الوسم: الأنابيب

السلام عليكم…شخباركم بنات…بغيت اسأل سؤال …منو سوت طفل أنابيب ..ونجحت من أول شئ ولا لا..ومن أحسن دكتور في رايكم ؟؟؟ بليز بنات رددوا علي بسرعة..واللي تدخل موضوعي تدعيلي بالذرية الصالحة لان نفسيتي داوون……….

الله يرزقج الذرية الصالحة في القريب العاجل

المشاركة الأصلية كتبت بواسطة بدر0البدور

الله يرزقج الذرية الصالحة في القريب العاجل

مشكورة الغلا…الله يسمع منج.

للرفع…

المشاركة الأصلية كتبت بواسطة ياااارب

الله يرزقنا ياااااااااااااااارب

الله يسمع منج حبيبتي.

وينكم بنات…ولا وحدة خبرتني عن تجربتها…اترياكم بفارغ الصبر لا تأخرووون علي

أختي سوتها و نجحت بعد ثلاث محاولات و الحمدلله فمستشفى التوام بالعين محاولتين عند الدكتور وليد و محاولة عند دكتورة هندية و لا بكستانية ما ادري و الحين عندها بنت
الله يرزقج بالدرية الصالحة يا رب

شخباركم خواتي انا ناويه أسافر بعد العيد للعلاج لعملية الحقن المجهري للمره الثانية وين تنصحوني غير الأردن الرجاء المساعدة

موفقه اختي
سبحان الله وبحمده

أنا سمعت عن بلجيكا واعرف وحده يابت توام ماشاء الله

والله يوفقج

انا ما اعرف ادلك على مكان تعملي فيه طفل الانابيب غير الاردن او الامارات

انا انصحج وفري فلوسج وسويها يا في الامارات يا الاردن انا سرت بلجيكا على حسابي وخسرنا على الفاضي وانا اشوفهم كلهم نفس العلاج وكل شي بيد رب العالمين

سويها عند دكتور وليد ببوظبي

جربي عنده بالاول .. مع توكل بالله

ربي يرززقج حبووووبه

هلا خواتي ….

الله يرزقني واياج وكل من يتمنى الذرية الصالحة يارب

ان شاء الله الخوات يفيدونج

الغاليه انا اعرف وايد احملن عقب الصبغه

والله يرزقج بالذرية الصالحة

موب ضرورى اشعة الصبغة فى حال قررتى اطفال انابيب والله يسهل عليج ويرزقج من دون عمليات

وانا بعد اقترح تسوين الصبغة لان وايد حملن بعدها ..

انا سويت أشعة الصبغه من 3 شهور وماحملت الحمدالله على كل حال ..

انا افكر اسوي اطفال انابيب بس أخاف من سحب الويضه ما اعرف في الم ولا لأ ؟

ربي لا تذرني فردا وانته خير الوارثين
ربي لا تذرني فردا وانته خير الوارثين
ربي لا تذرني فردا وانته خير الوارثين
ربي لا تذرني فردا وانته خير الوارثين

COLOR="Purple"][/COLOR][SIZE"]SIZE]

أخواتي العزيزات….. فكرت وااااااااايد قبل ما أكتب الموضوع
لكن في الأخير قررت أشاركم الرأي والمشوره ، وآخذ رايكم في الموضوع
. خلوني أبدأ معاكم من البدايه (( متزوجه من سنه ونصف ، وعمري في ثلاثين وريلي في الاربعين شاء القدر ما يكون عنده الذريه الصالحه ، حملت مره خارج الرحم وشالوا عني قناة فالوب وحده ، والثانيه بعد العلاج والاشعة بالصبغه قالوا أنها مسدوده شي خلقي ، وكل الدكاتره يقولولي مالج إلا طفل الأنابيب ، وانا محتاره أذا بسويه في مستشفى توام دكتور ريال ، وانا ما أبغي اتعالج عند ريال ، وأذ بسير عند الدكتوره جوان مراد عياده خاصه أخاف لأني سمعت واايد يقولون أن العيادات ما تتحمل مسؤليه المريض أذا لا قدر سار شي خصوصاً حريم مسوين عمليه طفل الانابيب يقولون أنها صعبه وتحتاج دكتور ممتاز ارجوكم ساعدوني شو أسوي ؟؟؟؟؟؟؟؟؟
اتمنى تردون وتساعدوني جزاكم الله ألف خير وأرزقكم معي بالذرية الصالحة[/SIZE]

ماعندي فكره يالغاليه ربي يرزقج ان شاءالله وصدقيني ارادة ربي فوق كل شيء

ما أعرف شو أرد وأقولج
أنا أتعالج عند الدكتور خليل وفا
وعلى قولة الوالدة الضرورة تبيح المحضورات
وأنتي نيتج مب تتكشفين من هواج إنتي مجبورة للعلاج
وعن جوان مراد لو يقولولي بتكون دكتورتج الخاصة مدى الحياه وبتعالج بلاااااااااااااش
بقولهم سمحولي وهذا رأي الشخصي
صلي استخارة وشوفي وين الله كاتبلج الخير

نا الي اعرفه انه مستشفي الكورنيش يسوي تلقيح صناعي بس لكن اطفال الانابيب يحولونج مستشفي توام انا كنت اتعالج عندهم وما كملت

إستخيري ….. بس نصيحتي سوي طفل أنابيب….. عشان العمر و لافان الفوت ما ينفع الصوت…
إيبي بيبي حقج او حق ريلج … والله يسعدج و يهنيج إنشاء الله

الله يجدم لي فيه الخير

نصيحتي سوي طفل أنابيب….. لانج مب صغيره ولا حتى ريلج .. وانتي بتتعالجين عند الريال للضروره يعني مضطره .. واعتقد مستشفى توام هو المستشفى الحكومي الوحيد اللي يسون اطفال انابيب…. جوان مراد محد يمدحها من ناحية الاسلوب والتعامل ..

