والله يا بنات من كثر فرحتي ما أعرف كيف أخبركم..أو وين أبتدي..
البارحة كنت أحوص في النت..ويلست أقرأ شوية عن السيلولايت..(ربيعتكم تعاني منه :1 (9): )..بس مأدري تعرفون ولا لأ إنه إحدى المكونات الأساسية والفعالة لمحربة السيلولايت هو الكافيين..وطبعاً القهوة متروسة منه..
المهم طحت لكم على صفحة..صاحبتها كاتبة طريقة سكراب لمحاربة السيلولايت (وبنسميه المزعج) بالقهوة :1 (37): ..
قلت يله خلينا نجرب..شو خسرانه..انا جيه جيه خسرت وايد علشان أخوز ها المزعج هاذا..وكانت النتيجة..بسم الله ما شاء الله..ما صدقت إنه في تحسن من أول إستعمال..قلت عاد لازم أخبر ربيعاتي في أحلى منتدى عندي..
وهو له طريقتين..بكتبها لكم..بس انا جربت الطريقة الثانية بس..ويوم بكون متفيجة..بجرب الأولى وبخبركم بالنتائج..
وعلى فكرة..الصفحة هاي اللي ناقلة منها طريقة السكراب فكرتها مثل المنتدى..يعني أي حد يقدر يرد على الموضوع..وكانت وحدة من العارضات هي اللي ردت على صاحبة الموضوع وقالت إنه طريقة السكراب هاذي وايد ماشية عند العارضات لأنه مفعولها سريع وهي تسويه يوم يكون عندها تصوير :22 (12): ..
الصفحة هنيه للي يبى يقرأ بس تراها بالإنجليزي..وفيها طرق وايدة لإستخدام القهوة..
http://www.unsolvedmysteries.com/usm429533.html
اوكيه ما بطول عليكم وهاي هي الطريقة الأولى:
إخسري 5-10 إنشات على كل الجسم في ساعة واحدة فقط..إطحني قهوة وأضيفي القليل من الجلسرين واعجنيها حتى تصبح قابلة للإلتصاق على الجسم..ثم وزعيها على الأماكن الذي فيها السيلولايت..وأخيراً لفي نفسك بالورق النيلون الشفاف القابل للإلتصاق (يعني اللي تلفون فيه السندويتشات)..وخليه لمدةنصف ساعةإلى ساعة واحدة بس..وحاولي قدر الإمكان تكونين في مكان حار..أو إلبسي شيء غليض عشان يحر جسمج وتسوي القهوة مفعولها..وبعدين شغلي الشاور على الماي الحار وخليه يصب لين ما ينترس الحمام بخار..ويلسي فيه شوية..وآخر شيء إغسلي جسمج منه القهوة وشوفي نفسج..أنصحج تاخذين قياسج قبل وعقب عشان تشوفين الفرق :22 (12):
الطريقة الثانية (مال السكراب):
استخدموا كوب القياسات عشان تكون عندكم الكمية صح..
– 1 كوب قهوة مطحونة
– 1/2 كوب سكر بني
– 1 م.ط فانيليا (هيه مال الأكل..السائلة بس)
– 1/4 كوب زيت الزيتون أو اللوز (انا استخدمت بيبي اويل لأنه ريحته أحلى وتغطي على القهوة)..
إخلطيهم مع بعض وحطيهم في غرشة ما أييها الهوا..وكل ما تبينها استخدميها على جسمج..بس الأول خذي شاور دافي إلى حار عشان تتفتح عندج المسامات ويستفيد جسمج من السكراب..آخر شيء إغسلي جسمج من القهوة عدل وإذا بغيتي استخدمي الصابون..
وخبروني بالنتائج…:22 (12):
تسلمون على هالوصفه الخطيره
1 م ط فانيليا بصراحه مفهمتش اد ايه ويعني ايه فانيليا سايله شكلها ايه او ليها اسم تاني؟؟؟؟؟؟؟؟
واااااااااااااااااااااااااااااااااااااااااو خطيره شكلي بيربها بعد ما اربي
المشاركة الأصلية كتبت بواسطة هدباء 
حبيبتي.. م.ط يعني ملعقة طعام..والفانيليا في السبرماركت نوعين..في نوع تكون سائلة في غرشة صغيرة (بتحصلينها صوب الحلويات)..وفي نوع تكون بودر..إن شاء الله فهمتي قصدي..
تسلمين على الطريقه الحلوه
مغريه بصراحه الطريقه.. بس اللي حبيت اساله هل .. الجلسرين الاحمر العادي او القلسرين الابيض اللي مثل المويه؟؟؟
ارجوا تجاوبين.. لاني تحمسسسسسسست اسوي واحد..
وانتي اي طريقه جربتي