الوسم: الحمل

الحمل خارج الرحم

السلام عليكم ورحمة الله وبركاته

مبارك عليكم الشهر

انا قبل شهرين تقريبا كنت حامل حمل طبيعي وسقطت ف شهرين والسبب عدم نمو الجنين
وعقبها بشهر حملت مره ثانيه بس طلع خارج الرحم وسويت العملية وشالو الانبوب
منو تعرف حد صارلها حمل خارج الرحم وعقب حملت
بليز بنات طمنوني والله خايفه خايفه موت

الحمد لله على سلامتج وعادي غناتي لاتحاتين وااايدات لحملن بأنبوب واحد وثنتين من أهلي ماشالله حملن توكلي على الله

انا اول حمل لي حمل خارج الرحم ولله الحمد والشكر بروحه طاح تلقائي الحمد لله الحمد لله يارحيم يا لطيف

قولي الحمد لله وإن شاء الله بتحملين لاني لما حملت انا كنت وايد اشوف مواضيع مرتبطه بموضوعج وفي وايد ما شاء الله حملن باراده الله

إن شاء الله بتحملين سيري المستشفى وكلمي دكتورتج الله الموفق

هي صح وحده تقرب حق ريلي الله يذكرها بالخير حملت حمل خارج الرحم وبعد فتره حملت حمل طبيعي ويابت ولد سبحان الله

الحمد لله لا تفقدين الامل ولا تحاتين كل شي بيد الرحمن

الله بيرزقج ان شاء الله بس تابعي التبويض ويا دكتوره

انا اعرف وحده صار لها حمل خارج الرحم و شلو بويضه وحده و عقبها بكم شهر حملت ب توم

لا تحاتين حبيبتي الله يرزقج الذرية الصالحه

حبيبتي انا صار عندي حمل خارج الرحم وشالو انبوب واحد وخبرتني الدكتورة ان واحد من هالانابيب بيكون نشط والثاني بيكون اقل نشاط وقالت ان ممكن نسبة الحمل تضعف عندي ..المهم خذيت مانع مدة 6 شهور بس حتى يلتئم جرح العملية وما شا الله بس وكفت المانع حملت بابني الصغير والحمدلله ربي يحفظه لي ..
وان شا الله عقبالج يارب لا تخافين عزيزتي ان شا الله خير

جهاز اختبار الحمل ؟

شحالكن حبيباتي ؟

حبيت افيدكن . أذا تبين تتأكدين اذا حامل اشتري الجهاز الي يبيعونة تقريبا 65 درهم في الصيدليات نتيجة صحيحة 99%

بس ممكن اتحطين للبنات اسم الجهاااز؟؟؟

تسلمين غناتي…

قصدج كلير بلو

انا كم مره استخدمته^^

الدوره والحمل

السلام عليكم ورحمة الله

بنات انا الدوره عندي مش منتظمه يعني مرات تكون تاريخ 16 واخر مره كانت 28 ولحد الحين ما نزلت …واليوم سويت تحليل الحمل المنزلي طلعلي سالب وفوقه تحديد الخط الثاني بس خفيف

ما ادري اذا كان حمل او لا …وعشان جي ابا اعرف اذا في طريقه ثانيه عشان اعرف غير فحص الدم لاني ما ابا اتسرع وروح المستشفى..؟؟

وهل يصير الحمل قبل موعد الدوره الشهريه بايام ولا بعد الدوره ..؟

ياليت تفيدوني وتدعولي اكون حامل والله يرزق الكل ياارب

ان شاء الله حامل وتبشرينا

بس اكثر شي اتريي لين بعد 7 تيام

اذ ما نزلت سوي فحص مره 2

انا نفسج الدوره متلخبطه عندي وكل مره تتتاخر اقول خلاص حامل بس ما شي حمل صار

الحمدلله ع كل حال

والله يرزقك ويرزقني ويرزق كل محرووومه

انشالله حمل فديتج

ربي يوفقج اختي

الله يرزقني ويرزقكم يارب …ويعطيكم العافيه ع الرد

للرفع ….

