السلام عليكم
خواتي هاي بعض الوصفات البسيطه اللي ممكن تسوينها لطفلج ..ترجمتها من موقع اجنبي لأفيد و استفيد..و مقاديرها سهله و موجوده في كل بيت ..
كما يقال ( العقل السليم..فالجسم السليم)
تابعوا معايه
.
.
.
.
.
((..خليط الخضروات المهروسه..))
المقادير:
-جزر
-بطاطا
-بطاطا حلوه
-بوبر (Pumpkin)
الطريقه:
قطعي الخضروات الى مكعبات صغيره ..اطبخيها عالبخار لمدة 20 دقيقه..بعدين حطيها في مله و حطي عليها شوي من الماي المستخدم في طبخ الخضره..و اهرسيها بالشوكه..أو بأداه يدويه مثل الصوره ..لكن مش فالخلاط..
.
.
.
.
((..الموز المهروس..))
المقادير:
–موز
الطريقه:
اهرسي الموز بالشوكه .. ضيفي قليل من الحليب ..ممكن صناعي أو طبيعي..
.
.
.
.
((..الأفوكادو المهروس..))
المقادير:
-حبة أفوكادو
الطريقه:
قشري الافوكادو و قطعيه..اهرسيه بالشوكه مع شوي من الحليب المستخدم للطفل.
.
.
.
.
((..الدجاج بالجزر..))
المقادير:
-1/2 ملعقه صغيره زيت الزيتون
-ملعقه صغيره بصل مفروم
-جزر مقشر ومقطع شرائح
-200 ملل ماي الدجاج..أو..200 ملل ماي مع ورقة غار وحده
-صدر دجاج
الطريقه:
سخني زيت الزيتون في الجدر..قلي البصل لين يلين..ضيفي الجزر..صبي عليه ماي الدجاج(أو الماي وورقة الغار)..خففي النار و خليه 10 دقايق..
قطعي الدجاج مكعبات..ضيفيه في الجدر..و اطبخيه 15 دقيقه لين ينضى عدل..طلعي ورق الغار(اذا كنتي حاطه)..حطيه فالخلاط و اهرسيه..
.
.
.
.
((..كويكر بالحليب و الكمثرى..))
المقادير:
-150 ملل حليب
-15 جرام كويكر
-حبة كمثرى مقشره و مقطعه قطع صغيره
الطريقه:
سخني الحليب و الكويكر على النار..خليه لين يفور و تمي اخلطيه..لين يستوي شوي كثيف..تقريبا 3 دقايق..حطيه مع الكمثرى و اهرسيه بالشوكه..
.
.
.
.
((..3 أنواع فواكه مهروسه..))
المقادير:
-1/4 أفوكادو
-1/2 حبة موز
-ملعقه صغيره بابايا
-ملعقتين حليب
الطريقه:
اهرسي الافوكادو و الموز مع الحليب بالشوكه .. اذا بغيتي تضيفين البابايا..بصبح الحليب اختياري.
.
.
.
.
((..التفاح و الكمثرى..))
المقادير:
-تفاحه
-كمثرى
-ماي.. أو عصير تفاح بدون سكر
-ذرة جرفه بودره ( اختياري)
الطريقه:
اطبخي التفاح و الكمثرى فالماي أو العصير على نار هاديه لين يلين..ضيفي الجرفه..
طلعيهن و اهرسيهن فالخلاط..أو بالشوكه.
و فالنهايه خواتي بس بغيت أقول .. لا تضيفين لأي من أكلات البيبي السكر أو الملح..و لا تعتمدين عالسيريلاك و غيره..جميع الوصفات اللي فوق تقدرين تثلجينها في المكعبات مال الثلج لأستخدام اخر.. يعني لا تتعايزين..و لا تقولين مايتقبل الطعم..شي طبيعي ان البيبي يوم يطعم شي يديد ينكره.. و مع الوقت يحبه..
مع تمنياتي لعيالكم دوام الصحه و العافيه ياارب..