السلام عليكم
بنااات (حتى المعرسات) كلكم بنوتات ..
أنا باذن الله بعرس على بداية السنه اليديده وحاليا ادرس وماعندي وقت مووول اني اعابل سوالف العرس .. واصلا ماعندي اي خلفيه عن الموضوع هذا .. يعني طبعي من يوم صغيره ماحب احضر اعراس وهالسوالف .. يعني انا مييييح والوالده تستحي تخبرني عن هالسوالف وربيعاتي للحين ماعرسن يعني الوضع مره متأزم عندي!
ياريت لو تخبروني باللي تعرفونه من طق طق للسلام عليكم .. ماعندي سؤال معين في بالي لان اصلا مول والله ماعرف شي عن الترتيبات والتجهيزات شو لازم اسوي وشو ما اسوي .. ابدا!
انا خذتلي لفه في المنتدى وقريت مواضيع حلوه بس مادري ابا حد يكلمني ويخبرني لان ماعندي وقت اتلفت في المنتدى وايد ..
بلييييز احس نفسي هبله جدام سوالف العرس!
الله يتمم لج ع خير
اذا عرسج ع بداية السنة
فابدي شوي شوي اهتمي في نفسج وبشرتج بشوية خلطات وكريمات
== الذهب خذيه من الحين لان جدام شكله وايد بيرتفع
العبي اجليهن شوي لان في اشيا يديدة بتنزل
حاولي كلما سرتي السوق تاخذين لج شوية اغراض ما تنهي موضتها
مثل جلابيات البيت +البيجامات = طقم الفوط = الاندرويرز = عطور =مكياج بعض الاساسيات =اي شي موضته ما تخلص
شوفي كوشة تناسب ذوقج لفي كذا محل وتخيري
ونفس الشي للبطاقات
يعني حاولي تختارين الكوشة والوانها عشان تنسقين البطاقة =طبعا ع شهر 12 سوي البطايق مب الحينه
بس خذي لفة ع المحلات وشوفي الاشكال والاسعار
وفستان العرس اذا تفصيل =ابدي فيه من الحين
واذا ايجار بعد العيديري خذي لفه ع الحريم والمحلات واختاري شي يناسب ذوقج
لاتحجزين من اول مرة خذي لفة عشان تاخذين شي يناسبج ويناسب ذوقج
الماكييرات للمكياج والشعر لازم تحجزينهم قبل الزحمة والمواعيد حتى لو من الحين اذا حاطة وحدة معينه في بالج
عشان يمكن عقب ما يكون عندها حجز
تدرين ع بداية السنة وايد اعراس وحفلات فتصير زحمة عندهم
بالنمسبة للمخاوير والدراعات فصليهن عقب العيد افضل لان ما في زحمة
واي استفسار انا حاضرة
بالتوفيييييج يالغلا
" ربي يساعدج ويهنيج "
مبروووووك والله يتمم لج على خيييير ويوفقج
وإن شاء الله البنات يفيدونج
ربي يتمم لج على خير حبووبه ^^
الله يتتم عليكم بالخير حبوبة و الاخوات ما بيقصرون معاج
ربي يتمم لج على خييير
المشاركة الأصلية كتبت بواسطة aeo alketbi 