الوسم: الإبداع

حبيت استفسر اذا في حد أولاده في مدرسة الإبداع العلمي جريد 11 او 12 علمي لآني حابه اعرف مستوي المدرسة في السن الكبير وإذا المدرسين مميزين ولا العكس خصوصا مدرسين الكيمياء والفيزياء الله يخليكم اللي عندها معلومة ما تبخل عليه بها وفي انتظار تفاعلكم وردودكم حتي لو مش أولادكم يعني مثلا اولاد الجيران او الأقارب والمعارف شكرًا جزيلا حبايبي

حبيت استفسر اذا في حد أولاده في مدرسة الإبداع العلمي جريد 11 او 12 علمي لآني حابه اعرف مستوي المدرسة في السن الكبير وإذا المدرسين مميزين ولا العكس خصوصا مدرسين الكيمياء والفيزياء الله يخليكم اللي عندها معلومة ما تبخل عليه بها وفي انتظار تفاعلكم وردودكم حتي لو مش أولادكم يعني مثلا اولاد الجيران او الأقارب والمعارف شكرًا جزيلا حبايبي

خواتي ابا اتشاور مع حد عنده فكرة عن منهج مدرسة الإبداع العلمي في الشارقة.

أنا ولدي حاليا في الكي جي 2 في مدرسة الشارقة البريطانية الخاصة .. واستخرت رب العالمين في مسألة نقله من هالمدرسة وقدمت له للصف الأول في مدرسة الإبداع .. بس تفاجأت بعد امتحان تحديد المستوى أن نتيجته في الإنجليزي 20 من 50!!!! واللي خلاني أتفاجأ ان في مدرسته الحالية يعتبر مستواه فوق الجيد جداً وتقاريره كل كورس ممتازة وكل مدرساته يمدحون أداءه في الدراسة!!!

طبعاً لما قلت هالكلام لمدرسة الإبداع قالو لي أن المناهج تختلف .. وقالو انهم بيقبلون ولدي بس بشرط اكتب لهم تعهد ان الولد يتطور في اللغة الإنجليزية .. واذا ما صار فهم بيخلونه يعيد الكي جي 2 .. وهذا الشي ما اباه طبعاً .. وحرام تضيع سنة من عمر الولد بهالشكل.

بس للأمانة المدرسة قالت إن الولد مشكلته الأساسية في القراءة بس هو مب سيء وايد ومبين انه عنده استعداد يتطور ويتحسن أكثر.

الحين اللي ابا اشاوركن فيه هو الآتي:

أفكر إني أسجل الولد في مدرسة الإبداع .. وفي الصيف (يعني قبل بداية العام الدراسي القادم) أسجله في معهد أو مركز لتعليم اللغة الإنجليزية لمدة شهر أو شهر ونصف عشان يتقوى أكثر في اللغة.

فشو رايكن في هالفكرة؟

والشي الثاني ابا أعرف مدرسة الإبداع شو يدرسون بالضبط في الكي جي 2 بخصوص اللغة الإنجليزية؟ .. يعني مثلاً ولدي حالياً في مدرسة الشارقة البريطانية وما يركزون له وايد على القراءة .. والكلمات اللي خذها لحد الحين ما تتجاوز 25 كلمة .. فكيف منهجهم في مدرسة الإبداع؟

اسمحن لي يا بنات ثقلت عليكن .. بس يهمني وايد ان الولد يروح مدرسة الإبداع عشان حصص التربية الإسلامية واللغة العربية (قالو لي ان حصصهم يومية مب مثل باقي المدارس الثانية) .. فاللي تقدر تفيدني وتجاوب أسئلتي بتكسب فيني أجر.

الحمدلله سجلنا الولد من يومين وانتهينا من هالخطوة … وبالمناسبة قالو لنا إنهم مقدمين طلب لزيادة الأسعار وفي انتظار موافقة الوزارة

أختي يمنات