الوسم: الأستشوار

1- قبل الاستشوار غسلي شعرج عدل وحطيله حمام زيت وبعد ماتخلصين خليه ينشف طبيعي
او باللمجفف الكهربائي اتاكدي انه جف تماما ولاتخليه رطب خاصه الشعر يلي قريب من الفروه

2- استخدمي سيروم او كريم ماقبل الاستشوار يلي يمتص الرطوبه ويقاوم الجفاف حطيه كميه صغيره فايدج وادهني فيه شعرج بس ابتعدي عن الفروه بالنسبه لانواع الكريمات او السيروم عندج ماركات عديده مثل لوريال و ويللا وعندج تريسمي وكل هالانواع حلوه وانا مجربتنها

3- بعد السيروم قسمي شعرج لعدة خصل وابدئي استشوريه من الخلف لين الامام ولما تستشوريه خلي حركت الاستشوار بطيئه فشعرج يعني مب بسرعه واستشوري شعرج خصله خصله وبعد ماتخلصين كل الخصل مرري الاستشوار على الشعر كامل

4- وبعد الاستشوار استخدميه بخاخ مابعد الاستشوار وهني انتبهي انا مااقصد الاسبراي يلي يستخدم في الصالونات لتثبيت الشعر انا قصدي بخاخ يعطي لمعه للشعر ويثبت الاستشوار تحصلينه في السوبر ماركت في قسم الشعر وهو ملمسه خفيف على الشعر ومايخليه يابس مثل الاسبراي طبعا بعد الاستشوار ترشين على شعرج منه كميه بسيطه وحاولي ترشيه من مسافه بعيده ولاتقربيه وايد من شعرج وبعد ماترشيه مشطي شعرج بمشط عادي وراح تشوفين الفرق بعيونج بالنسبه لكريمات او بخاخات مابعد الاستشوار فيه وايد انواع مثل ويلا وتريسمي وافضل واحد تريسمي وكل هاي المنتجات انا اخذها من كارفور متوفره كلها وتحصلينها بسهوله

2- لا تسشورين شعرج في مكان بارد يعني لازم الغرفة تكون دافية .