الحمل بمولود ذكر

بدخل بالموضوع على طول أنا أم لبنتين وخاطري ثالث حمل يكون لي ولد بس بغيت أسأل سمعت عن الدكتورة نادية تعطيج قائمة أكل ومحلول تستخدمينه عشان اصير المولود ذكر أحد جرب عندها وربت بولد أو بنت وقبل كل شي الحمدلله على عطيه الله

الله يوفقج اختي ^^

انا بعد خاطري بولد
الله يوفقج حبوبة

ربي يرزقج اللي تتمنينه ان شاء الله

انا سمعت وحده من ربيعات اختي جربت عند ناديه بس سبحان الله ماضبط بس من فتره اسمع انها يابت ولد مادري كله بامر رب العالمين سبحان الله

الله يرزقج اختى الولد اللى تتمنينه ويرزقنى وياج

اسمع ان حموضية الرحم او قلويته لها تاثير في انجاب ذكور او اناث باذن الله

موفقه الغاليه ٍ

حساسية الحمل حد فيكم جربها فديتكم فيدوني

السلام عليكم خواتي

انا فالشهر السابع الحين بهذلتني الحساسية ويوم رحت المستشفى قالتلي هذي يسمونها حساسية الحمل وما تخوز الا بعد الولادة طبعا انا اتبهذلت وحكة فضيعة اتييني وبصراحة احس عمري اتشوهت بطني صارية كلها علامات والله مضايقة مووووت

حد فيكم يته هذي الحساسية امانة تفيدني وشو استعملت

الله يعينج اختي
انا الحمدلله في حملي يتني هالحالة يوم واحد وسارت، كنت احك مثل المينونة، وعطوني دوا (عبارة عن حبوب صغيرة لونها ازرق بس ما عرف اسمها) وتخليج متخدرة، اذكر اني خذيتها يومين وكله ارقد.. بس الحمدلله ما طولت الحالة.

اما ربيعتي مثل حالتج طول فترة الحمل وما تسير عنها الا بعد الولادة، بس هي كانت تراجع فالكورنيش كانوا يعطونها ابرة تخفف عنها شوي الحكة

انا نفس حالتج حكة في كل جسمي من قاع ريلي لين ويهي وخاصة وقت الرقاد والادوية اللي عندي وايد خفيف مفعولها وانا في الثامن الحين ………لين متى بتم اعاني خلاص تعبت

بنات فيدونا بليز

جربي دوا اسمه فنرجان هو آمن للحامل بس ينوم …واستخدمي كريمات مرطبه مثل اي45
والله يشفيج

حرمه اخوي يتها هالحساسيه
وتمت متبهدله بس كانوا يعطونها كريمات و مرطبات بس
لين الحمد لله خفت عليها

انا يتني هالحساسية في اول شهور حملي وعطتني الدكتورة حبوب بس نسيت اسمهم وراحت وبعد شهر من خت الحبوب وودرتهن ردت عليه مرة ثانية فدكتورة الجلدية وصفتلي مرهم اسمه اليكاسل بس والله عجيب في اسبوع تقريبا والحساسية راحت حتى جسمي رد ابيض مثل ماكان لان الحساسية سودتلي جسمي واخيرا قدرت انام الليل اللي كنت ناستنه من كثر الحج

الي جربت تشرب حليب LADYMIL في الرضاعة و الحمل

هلا خواتي

حد من الأمهات جربت تشرب حليب ليدي مل هالحليب مسواي حق الحوامل و الي ترضع هو مكمل غذائي فيه فيتامينات و غيره؟

يبيعونه بس في الصيدليات و فيه نكهات

انا ام ^^ بس ماجربت اشرب هالحليب ان شاء الله مابيقصرن البنات حبيبتي

ماجربته..