يااللـــــــــــــــــــــــــــــــــــــــــــــ ـــــــه نبتدي
خلنا كلنا نستـــــــــــــــــــــــــــــــــــــــفيد

يللا كل وحده تعطيني نكها وتقولي هيه في اي مرحله

يللا نبى نشاط ^^

للرفع للرفع انا الحين اضرب الابره بروحي وعند ي ابره 450

ومتكوب اضرب 300 قالي الدكتور خلاص اضربيها كلها 450 وسهله في البيت برووحي اضربها احسن امس ضربتها غلط في مستشفى النوووووووور

يارب يعوض خواتــــــي .. ويرزقهن بالذرية الصالحــــــــــــــــــــه .. اللهم تقبل دعــــــــائنـــــا

يالله يارب العالمـــــــــــــــــين

مرحباااااا

اتريا همتكم وعونكم

مرحبا خواتي..

انا بصرااحه جربتها فالشارجه فمركز امج للتشخيص الطبي..
اسئلي فدار الشفاء اذا اوكي يسوونها..اتصلي فدكتوره زينت (دكتورة امراض النساء والولاده)..
وقووليلها كيف يسوون اشعة الصبغه..وان شاء الله اللي سووها فبوظبي يفيدوونج..والله يرزقج الذريه الصالحه..

للرفع..

مرحبا الغاليه ..
أنا سويتها عند الدكتوره شارما في المركز الطبي ما شاء الله ايدها خفيفه وماحسيت بشي …..

المشاركة الأصلية كتبت بواسطة حرم زوجي

انا بصرااحه جربتها فالشارجه فمركز امج للتشخيص الطبي..
اسئلي فدار الشفاء اذا اوكي يسوونها..اتصلي فدكتوره زينت (دكتورة امراض النساء والولاده)..
وقووليلها كيف يسوون اشعة الصبغه..وان شاء الله اللي سووها فبوظبي يفيدوونج..والله يرزقج الذريه الصالحه..

للرفع..

سمعت عن مركز امج.. بس صعبه أسير الشارجه

مشكوووووووره ع الرد الطيب

المشاركة الأصلية كتبت بواسطة princess_1

مرحبا الغاليه ..
أنا سويتها عند الدكتوره شارما في المركز الطبي ما شاء الله ايدها خفيفه وماحسيت بشي …..

شي طيب.. لأني سمعت إن هالفحص مؤلم..

إسمه.. المركز الطبي الجديد..؟؟؟

بارك الله فيج

للـــ ^_^ــرفع

للـــ ^_^ــرفع

[SIZE="5"]السلام عليكم ………….

الغالية أنا مثلج وكبـــــــــــــــــــرت الموضوع لين راسي ما أنفجر
الله بيسرها وبيفرجها علينا
أتمنى بنات دبي يفيدنج
لأني من بوظبي
إ عندج سؤال أنا حاضرة

شوفي الخاص…..

مشكورين على الرد

المشاركة الأصلية كتبت بواسطة الجوووري4

اختي انا عندي ربيعه دااااااااار راسها من بلاد لبلاد ..برع داخل ومافادها الا علاج الدكتور كيلاني اللي في الاردن … وماشاااااااالله تبارك الله الحين تربي توأم بنت وولد … وربيعتي الثانيه نفس الحاله والحين حاليا في الاردن بدت علاج معاهم وادعيلها بالتوفيق

مشكورة اختي الجوووري

شحاااااااالكم بنات ابا دكتوره تسوي اطفال انابيب في ابوظبي ومجربينها اصراحه انا عيزت من كثر ماسأل ومحد يرد علي بس متعشمه فيكم تردون علي .. وسلالالالالالالالالالالالالالالالام

— تـــم نقل الموضـــــوع للقسم المنااااسب.—

— اللهم أميـــــــــــــن–

السلام عليكم..شحالكم بنات…بصراحة بغيت أعرف منو مسوية طفل الأنابيب أو تلقيح صناعي وين بالضبط وبجم ونجحت من أول تجربة أو لا ؟…بليز خبروني …عندي ولد الحين بيكمل 9 سنوات…ونفستي زفت….الحمل لله على كل حال….قلت حق ريلي اسوي طفل أنابيب أو تلقيح صناعي ورفض..علشان جي بغيته يقرأ عن تجاربكم علشان الله يهديه ويوافق ..الله يخليكم اللي تقرأموضوعي تدعيلي بالذرية الصالحة….

الله يرزقج الذريه الصالحه يارب العالمين ,, ابصراحه ماعندي فكره ,,

اختي الافضل تبدين بالتلقيح الصناعي وهو ارخص واحسن لج ان شاء الله تحملين عن طريق التلقيح الصناعي
ومصاريف التلقيح ارخص من الانابيب

وانا بديت فيه .. من ثاني يوم دوره عطتني كلوميد لخمس ايام ومن بعدها بديت اخذ ابر لحتى وصلت لي حجم البويضات 18 وعطتني ابره تفجيريه وباجر بروح عندها مع زوجي وهو باجر بياخذ معه الماده وان شاء الله تنجح معي واحمل .. وان شاء الله كل المحرومات يحملون ..

للرفع ربي يرزقكم الذريه الصالحه

للرفع…

ومنكم نستفيد

الغالية أنا سويت تلقيح صناعي في مركز دبي للاخصاب والحمد لله من أول مره نجحت وأنا ألحين في الثامن والحمد لله ما عانيت من أي مشاكل والله يتتم علي ويسهل علي الولادة ويرزق كل محروم الذرية الصالحة