السلام عليكم ورحمة الله وبركاته ..
هلا بنات شحالكم ؟
آدري اني غبت فترة طوييلة عن المنتدى ..
بس ان شاء الله بحاول آلتزم في كتابة يومياتي ..
بخبركم نبذة عني ..
قبل كنت رياضية كنت العب 4 ساعات يوميا في الجم ..
وكان وزني 64 وطولي 160 سم
عقب يتني اصابة للآسف خلتني اودر الرياضة وفجآة انتفخت ..
طبعا من الاحباط لاني ماقدرت لا العب رياضة ولا اني اسجة لمدة سنة ونص ..
سويت علاج طبيعي والحمدلله شفيت ..
اما عن وزني زدت لين ماصرت 85 وهاا اعلى وزن وصلته في حياتي ..
احيين قمت اخفف من آكلي وامشي بين فترة وفترة لان احس بآلم الاصابة مرات ..
الدكتور قالي ما اجهد ركبتي لان احتمال ترد اصابتي مرة ثانيه ..
اما عن وزني احين 77.4 وبحاول انزله لين ما اوصل وزني الاولي ..
وان شاء الله من باجر بكتبلكم يومياتي ^^
تقرير اليوم، السبت
الريوق
تفاحة خضراا + ميديام سكيني لاتييه وحبتين سويتنر
قبل الغدى بنص ساعه شربت شاي ريديوس
حبة لايبوتريم عقب سيدة تغديت
الغدى
شيش طااووق + بطاط وشويه خبز + صلصة الثوم + سفن اب لايت
شربت شاي اخضر مع زنجبيل وكمون..
قبل المغرب سويت رياضةة 40 دقيقة
عقبها حسيت بالم فركبتي شويه حطيت كمادة ساخنة عليها
قبل العشا شربت شاي ريديوس + فايبر
العشى
1 توست اسمر + حبتين جبن + خيارة + روب + زعتر
شربت شاي اخضر مع زنجبيل وكمون
الماي لترين + خذت فيتاميناتي كلها
حياج ماكي نورتي المنتداى
هلا والله
منوره المنتدى فديتج
وسلامتج ما تشوفين شر
بالعافيه علييييج
انتي قدهااااا وبتقدرين توصلين لوزنج المثالي
ربي يوفجج
إن شاء الله توصلي الوزن إلى تبيه
جربي رجيم نوع الجسم
ان شاءالله وياج
حمدالله ع السلامه مااااكي
انا كنت من متابعينك بس ضيعت الباسوورد و النك مالي و الحين بنك جديد
انا اليوم بديت دايت سليم فاست و الرياضه يوميا ساعه
وزني قبل 10 ايام كان 98
اليوم 95 الحمدلله و مواصله لين اوصل اول هدف 85
و بعده 80
و بعدين 75
موفقه حبيبتي