انا جربته بنكهه الكاكاو….افضل شي اللي مايحب طعم الحليب

عادي ماله اضرار…..و زين للحامل والمرضع

أنا جربته بنكهة الفنيليا بس ما عجبني

انا من اول ما حملت ولين احين ارضع واشرب حليب المراعي الدكتوره قالتلي عنه ^_^

بس ماسمعت عن هالحليب !!! انشالله يفيدونج الباقيين

ماجربته بصراحه

اشرب الحليب الفرش

سكر الحمل خايفة طمنوني

مرحبا خواتي اشحالكن عساكن بخير

أنا من يومين سويت تحاليل دم في المستشفى اتصلوا فيني قالو لي ان كل النتايج بخير والحمدلله بس السكر مرتفع مستوي 165 !! مع اني بالذات هالحمل موووول ما اداني السوييت وكل انواع الحلويات .. ما ادري كيف جاسني السكر مع انه ما جاسني في حملي الاول ولا الثاني !
الحمدلله على كل حال .. انا بس ابا اعرف اذا كان فعلا وايد مرتفع وكيف اتعامل مع سكر الحمل علما ان عندي باجر موعد عند دكتور السكر والتغذية الله يعيني ..
وهل يتأثر البيبي بهالشيء ؟!

طمنوني بليز

فديتج انا ماعندي خبرة ف ارتفآع السكر بس هم بيتابعون معآج وبيعطونج حمية مخصصه تتبعينهآ وتهتمين من ناحية أكلج حتى اليوع ترى يسبب ارتفاع سكر

ابتعدي عن كل شي ممكن انه يرفعلج السكر وهم بيخبرونج بشو بالضبط اللي لازم تبتعدين عنه
وتابعين اول باول مستوى السكر عشآن لايستوي شي لاسمح الله

الله يطمن قلبج وان شاء الله ماعليج شر انتي والبيبي

شرات موضوعي اختي حاولي تبتعدين عن العيوش والمعكرونه قد ماتقدرين

الله يشافيج غناتي وتربين بالسلامه ..

حبيبتي مب لازم الاكل ولا الحلويات هم سبب ارتفاع السكر ، السكر يرتفع حتى من التفكير ولا الضغوطات النفسيه ، انتي حامل بعدي نفسج وريحي بالج من اي موضوع تحسين انه بيضايقج ولا بيتعبج نفسيا ، لان ارتفاع السكر في فتره الحمل مب زين واحتمال اذا تم مرتفع يستمر معاج لبعد الولاده ف انتي ديري بالج على عمرج وان شاء الله يوم تروحين للدكتور تكون الامور طيبه باذن الله ..

مايخصه لافسكريات ولا نفسيه هذي هرمونات ترتفع مع الحمل وبس بيعطونج كلوفاج تشربينه مع الحميه والمشي شوي عقب كل وجبه وبيعطونج جدول تكتبين فيه كل نتائج فحوصاتج عقب الاكل واذا شافوا انه مب منتظم بيعطونج انسلوين انا صرفوه لي وبعدني ماستخدمته خخخخ اخاف اضرب عمري ابره بس انتبهت لاكلي وماقام يرتفع حمدلله

الله يشفيكي اختي
لا تخافي كثير حوامل يصيبهم سكر حمل ويرروح بعد الولادة
تابعي مع الدكتورة وان شاء الله مايضرك شي

فديتكم ما قصرتوا والله فدتوني .. انا اليوم سايرة الموعد وان شاء الله خير .. ويبالي دايت الصراحة عسب اضعف شوي بعد الولادة ونسوي نيو لوك

افضل دكتورة لعلاج تاخر الحمل

يعطيكم العافية

اختي متزوجة من سنتين ولحد اليوم ربي ماكتب لها الحمل

سوت فحوصات وباقي لها أشعة الصبغة وايد خايفة وكل مايحددون لها موعد تخترع وماتروح بسب اللي تسمعه انها وايد تعور

