجديم …

اختكم

بس ياليت اللي تعرف محل يشتري الاثاث المستعمل فبوظبي تراسلني ع الخاص

رمضان مبارك عليكم وعلينا كل سنة وكل حول

نحن اشترينا أثاث من هوم سنتر

الشهر اللي طاف 25-5 وللحين ظل معاهم لان

بعدنا مانتقلنا نتريي الكهربا وان شاء الله

هالاسبوع بيوصلونها وسؤالي هل اذا ظل

الاثاث في التخرين اكثر من شهر يخترب

لان قبل اشوي اتصلت فيهم وقالوا لو اتاخروا

فالتخزين اونه يمكن الاثاث بيخرب وهم

ما يتحملوا المسؤولية وانا خفت الصراحة

وهل ممكن الاثاث يخرب فالتخزين

ممكن تساعدوني و اتخبروني شو احلا المحلات حق الاثاث في بوظبي

انا اعرف وايد بس محتاره بغييت رايكن ارجو المساعده….

غرشوبة ليوا