حلمت بانني ذاهبة لبيتنا
و شفت مزارع ونباتات بلون الاخضر جميلة على يميني و يساري واشوف اولاد عمي الكبار يلعبون
كنت مع والدي وبنت عمي ذاهبة لسوق اشتريت مكسرات لان ضيوف جاين بيتنا واليوم بيتم عقد القران
وكنت جالسة فوق السرير وعلى زاوية السرير في واحد جالس مبتسم سالني فستانج جاهز ؟!
رديت عليه هيه جاهز
سالني الكم لفستانج بيغطي يديج بالكامل 7 على 7
فضحكت وقلتله لا خليته نص كم ونزلت راسي اشوفه ابتسم ونزل راسه يقول ايوا بمعنى ماسمعتي كلامي بس حصل خير
فسالته اليوم بنتزوج ؟ بنكون مع بعض دوم ؟
فتقرب مني وقالي هي بنتزوج و كل يوم الصبح رح اشوف هالويه
كنت فاله شعري هو مرر يده اليمين بين شعري الاسود وتقرب مني وحضني
وفجاة اشوف نفسي فمجلس الرجال فبيتنا
ونا جالسة على الارض وابوي مع اخوي ياكلون مكسرات و في عامل يصبغ الجدار و صوب الثاني معلق ستارة حمرا يعدل فيها
قلت وينهم الضيوف فرد علي ابوي نفس اهل زوجك السابق طلعو هالناس بخلا حضرو بدون مهر قلتلهم يبو مهر البنت
وتعالو بيتنا
ف طلع عمج يبجبب المهر وعقب بتتزوجون وقلت لاخوي عط العامل مكسرات ياكل معاكم وقعدت انا اكل كاجوه بس كان لونه رمادي شكله مب حلو وماله طعم وقعدت اغرف لوز للعامل
توقيت الحلم : بعد صلاة الفجر
حالة الاجتماعية : متزوجة ومنفصلة
العمر : 31
الشخص اللي بيتزوجني فالحلم ماعرفه فالحقيقه
ماذكر شوكان لابس غير ان لون بشرته اسمر وشكله هادي و بشوش
والعامل ماشفت شكله
ولكن عمي فالحلم كان هو عمي ابو زوجي الحقيقي اللي جاي يخطبني ويعقد قراني فالحلم لكن بدون مهر كما فعل من قبل