ابي أحسن مستشفى في ابوظبي لعمل أشعة الصبغة وإذا يعطون إبر مسكنة

هم بعد ابي افضل عيادة لعلاج تأخر الحمل في العين لان هي وزوجها في العين هالفترة

السلام عليكم والرحمة اختي
بخصوص أشعة الصبغة لا تتخرع ولا شي مو داك العوار الي يدبح او يباله مسكنات
ترا وايد الناس تبالغ
انا سويتها والحمد لله ألمها نفس آلام الدورة بالضبط اهم شي تاكل زين وتتغدا قبلها
انا رحت بدون ما اكون ماكلة شي وقالولي هناك الممرضات لازم تكونين متغدية زين
عشان هالاشعة وبس
سويتها من سنة ونص والحين بعد خدت موعد قالت لي الدكتورة لازم أعيدها
وانا متحمسة لها لانه مو بس اشعة هي بعد علاج
لانها تفتح القنوات اذا كانو مسكرين وهالشي يسهل الحمل بإذن الله
وربي يرزقها ويرزق كل محروم بالذرية الصالحة عاجل غير آجل يارب

اختج من وين سامعة ان الفحص يعور ومنو قاص عليها
حرام عليها تصدق اي وحدة ،، وتضيع على عمرها ايام اكثر

بخبرج بصراحة وانتي خبريها

الفحص شوووووووووي مزعج،، والالم ماله نفس الم الدورة بس عالخفيف ،، يعني الالم يكون 1 من 10 او 2 من 10
والالم ما بيطول اكثر عن 5 دقايق
ولو هي موظفة اصلا بيعطونها هاليوم اجازة

ويمكن تنزل عليها كم قطرة دم،، وبس خلااااص،، خلصت ورجعت البيت تريح وتاكل

وبعدين قوليلها لو هي خايفة من هالالم اللي اصلا ما ينذكر كيف بتتحمل الم الولادة؟؟؟؟
بس كل شي يهون عشان ضناها
الم الولادة والطلق مب 10 من 10،، بيكون 20 من 10،، تخيلي كيف يعني

روحج تطلع،، عشان جي الدعاء مستجاب هالوقت والام درجتها كبيرة عند رب العالمين
الطلق مب شوي ترى،،، وسبحان الله الوحدة من تربي وتمر ايام بسيطة تنسى الالم والطلق كله وتتوله تحمل مرة ثانية

اما اني اخاف ومابا افحص عشان الالم،، ها مب كلام أختي

قولي لها توكلي على الله وسيري خلصي
والله يرزقها الذرية الصالحة والحمل في اقرب وقت

اللهم امين
مشكورات خواتي هي قرت من النت وعاد كل وحدة تشتكي انه الم كان قوي وأنها تحسبت عمرها بتموت عاد هي اخترعت

سالت الدكتورة خبرتها انها تعور

لا تقرا تجارب الاخرين كل واحد احساسه يختلف ومثل ما قالن الخوات قبلي الالم مؤقت مال 5 دقايق و يختفي و بسيط جدا عادي تتحركين بعده و لا كنج سويتي شي

خليها تتوكل على الله و الله يرزقها باللي تتمناه

خلها تتوكل على الله وتاخذ بالاسباب ولاتهتهم بتجارب الحريم السلبيه
وفي بوظبي خلها تروح عن الدكتوره نجوان مركز فقيه الطبي هي بتسويلها تحويل لمستشفى الامارت الدكتوره ميرنا تسوي عندها اشعه الصبغه ايدها خفيفه وفعلا 5 دقايق وهي مخلصه وعلى الالم أخف حتى من ألم الدوره

عسى ربي يرزقها الذريه السليمه المعافاه

انا سويت اشعة الصبغه وماكنت اعرف عنها شي هي صح مثل ماقالوا الخوات بتحسين بألم الدوره بس على اقوى شوي وكلها دقايق وتخلص ولا تفكر بكلام الناس والله اني رحت على عماي ولا ادري بالسالفه والامور مشت ولله الحمد وفعلا ترا هالويع مايي شي عند ويع الولاده خليها تتوكل على الله والله يرزقها بالذريه الصالحه وكل من تتمنى

باللنسبه لي سويت الاشعه في المركز الطبي عند دكتوره كيران بصراحه مريحه وايد
واذا على مدينة العين بتلقين وايد في مستشفى النور شي وايد دكاتره على مستوى وشي بعد مركز العين للاخصاب خلف مستشفى كرومويل تقدر تسير عندهم او مركز فقيه في العين

والله يسهل امورها يارب

تأخر الحمل

السلام عليكم ورحمة الله وبركاته
كيف الحال………
خواتي بغيت مشورتكم في أمر تأخر الحمل……….

