خلطة لتبييض واااايد حلوة بسيطة وسهلة

صج صج بتحسين بفرق بويهج (( هاي عن تجربتي وتجربة غيري ))

لان انا من النوع اللي ماحط شي في ويهي لاني خوافه

بس هاي الخلطه شفتها على ناس وايد يستخدموونها وجربتها وماشاء الله اتحسين صج بشرتج

صافيه وفاتحه وخلطه طبيعه يعني حتى تحت العين حق السواد اتحطينها

بس ان شاء الله طريقتج تنفع باجربها لما اتخلص الغرشه اللي عندي

يقولون فاتح من اسبوعين وحظي والله ماقص عليج ان امس اخر يوووم للمعرض

انا اصلا من زمااااااااان ادورها وبالصدفه مع السوالف

وحده قالت لي ان في المعرض يبيعونها الخلطه

حبيبتي هاي الصوره نفس الغرشه هاذي ماي ورد واللي في الكيس هاي هو الطين المغربي

بس العلبة المرسوم عليها ويه البنيه هاي مااستخدمتها بس يقولون نفس الطريقه الله اعلم

واتبيعها ب 40 بس انا كاسرتها عطتني اياها ب 20

يعني ماي الورد + الطين المغربي هاذيلا مع بعض بـ20

وخذت من عندها شنطه صغيره فيها 3 اغراش عدة حمام مغربي

نفس اللي يسونه لنا في الصالون ونفس الريحه انا طبعا فتحته جدامها وشميته

عشان اتأكد انها ماتقص علي طلع كلامها صح والحرمه اللي اتبيع مغربيـه

وباعتها علي 100 درهم تخيلي ؟؟ سعر حلووو والله

يعني شنطة فيها غرشه كبيره هاي السوده اللي يحطونها لنا في الحمام المغربي

اول ماتدشين شي لونه اسوود ومع زيت الزيتون ، ومعاها علبتين صغار

وحده اعشاب والثانيه مادري شنو لاني مااستخدمتها امس شايرته

ومكتوب عليها الخطوات والحرمه علمتني عليها

وداخل الشنطه الليفه المغربيه وعطتني هديه ليفه ثانيه مجانا

عشان خذت الشنطه والشنطه سعرها الاصلي 100 يعني حتى ماكاسرتها

يعني بضاعتهم مغربيه 100 % ، حتى سألتها اذا عندهم محل في بوظبي