عزيزتي الأم، السلام عليكم ورحمة الله وبركاته
اذا ناوية تتركين أطفالج مع الخادمة تفرجي الأول على هذاالنموذج
ولو دورتي بعد في النت بتلاقين أشياء كثيرة تشيب الشعر
في موضوع الخدم والأطفال
ولاحظي بعد كل هذا الضرب كيف الخدامة بكل نفس خذت البنت الحمام الله أعلم شو تسوي فيها (عشان تكمل عليها)
http://file14..net/Download/34861221/—–.m1v.html
مادري ليش ينحذف اسم الموقع في الرابط
اذا الرابط مو شغال تقدرين تسوين copy على الرابط و paste على address bar
المهم كتبوه بروحكم في الآدرس بار لكن لازم تضيفين 9 q 9 q (التسعة أول وبعدين q وبدون مسافات لأنه اسم الموقع طقطق) كتبيه بين النقطتين /file14..net/ وكملي الباقي
والله في أمهات ماعندهم قلب ويقولون "يحليلها خدامتنا مسكينة" والله أكثرهن سكينات حطولهن كاميرات بدون مايدرن وشوفوا البلاوي
أو اللي عذرها أقبح من ذنبها "وقتي وطلعاتي حق الأعمال التطوعية" تطوعي على عيالج الأولى!!!!
واللي تقول "مضطرةللشغل "ماحد يصرف عليج وإلا طمع على حساب سلامة عيالج النفسيةوالجسدية؟؟؟؟؟؟؟؟؟
اللي مضطرة للشغل تحطهم في حضانة مضمونة أبرك لعيالها بدل ماتستفرد فيهم الخدامة
الله يصلح امة محمد ويهدي المسلمات لما يحبه ويرضاه ويسخرهم لتربية أبناءهم وبناتهم التربية الصالحة (التربية الصالحة ما تجي من ورا الخدامات)
أحسن شي الخدامات اللي يشتغلون بالساعة عن طريق مكتب الخدمات
تشتغل عندج ساعتين تاخذ حسابها وتطلع (بس لازم تكونين متحذرة لأنهن يسرقن) يعني لازم تكونين متواجدة وتحت اشرافج
واللي عندها خدامة في البيت المفروض يكون شغلها (غسيل الحمامات وتنظيف المطبخ والمسح والغسل والكوي)
مو مثل بعض الحريم يا كافي يعطون عيالهم للشغالة وتقعد الوحدة تخدم على ضيوفها تسوي بنفسها الشاي والقهوة والعصائر وتقدم!!!!
المفروض هي تمسك عيالها والخدامة هي اللي تخدم الضيوف
الله يحفظ أمي ويطول عمرها ويعطيها الصحة
من صغرنا نشوف الخدامات في البيت بس للتنظيف وغسل الملابس وكويهن
وممنوع يقربون منا أو حتى يشوفونا ونحن نغير ملابسنا
وأمي اللي كانت تحممنا وتلبسنا وتأكلنا وتدرسنا وتراقبنا ونحن نلعب
جزاها الله كل خير
ودايماً تقول ومازالت ((الخدامة للحمامات موللعيال))
اللهم احفظنا واحفظ ذريتنا
والسموحة
كلامج صح الله يهدي الامهات
هي والله وحليلهم هل اليهال اللي يخلونهم عند الخدامااات عن نفسي لو فكرت اطلع وماا اشل ولديه اخطفه على عمووو وتشوفه فديتهااا ..^^
الله يحفظلناا عليااالنااا من كل شر ياربيه ^^
معاج بكل كلمة قلتيها
وهذا الشئ اللي اطبقه في بيتي
الحمدلله ماا ادخل خدم في بيت
ماا اامنهم لا على عيالي ولا على بيتي
عزيزتي إلي يبا الصلاه ما تفوته .. الله المستعان .
يزاج الله خير على الكلام السنع
انا استغرب من الامهات اللي يخلون عيالهم عند الخدم!!كيف يأمنون مادري بصراحة!! مع انهم يسمعون عن بلاوي الخدم..بس الحرمة تقول لا الحمدلله خدامتي ما تسوي جيه.. شو دراج شو تسوي من وراج…الله يعلم
الله يعين اليهال..ويهدي اهاليهم
المشاركة الأصلية كتبت بواسطة حمده القبيسي 