ربيعتي تزوجت وقعدت مع زوجها ثلاثة أشهر بعيدن سافر الزوج لبلاد برا لمدة تسعة أشهر ….
وألحين رجع بس الزوجة ما حملت للحين……..
شو رايكم تروح تفحص ولا لا

للعلم اهي كملت سنة من تزوجوا
بس اللي قعدوه ويا بعض ثلاث شهور قبل ما يسافر وألحين الشهر الثلاث من جاء من السفر….

والله يجزيكم كل خير

مرحبا ختيه أم غيث
اربيعتج لو صاحية ما بلاها شي( خلل هرمونات..تكيس …الخ) خلها مطمنه إليين سنتين على حسب معلوماتي
بس لو تبى تحمل خلها تشرب اليانسون لمدة أربعين يوم كوب صغير الصبح وكوب المسا
بس ما اتكثر … وانشاالله بإذن الله بتحمل ((مجربة))

لازم تصبر لان اختي ما حملت لين سنه باضبط وبعددها حملت بدون اي علاج في ناس سبحان الله يتاخر عليهم الحمل بدون اي شي متى الله كتب بيصير الحمل وهي بعدها توها معرسة ولا تفكر بهذا الموضوع وايد لان ياثر على نفسيتها

||||""" للمتأخرات بالحمل هذه قصص واقعيه انتبهي من هذه الأدعيه """||||

السلام عليكم بنااااات حريم خخخخخخخ

بنات كلنا نشترك ونجتمع من اجل تحقيق حلم واحد وهو حلم الأمومه وكل وحده ودها تسمع كلمة (يمه) من ضناها…الله لايحرمنا ان شاء الله

وكلنا نبذل الأسباب بالتوكل على الله أولا ثم العلاج بالأدويه والأاعشاب..وبعضنا من اكتفى بالتوكل على الله وحده سبحانه مستجيب الدعاء…..

بس بنات انتبهواااااااااااااااااااااااا اااااااااااا
لاتدعون اي دعاء ….انتبهي لنوعية الدعاء الي تتدعينه…فلربما يأتي يوم تندمين على هذا الدعاء…

شوفي هذه البنت الي طولت سنين وماحملت وكانت تدعي ربها وتقول((يالله يارب لاتحرمني ارزقني الحمل لو يطييح بس أبي احس اني حامل))
وياسبحان الله …الله استجاب لها يابنات بس شنو……

كل ماتحمل يطيييييييح الجنين!!!! كل ماتحمل يطيح <<<<<<لأن هذا هو دعائها والله استجاب لها ..

.اهي ماوثقت برب العالمين الي خلق هالدنيا كلها يعني مايقدر يخلق لها الحمل الثابت!!!!

والحين اهي مصيبتها أكبر من الأول لأنها تحس بالحما وتعبه من وحام وغيره وبالأخير مايثبت…ويطيح…لاحول ولاقوة الا بالله…………….

وهذي قصه ثانيه لوحده تمت أربع سنين بدون حمل وقامت تدعي ربها وتقول((يارب يارب ارزقني ولاتحرمني ..ارزقني لو ربع طفل)) أعوذ بالله من هذا الدعاء……

وياسبحان الله لأن الله استجاب دعائها وحملت على طول …..ولكن………

الله استجاب دعائها كما دعته سبحانه لأنها ماوثقت بلي خلق الكون بستة أيام قادر ان يخلق لها طفل كامل ….

ولدت طفل لايتحرك من جسمه أي جزء ((مشلول)) ولايرى ولايسمع ولايتكلم…وعمره ست سنوات الان….

فكل مايفعله هو الاكل والشرب والنوم فهو((ربع طفل)) كما دعت هي…….اللهم عافنا فيما ابتليت به غيرنا وفضلتنا على كثير من خلقك………….

بنات للنتبه دائما وابدا لدعائنا لله سبحانه …وليس الدعاء فقط وانما ننتبه لكل كلمة نقولها,,لأننا لاندري فلربما يمر بنا ملاك ويستجيب الله لنا …حتى وان كنا لانقصد….

.اسمعوا هذه القصه……

في وحده بنت احملت على طول من اول يوم زفافها….ويابت ولد….ويولها حريم يباركون لها …

جان اتقول وحده منهم للوالده((ياله شدي حيلج وبعد النفاس حملي عشان تييبين أخو أو اخت لولدك))

جان ترد عليهم الوالده وتقول(( وي وي الله لايقوله ..انا ليلحين مانسيت آلام الطلق والولاده…اذا راح ولدي الجامعه أفكر بالحمال))<<<<قالتها على ضحك…………بس

يمكن لما قالتها استجاب لها الله أو ربما عاقبها على هذه الكلمه….

فولدها الان عمره 18 سنه ولم تحمل او تنجب بعده ابدا وحاولت وحاولت دون فائده,,,,والان هي نادمه على هذه الكلمه….

بنات انا كتبت هذا الموضوع عشان ننتبه موأي كلمه انقوله ولاأي دعاء ندعيه…

لاني أدري اننا في بعض الأحيان نصاب بنهيار وضعف ولانعلم ماذا نقول أو ماذا ندعي……..

ثقوا بالله وادعوه دوما دعاء يليق بعظمته وسلطانه وقدرته التي لاحدود لها…….

((اللهم ارزقني انا واخواتي الحمل الثابت المتعافى السليم الصالح والذي لازيادة به ولانقصان أنك سميع الدعاء))

صح الله لسااااااااااااااانج …. والله إنتي معاج حق في كل كلمه قلتيها

يااااااااااارب (((اللهم ارزقني انا واخواتي الحمل الثابت المتعافى السليم الصالح والذي لازيادة به ولانقصان أنك سميع الدعاء)))

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين.

كلامج صحيح 100%
فعلا الواحد لازم يحذر من اللي يتمناااه!!

ربي يرزق كل من تتمنى الحمل

بس عندي عتب بسيط واللي هو عنوااان الموووضووع
كان افضل لو كتبتي للمتأخرات فالحمل بدال للمحروومات
لان رب العالمين ما يحرم حد ابدا
حتى لو ما عطاه يكون كاتب له الاحسن

والسمووحه ..,

كلامج صحيح ياختي وأنا وزوجي أول ما تزوجنا كنا انقول بعد سنه بنجيب عيال وكل ما حد يسألنا نقول بعده وقت لما انكمل سنه وسبحان الله ألحين كملت سنه وبعدني ما حملت مع أن خاطريه بطفل

ونصيحه لكل من يدخل الموضوع لا يستهينون بلكلام حتى لو مصخره

وعسى الله يرزقني ويرزق كل متأخره بلحمال والذريه الصاحه

آميييييييييييييييييييييييييييييييييييييييييييييييي ييييييييين

صح .. النااااس ما تحاااسب ع رمستها .. بس يعقوون الكلمة بدون ما يوزنونها ..

وايدييين اول ما يعرسووون …

يقولون لالالا بسم الله علي بعيش حياتي توني عرووس خلاف افكر بالحمل والعيال ولاحقة ع الهم ..

والحين نادمين وبتحسرون ويتمنون الطفل .. مع ان طااف سنين ع العرس .. وللحين ف الانتظار..

يزاج الله خيير

سبحان الله ..

يارب ترزقنا الحمل الصالح المعافى ليس به زياده ولا نقصان